Skagfirðingabók - 01.01.1999, Page 160

SKAGFIRÐINGABÓK
Því er þetta rakið hér, að af giftingum þessum leiddi aftur, að
stöðnun varð um sinn á leikstarfsemi í Hofsósi, þrátt fyrir
afbragðs góðar undirtektir sýningargesta. Unga fólkið, sem
þarna átti hlut að máli, sást ekki aftur saman á fjölunum.
Sigurlína og Kristinn fluttust „yfir um“ eins og sagt var í Os-
unum. Þau fóru byggðum að Ingveldarstöðum á Reykjaströnd,
en settust síðar að á Sauðárkróki. Bæði komu við sögu leikstarfs
þar, og talinn góður liðsauki að, einkum þótti Sigurlína snjall
leikari.
Magnús læknir og Rannveig Tómasdóttir efndu til smíði
íbúðarhúss á Hofsósbökkum 1901, eins og brátt verður vikið
að. Hallgrímur Tómasson hætti verzlunarstörfum í Grafarósi
1903 og fluttist til Reykjavíkur. Við verzlun í Grafarósi tók
Erlendur Pálsson, gamall leikhúsmaður frá Sauðárkróki, sem
fyrr var nefndur til sögu. Guðmundur Einarsson frá Hraunum
í Fljótum varð verzlunarstjóri Poppsverzlunar í Hofsósi 1898
eftir lát Jónasar Jónssonar frá Helluvaði.
Geta má nærri, að Magnúsi lækni hafi fallið þungt að þurfa
að leggja árar 1 bát, eftir að hafa verið viðriðinn leikstarfsemi
nær óslitið frá tólf ára aldri.
Ekki er með vissu vitað, hvenær lækni tókst að hefja leik-
starfsemi til vegs á nýjaleik. Þó er talið, að efnt hafi verið til
leiksýninga í Hofsósi einhvern tíma á árabilinu 1904—1910.
Það er jafnvel óvíst, hvort þá hefur verið um að ræða opinberar
sýningar eða smáþætti, sem leiknir voru í heimahúsum, sem er
sennilegra, því að Pöntunarskúrinn var tekinn til annarra nota.
Hitt er víst, að borið var við að leika í læknisumdæminu: Bind-
indisfélagið Tilraunin stóð íyrir málsháttaleik í húsi sínu í Os-
landshlíð 30. apríl 1905 og leikið var í fyrsta sinn í Fljótum
milli jóla og nýárs árið 1907. Sýnt var „Kaupmannsstrikið eft-
ir Pál J. Ardal. Leikurinn var sýndur á Hraunum. Allir vel-
komnir án aðgangseyris". Gætti þar efalítið áhrifa frá leikstarfi
á Hofsósi.'
158