Skagfirðingabók - 01.01.1999, Qupperneq 88

SKAGFIRÐINGABÓK
Newcastle og seldist það smjör á 84 au. pd. og fékk lof hjá
kaupendum." Afgangurinn var sendur annað og seldist fyrir
lægra verð. Næsta sending átti að fara í júní og missti af skipi
svo smjörið varð að bíða á Sauðárkróki á „miður góðum stað.“
Fleiri óhöpp urðu, en framleiðslan stöðvaðist
af því að þá vantaði umbúðapappír (pergamentp.) innan
í kvartelin, enda var þá (í júlílok) sá tími liðinn, er bú-
stýran var upphaflega ráðin til og hún ekki fáanleg til að
lengja tímann.
Hjá Jóni koma fram mikil vonbrigði með undirtektir sveitung-
anna við búið. Hann telur efnahag þeirra bágan og segist ekki
sjá, að neitt annað geti rétt við hag þeirra. Lánið sem hann tal-
ar um var tekið til að koma búinu upp og á skýrslum sést að
það var ekki greitt þegar búið hætti starfsemi. Jón reyndi að
boða til fundar um málið og vonaðist til að hægt væri að blása
nýju lífi í starfsemina, en allt kom fyrir ekki. „A fundinn kom
enginn nema jeg, og svo Þorkell minn á Egg.“ Hann telur að
búið eigi enga framtíð fyrir sér. „Allir þessir loftkastalar mín-
ir strönduðu á deyfð og hugsunarleysi minna góðu og kæru
Hegranesbúa." Hann telur að betra hefði verið að byrja ekki á
búinu við þær aðstæður sem í Nesinu voru. Jón ætlar ekki að
halda áfram tilraunum við að endurreisa búið og reiknar með
að vera sín á Ríp fari að styttast.
Árin 1909 og 1910 eru starfandi átján bú í Árnes- og Rang-
árvallasýslu, en norðan heiða starfa átta bú, þar af tvö í Skaga-
firði. Ráðunautar Búnaðarfélagsins töldu að vel væri hægt að
hafa mörg bú í Skagafirði vegna staðhátta þar. I bréfasafni Sig-
urðar Sigurðssonar komu fram bréf frá fleiri Skagfirðingum. Af
þeim má ráða að nokkrar umræður hafa verið 1 héraðinu um
stofnun rjóma- eða mjólkurbúa, þó minna yrði úr framkvæmd-
um. Svo aftur sé vitnað til bréfs sr. Jóns á Ríp þá segir þar:
86