Skagfirðingabók - 01.01.1999, Page 139
Á FJÖLUNUM AUSTAN FJARÐAR
Hann stundaði vísnagerð til gamans sér, en nú mun flest
gleymt.
Magnús lauk prófi frá Læknaskólanum 29- júnx 1898, en
sumarið áður hafði hann verið aðstoðarmaður Fritz Zeuthens
fjórðungslæknis á Eskifirði, sem kominn var á efri ár. Til þess
að verða fullgildur héraðslæknir þurfti Magnús að vinna um
sinn á sjúkrahúsum erlendis.
Millibilslœknir í 9■ héraSi
Magnús E. Jóhannsson var settur læknir í 9- læknishéraði ný-
kominn frá prófborðinu. Embættisbréf hans var dagsett 27. á-
gúst 1898 og ráðningin tók gildi 1. október og var til vors
1899- Samkvæmt hinni gömlu skipun í læknisumdæmi náði 9-
hérað yfir Húnavatnssýslu austan Blöndu og Skagafjarðarsýslu
að undanskildum Holtshreppi (þ.e. Fljótum), Fellshreppi og
Höfðasókn. Um veturinn ætlaði Magnús að safna fé til utan-
farar.
Enginn veit, hvað hinum unga lækni bjó í hug, er hann lagði
í fyrstu för sína norður f land ungur að árum, févana og reynslu-
laus að kalla. Það hefur trúlega verið eins konar sambland kvíða
og eftirvæntingar.
Til Skagfirðinga þekkti hann af Reykjavíkurblöðunum, sem
birt höfðu margar greinar um menn og málefni í héraðinu.
Meðal annars má honum hafa verið fullljóst, að leiklist stóð ó-
víða úti á landi með meiri blóma en á Sauðárkróki, og sönglist
hafði lengi verið í hávegum höfð í héraðinu. Skagfirðingar voru
og annálaðir félagshyggjumenn.
Allt hefur þetta fallið lækninum unga vel í geð. Hitt var ann-
að mál, hvort honum, reynslulausum kandidat, tækist að öngla
saman til utanferðar. Alkunnugt var, að skottulæknar óðu uppi
í Skagafirði og höfðu átt í útistöðum við héraðslækna þar og
vitaskuld orðið til að rýra tekjur þeirra.
137