Skagfirðingabók - 01.01.1999, Blaðsíða 118
SKAGFIRÐINGABÓK
Rjómabústýrur
A fyrstu áratugum aldarinnar voru nokkrar konur sem höfðu
a.m.k. sumarvinnu af því að vera rjómabústýrur. Trúlega eru
þeir þó fáir í dag sem þekkja til þeirra starfa. Starfsemi rjóma-
búanna var stutt tímabil í atvinnusögunni og hefur að miklu
leyti fallið í gleymsku. Störf þessara kvenna voru viðurkennd
sem mikil ábyrgðarstörf, það sést meðal annars á launakjörum
þeirra.
Árið 1905, þegar Rjómabúið á Gljúfuráreyrum tók til starfa,
þá voru aðstoðarstúlkunni Ingunni Guðmundsdóttur greiddar
10 krónur á vikuna. Laun bústýrunnar Pálínu vitum við ekki,
en þau hafa vafalaust verið umtalsvert hærri. Hægt er að gera
samanburð á launum Ingunnar og launum almennra vinnu-
kvenna. I grein, „Um verkafólksskortinn í sveitum", sem birt-
ist 1906, segir svo: „Kaupakonu eru borgaðar 7—9 krónur um
vikuna og þeim duglegustu 10 krónur."
Og ennfremur: „Vinnukonukaup er nú 50—70 krónur og ein-
hver hlunnindi svo sem föt, eitt eða fleiri og kindafóður.“50
Hér má skjóta því inn, að meðan vinnukonukaupið var 50-70
krónur, þá höfðu vinnumenn 150—200 krónur í laun, fóður fyr-
ir 4—5 kindur auk fæðis og þjónustu, sem vinnukonurnar áttu
að sjálfsögðu að inna af hendi.
Þetta leiðir aftur hugann að því, að það voru konur sem
veittu rjómabúunum forstöðu, en þegar mjólkurbúin komu til
sögunnar og mjólkurfræði var orðin iðngrein, þá voru það karl-
ar, sem tóku við því starfi. Þetta á reyndar ekki aðeins við um
þessa starfsgrein. Oldum saman ófu íslenskar konur allt vaðmál
til heimilis og til sölu í gamla kljásteinavefstaðnum, en þegar
dönsku vefstólarnir komu til sögunnar, þá tóku karlarnir við og
gerðust vefarar. Orðin vefstaður og vefstóll segja reyndar sína
sögu. Það var staðið við vefinn í þeim fyrri, en setið í þeim síðari.
I reglum um rjómabú, sem samdar voru af Sigurði Sigurðs-
syni ráðunaut, var gert ráð fyrir „að bústýran hafi lært smjör-
116