Skagfirðingabók - 01.01.1999, Side 203

ÞÁTTUR AF HERRA HALLDÓRI BISKUPI OG FRÚ ÞÓRU
hvort Harboe hafi ekki eitthvað vitað um þýðinguna með sanni,
þó að skósveinn hans á Staðarbakka hafi vafalaust ekki fegrað
hana fyrir honum. Skyldi Harboe hafa mælt með Halldóri pró-
fasti í biskupsembætti ef hann hefði vitað 310 „villur“ eftir
hann í einu barnalærdómskveri? Þá skal ekki undan dregið að
Harboe notaði Sannleika guðhræðslunnar til að spyrja presta út
úr, þá sem honum þótti ástæða til að prófa sérstaklega.
V
Ludvig Harboe telst sjálfur hafa verið Hólabiskup 1741—1745,
en í Biskupasögu?n segir berum orðum um Halldór:
„Biskup Loðvík Harboe kaus hann til biskups yfir Hólastifti
1745.“ Fór Halldór utan til vígslu samsumars og tók að búa
sig undir hið nýja embætti. Allt var þetta gert í góðu samráði
við Harboe, og þarf ekki fleiri orð um það að hafa, að hann
hefði ekki kosið slakan drottins þjón sér að eftirmanni í háu
embætti. Sat Halldór prófastur við lærdóm í Höfn og um-
gekkst höfðingja. Þótti honum slíkur selskapur jafnan góður,
þá er hann náði honum. Var hann vígður í sjálfri Frúarkirkju
á boðunardag Maríu 25. mars 1746, og jafnframt var Harboe
vígður til Niðaróss. Þurfti sr. Halldór margt að sýsla og
mörgu til leiðar að koma. Var hann ærið óþreyjufullur að
komast til konu sinnar og barna eftir hina löngu brottvist. Að
liðinni erfiðri sjóferð tók hann land á Snæfellsnesi 19- júlí og
var vel fagnað. Þegar hér var komið sögu var Þóra maddama af
léttasta skeiði, en þó á góðum aldri. Biðin hafði verið löng og
leiðinleg, og leitaði hún sér helst athvarfs í mat og jafnvel
drykk. Hún var tekin að fitna. Fæstar konur voru þá mjög
holdugar, og höfðu sumir ekki séð gildvaxnar konur nema þær
væru svo af barnsþykkt.
Fyrsta embættisverk Halldórs Brynjólfssonar eftir að hann
kom vígður biskup til Islands, var að hjálpa breyskum og illa
stæðum presti, Illuga Halldórssyni, bróður Bjarna sýslumanns
201