Skagfirðingabók - 01.01.1999, Síða 15
ÞORBERGUR ÞORSTEINSSON FRÁ SAUÐÁ
Meira um Þorstein í Gilhaga
Helga Indriðadóttir, amma Þorbergs í föðurætt, var fædd eins
og áður segir 27. júní 1857. Henni er þannig lýst, að hún hafi
verið nettvaxin og í meðallagi á hæð og samsvarað sér vel, svip-
ur hennar var hreinn og traustvekjandi, nokkuð grannholda í
andliti og gat ekki talist fríð. Hún var hreinlynd, ákveðin og
stjórnsöm. Mun velgengni heimilisins í Gilhaga engu síður
hafa verið hennar verk en bónda hennar. Hún giftist 16. júní
1883, Magnúsi Jónssyni frá Irafelli, Asmundssonar. Móðir
Magnúsar var Ingigerður Magnúsdóttir.
Helga var 26 ára gömul er þau Magnús giftu sig, og eignuð-
ust þau sitt fyrsta barn, Guðlaugu, 7. maí 1884. Þá var Helga
27 ára gömul. Fór hún þá í ljósmóðurnám til Reykjavíkur í
byrjun október 1884. I þessari ferð kynntist hún Þorsteini
Erlingssyni, hinu unga og glæsilega skáldi, sem þá var um
26 ára, fæddur 1858 í Stórumörk undir Eyjafjöllum. Hann ólst
upp í Hlíðarendakoti í Fljótshlíð, varð stúdent í Reykjavík
1883, las lögfræði um tíma í Kaupmannahöfn. Eftir að Þor-
steinn settist aftur að heima á Islandi stundaði hann fyrst
kennslu, en varð síðan ritstjóri á Seyðisfirði, Bíldudal og
Reykjavík, þar sem hann bjó frá 1902 til dauðadags. Náttúru-
vernd og samúð með lítilmagnanum var honum jafnan ofarlega
í huga. Hann andaðist 1914.
Fundum þeirra Helgu og Þorsteins mun hafa borið saman
um 18. október 1884. Enginn er til frásagnar um kunnings-
skap þeirra þó af honum fréttist allnáið norður í Skagafjörð og
sá orðrómur færi víða og mér sagður af fleirum en einum úr
mínum fæðingarhreppi, Lýtingsstaðahreppi. Þótti mér það
fréttnæmt og skráði ungur að árum og endurskráði síðar eftir
Þorbergi Þorsteinssyni og fleirum.
Helga mun hafa komið heim frá námi um 7. desember 1884.
Var hún þá kona ekki einsömul og fæddi son sinn um 9 mán-
uðum eftir stefnumótið við skáldið, eða 18. júní 1885. Þá var
13