Skagfirðingabók - 01.01.1999, Qupperneq 45

ÞORBERGUR ÞORSTEINSSON FRÁ SAUÐÁ
ur hafa orðið til þess, að skór hans allir hafi orðið of litlir, utan
gúmmískór gamlir og forlegnir, gerðir úr bílslöngu af skag-
firskum mjólkurbíl. Þess vegna hafi stígvélin orðið hans eina
skótau til lokadægurs, ásamt forláta bomsum, sem Sigtryggur
Árnason yfirlögregluþjónn í Keflavík gaf honum eitt sinn og
entust lengi.
Stórútgerðarmaður á Siglufirði hét Alfons Jónsson, lögfræð-
ingur að mennt, síldarútgerðarmaður og rak verslunina Vík-
ing. Þýskur konsúll var hann og umboðsmaður fyrir Færeyinga
hvað útgerð snerti. I mörgu fleira vasaðist hann, bæði til sjós
og lands. Kona hans var Jenný Stefánsdóttir og börn þeirra
tvö: Unnur og Jón. Alfons hafði mikið umsýslis, bæði til sjáv-
ar og sveita. Af seðlum átti hann gnógt og taldi hyggilegra að
breyta hluta þeirra í fasteignir en að láta þá liggja í sparisjóði.
Af jörðum hans má nefna Lambanesreyki í Fljótum. Þar hugð-
ist hann setja upp stórt fjárbú.
Eitt haust, eftir fengsæla vertíð, valdi Alfons tvo af sumar-
vinnumönnum sínum til að byggja fjárhús mikil á Lambanes-
reykjum. Viður var keyptur og fluttur á báti til Haganesvíkur
og svo þaðan á báti eftir vatninu að Reykjum. Að því unnu
tveir menn, Þorbergur Þorsteinsson og sveitungi hans, Pétur
Jóhannsson, stór maður og hraustur. Hann hafði lengi verið
vinnumaður í Lýtingsstaðahreppi og víðar.
Á Reykjum gekk fjárhússmíðin vel um haustið, grindin full-
gerð og byrjað að klæða. Þá skall á aftaka veðurofsi, sem víða
gerði skaða. Þeir félagar höfðu tvo báta á Reykjum til aðdrátta
og silungsveiða í Miklavatni. Þegar rokið skall á, voru bátarn-
ir á floti. Sá stóri lá við stjóra, en sá minni við landfestar. Þeir
sjá nú að þann stærri var farið að reka, og taldi Pétur að stjóra-
færið hefði slitnað. Þar sem hann var hraustur og áræðinn taldi
hann sjálfsagt að bjarga bátnum með því að róa þeim litla
þangað og aðgæta staðhætti. Bað hann Þorberg að ljá sér lið. En
Þorbergur latti hann og taldi ófært með öllu. Þá þaut Pétur í
bátinn einn og gat ekki við neitt ráðið. Bátana fyllti í þessu
43