Skagfirðingabók - 01.01.1999, Síða 147
Á FJÖLUNUM AUSTAN FJARÐAR
Reynistað.Vel má vera, að hér hafi skolazt til í minni fólks. Elín
Briem minnist leiksýningar á Reynistað á flutningsárinu:
Jólin 1872. Fyrir utan vanalega jólagleði, tilhald í mat
og drykk, kirkjuferðir, húslestra, söng, dans og leiki var
árið 1872 leikið leikrit, er Jón heitinn Mýrdal samdi
þennan vetur. Hann var heimilismaður og starfaði að
smíðum. Leikritið gekk fyrir sig á Gamlárskvöld og var
bæði fjörugt og skemmtilegt. I því léku meðal annarra 4
systkini mín, Gunnlaugur, Valgerður, Kristín og Páll,
síra Sigurður Stefánsson lék líka og fleiri. ...
Leikritið var leikið tvisvar fyrir heimilisfólkið og
nokkrum sinnum fyrir fólkið á bæjunum í kring. Menn
skemmtu sér alveg prýðilega.
Þetta sannar ekki, að sagnir um leiksýningar á Hjaltastöðum á
dögum sýslumannshjónanna séu tilhæfulausar. Elín dvaldist
ekki alltaf í föðurhúsum, og hér er hún að rifja upp endurminn-
ingar sínar þar.
En hvaða leikrit var það, sem Jón Mýrdal samdi á Reynistað
síðari hluta vetrar 1872, ef skilja má umsögnina svo, að hann
hafi samið leikritið á Reynistað um haustið, en ekki fyrri hluta
vetrar 1872 á Hjaltastöðum? Hér verður fátt um fullnægjandi
svör. Jón Mýrdal segir í bréfi til Jóns Borgfirðings 8. ágúst
1883:
Heima hjá mér á eg ýmislegt rusl hálf- og óklárað. Eg
vonast nú til að senda þér sjónarleik, Fégjörnu svíðing-
arnir, sem eg ætla að biðja þig að lesa. Honum kastaði eg
einu sinni upp í Skagafirði, átti að leika hann á skemmti-
samkomu í Hegranesinu, sem fórst fyrir sökum óveðurs
og vatnavaxtar.
Ef til vill á Jón hér við leikrit, sem hann hefur samið fyrir
1872, því að hann var viðloða í Skagafirði að minnsta kosti frá
10 Skagfirðingabók
145