Skagfirðingabók - 01.01.1999, Page 184
SKAGFIRÐINGABÓK
ir framtíðarhorfur Austurlendinga,
ef nýr Höfðakaupstaður rís upp út við Höfðavatn og ný-
tísku sláturhús, sem rúmi alla Austur-Skagfirðinga hér í
Hofsós. ... I upphafi bréfsins gat ég um nýjan Höfða-
kaupstað og sláturhúsbyggingu í Hofsós. Sagan segir að
líkurnar séu talsverðar fyrir stórkostlegum mannvirkjum
við Höfðavatn. Hafnargerð sennilega byrjuð í vor. Verði
alvara úr þeirri ráðagerð, þá getur þú sjálfur nokkru spáð
um framtíð nágrennisins.
Læt ég því líka ógert að mála hér upp í stórum dráttum:
aðalsíldarstöð Norðurlands, einustu tryggu höfnina (að
gleymdum öðrum eins frostavetrum og þeim síðast-
liðna), helstu samgöngu- og verzlunarstöð á öllu íslandi,
rafhitaðri og raflýstri og útbúna af hvers konar öðrum
hugsanlegum þægindum. Ég geri ráð fyrir því, að þú
hafir lesið „1001 nótt“. Allar hennar undramyndir
muntu sjá hér áður en mörg ár líða.
19- október 1919 ritar læknir:
Kuldadauði í vændum, ef kol ekki fást hingað. Væntan-
lega greiðari skipaferðir næsta ár ef Höfðavatnið virkjast.
Danskur verkfræðingur, Petersen að nafni, kom í gær til
að gera nýjar athuganir. ... Fleiri stórfyrirtæki á ferðinni.
Rafveita í Hofsós og áveita á landið frá Arhólmunum og
út fyrir Brekkurnar. Endað við að mæla það í gær, en raf-
magnsfræðingurinn var hér fyrstu dagana í ágúst. Líst
allvel á fyrirtækið.
Er Magnús hafði lýst „Höfðavatnsundrinu", vék sögu að Hofs-
ósi: „Og þá er sú fornfræga Hofsós. Aðalból ásælni og orma um
margra alda skeið.“ Þar sá Magnús aðeins fyrir sér vaxandi spill-
ingu. Um þessar mundir varð uppvíst um þjófnaði í plássinu,
182