Skagfirðingabók - 01.01.1999, Page 95
TIL SMJORS ER AÐ VINNA EN EI TIL FLAUTA
Þetta er tíundað hér vegna þess að í dag sjást ekki nein um-
merki eftir skálann og ekki örugg vitneskja um hvar hann stóð.
Töluvert magn af grjóti var flutt á staðinn í grunn og kjallara
hússins, einnig var grjóthleðsla kringum vatnshjól, en vatnið
var leitt í stokk. En áin virðist hafa eytt öllum minjum og trú-
lega oft breytt um farveg. Ef hugað er að bókuninni um staðar-
valið virðist Litlihvammur vera trúlegasti staðurinn, en um síð-
ari ákvörðun stjórnarinnar var ekkert bókað. En þessi ályktun
stangast á við frásögn Björns Sigtryggssonar í Framnesi sem
man eftir skálanum. Björn telur hann hafa staðið á eyrunum og
jafnvel að hann hafi verið byggður út í ána.31
Hjalti Pálsson skjalavörður á Sauðárkróki segir að allir sem
muni skálann segi hann hafa staðið norður undir Vötnum.
Stjórnin ákvað að stærð mjólkurskálans skyldi vera 10x14
álnir. Tekið var tilboði frá Hartmanni Ásgrímssyni kaupmanni
í Kolkuósi um sölu á efni flutt á Lónssand. Skálinn skyldi
standa á kjallara og byggingu hans lokið snemma næsta sum-
ar. Samið var við nokkra aðila um smíði skálans, vinnu við
grunn og flutning á efni. Sigfús Dagsson tók að sér að flytja allt
grjót í grunn, kjallara og kringum vatnshjól.
Gerður var samningur við Hjálmar Gíslason trésmið um smíði
skálans og þar kemur fram góð lýsing á byggingunni. Skálinn
var eins og áður segir 14 álna langur og 10 álna breiður
með tvöföldum veggjum og tvöföldu skilrúmi eptir 10
álna lengd af húsinu og skilrúm fyrir 3 herbergi öðru-
megin skilrúmsins, með 4 spjaldahurðum, 8 gluggum (7
þríbrotnum og 1 tvíbrotnum), einföldu lopti í húsinu og
með járnþaki lögðu á borðklæðningu, allt eptir því sem
uppdráttur af tjeðum skála sýnir, gjörður af Jóni trésmið
Björnssyni. Það skal tekið fram að sólbekkjum undir
gluggum skal smeygt undir karminn og að þak skal ná
nokkuð út fyrir hliðvegg. Þar að auki skal húsið allt tví-
málað utan og innan, nema lopt og gluggar sé þrímálað.
93