Skagfirðingabók - 01.01.1999, Síða 145
Á FJÖLUNUM AUSTAN FJARÐAR
bæði dönsk, og börn þeirra sex að tölu, hið elzta 17 ára stúlka
og auk þess eru á snærum verzlunar hans þrettán manns fjórt-
án ára og eldri. Þannig gátu þorpin bæði teflt fram 25 manns
til leika, þegar smábörn eru undanskilin.
Reyndar er ekki vitað, hvort Hofsósbúar tóku nokkurn þátt í
þessari sýningu á Grafarósi, þótt hér sé gælt við þá hugmynd.
Hún kemur líka heim við óljósan orðasveim um, að íbúar
Ósanna hafi einhvern tímann leikið „f samlögum", eins og
Guðmundur Jónsson frá Teigi í Óslandshlíð taldi sig hafa heyrt
„tæpt“ á.
Ekkert er frekar með vissu vitað um leiksýningu þessa á Graf-
arósi en það, sem í blaðinu segir. Efalítið hefur verið leikið á
dönsku og fyrir luktum dyrum. Almenningur hefur ekki haft
aðgang að sýningunni, sem ætla má, að einungis hafi verið ætl-
uð íbúum Ósanna og nokkrum útvöldum boðsgestum frá betri
bæjum í nágrenninu.
Höfundur hefur heyrt lausasagnir um, að sýndir hafi verið
leikþættir í Hofsósi „löngu fyrir aldamót". Svo sagði Pétur Jón-
asson frá Syðri-Brekkum og Guðmundur Jónsson frá Teigi og
enn fleiri. Enginn hefur þó getað greint frekar frá þeim sýn-
ingum. Bendir það óneitanlega til þess, hvað fáir hafa verið til
frásagnar af búandmönnum, að alþýða hafi ekki sótt þær, þær
hafi ekki verið ætlaðar alþýðu, heldur þröngum hópi vina og
vandamanna.
I leikskrá Leikfélags Hofsóss árið 1984 kveður við líkan tón:
Vitað er til þess, að factorarnir gömlu á Hofsósi létu færa
upp leikþætti í heimahúsum, en hve umfangsmikil sú
starfsemi var, er ekki með öllu ljóst.
Svo margt gamalt fólk, er höfundur hafði tal af á árunum milli
1960—1970, taldi sig hafa heyrt orðasveim um leikstarfsemi
austan fjarðar, að ólíklegt má telja, að ekki sé fótur fyrir hon-
um.
143