Skagfirðingabók - 01.01.1999, Síða 198

SKAGFIRÐINGABÓK
ur, hinn 15. apríl. Hann var vatni ausinn bráðungur og gefið
nafnið Halldór. Efnilegur var hann bæði til munns og handa.
Verður nú farið nokkuð fljótt yfir sögu um sinn. Heimildum
ber ekki alls kostar saman um skólagöngu Halldórs, en þó talið
réttara að hann væri stúdent úr Hólaskóla fremur en Skálholts,
þótt utan Hólabiskupsdæmis væri. A hann þá að hafa verið 22
ára. Efni voru næg til þess að senda hinn unga mann að mennta-
brunnum Hafnarháskóla, enda varð svo. Hann var innritaður á
aðfangadag jóla 1715 („Halldorus Brinjolfi").
Þegar hér var komið sögu, var Friðrik fjórði konungur Dana
og Islendinga, lítt lærður, en trúrækinn og duglegur. Fór auð-
vitað með her á hendur Svíum og bað um sjálfboðaliða úr
háskólanum. Er í minnum haft að þar yrði annar í röð myndar-
legur maður úr hjálendunni íslandi, Halldór prestsefni Brynjólfs-
son frá Saurum. Um afrek hans í Danaher er lítt vitað, en ekki
dundaði hann við námið. Hann varð candidatus theologiae
9. júní 1716, að vísu með 3. einkunn. Hann mun hafa verið
ólatur að minna konung sinn á hversu fús hann var að leggja
fram líf sitt og blóð í stríðinu við þá Svensku, enda var frama-
braut hans býsna greið næstum frá fyrsta degi eftir embætt-
ispróf. Hann fékk veitingu fyrir Utskálum í Kjalarnesprófasts-
dæmi. Það var gott brauð, enda sá Halldór jafnan hag sinn.
Þjónaði hann og um hríð Hvalsnesþingum, þar sem stórbokkar
bægðu Hallgrími Péturssyni áður.
Þessum háskólagengna og herþjálfaða presti mun um sinn
óvíða hafa þótt sér fullkosta um kvonfang. Liðu svo árin, að
hann bjó við ráðskonur. En er hann var 33 ára gamall, kom
hann auga á unga konu er hann taldi sér hæfa, en sumir töldu
að tæki niður fyrir sig ef hún giftist presti.
Björn hét maður Jónsson Thorlacius (í klöddum Hafnarhá-
skóla Björno Thorlacus Ionæ fil.). Faðir þessa Björns var Jón
sýslumaður Þorláksson, Skúlasonar biskups, er var dóttursonur
herra Guðbrands. En herra Þorlákur átti Kristínu dóttur herra
Gísla lögmanns Hákonarsonar í Bræðratungu. Þetta voru há-
196