Skagfirðingabók - 01.01.1999, Page 52

SKAGFIRÐINGABÓK
Ruslakistan
Árið 1988 kom til tals milli þeirra drykkjubræðranna og vin-
anna, Þorbergs og Guðmundar Sigurðar Jóhannssonar ætrfræð-
ings og æviskrárritara, sem lengi hefur unnið að skrásetningu
skagfirskra æviskráa, að ljóð Þorbergs skyldu gefin út á þrykk,
þau fáu, sem enn voru í minnum höfð, bæði í kolli höfundar og
annarra. Rifjaðist þá upp fyrir Þorbergi, að einhvern tímann
hafði hann lagt handskrifaða bók inn til geymslu á Sýslubóka-
safn Skagfirðinga á Sauðárkróki. Hafði skjalavörður þar tekið
ljósrit af þessum blöðum í einhverjum tilgangi og lagt til hlið-
ar. Svo þegar Þorbergur birtist á safninu til að sækja handrit
sitt til útgáfu, fannst það hvergi og reyndist því hafa verið
stolið, svo að frægðarvon Þorbergs sem skálds og rithöfundar
hrundi til grunna. Tímar liðu fram, og Þorbergur frétti af því,
að pörupiltur einn hefði undir höndum ljóð eftir sig og flytti í
hópi félaga sinna. Séu þau skrifuð í stílabók, sem orðin sé lúin
og ellidökk. Þar sem hyski það er að þessum pilti stóð var talið
mannskætt, lagði Þorbergur ekki í að grennslast eftir bókinni
og bar harm sinn í hljóði. Orðrómur þessi barst til skjalavarð-
ar í gegnum ættfræðinginn, er vann á safninu, svo að afritið
var sótt, aukið og endurbætt. Handritið skírði höfundurinn
Ruslakistuna, og bókin var prentuð af fyrirtækinu Sást sf.
á Sauðárkróki, útgefin af höfundi sjálfum 1988 í tilefni af
áttræðisafmæli hans, inngangsorð samin af áðurnefndum Guð-
mundi Sigurði Jóhannssyni.
Kver þetta var snyrtilegt að öllum frágangi og reyndist vera
33 síður prentaðar. Mynd af ruslakistu var teiknuð á kápufor-
síðu af skagfirskum listamanni, öll réttindi áskilin og eftir-
prentun bönnuð nema með leyfi höfundar, sem ég fékk, er ég
heimsótti hann í sæluvikunni 1989- Var það leyfl handsalað
af báðum allsgáðum í Rússlandi á Sauðárkróki, norðurenda
neðstu hæðar í verelsi því, er áður hafði verið fjós, þá er Sigur-
geir Daníelsson byggði slotið.
50
j