Skagfirðingabók - 01.01.1999, Qupperneq 94

SKAGFIRÐINGABÓK
•5- Sr-
Hver sá, er gerist félagi, er skyldur að vera í félaginu næsru
10 ár eptir að hann gjörist félagsmaður.
12. gr.
Um þann tíma, sem búið starfar má enginn félagsmaður búa
til smjör til sölu á heimili sínu, en halda mega félagsmenn
eptir rjóma til smjörgjörðar til heimilisafnota.
Staðsetning búsins var ákveðin við Gljúfurá. Jósef Björnsson á
Vatnsleysu bauðst til að gefa land, „ef það stæði í Litlahvammi
að utanverðu við Glúfurá upp við brekkuna." Að öðrum kosti
að selja land vægu verði ef því yrði valinn staður niður undir
Vötnum. Jósef óttaðist ágang á engjar og haga, ef sá staður yrði
valinn. Björn Pétursson á Hofstöðum lýsti því yflr að fyrir sitt
leyti mætti húsið standa endurgjaldslaust hvar sem heppilegast
þætti sunnan við ána.
Þann 27. desember þetta ár kom stjórnin saman við Gljúfurá
til að velja búinu stað. I fundargerð segir svo um staðarvalið:
Skoðað var svæðið frá Efstavaði og niður til Hjeraðs-
vatna. A eyrunum norðan við melana þótti ekki tiltæki-
legt að byggja, þar eð búast mætti við að áin kynni að
breyta farvegi á þessu svæði. Þrír staðir þóttu vera til-
tækilegir frá eyrunum og að Efstavaði, einn sunnan við
ána rjett neðan við Efstavað, annar norðan við ána ofan-
vert við svonefnt Miðvað, en sá þriðji í Litlahvammi
norðan við ána niður undir eyrunum og var hann álitinn
að mörgu bestur.
A þessum fundi var staðsetningin ekki endanlega ákveðin, en
talað um að bíða eftir mælingu og áætlunum, sem þeim Sig-
urði skólastjóra á Hólum og Jósef á Vatnsleysu var falið að ann-
ast.
92