Skagfirðingabók - 01.01.1999, Blaðsíða 206
SKAGFIRÐINGABÓK
réttara vitum fyrir guði og okkar samvisku en að upp á
barnsins meðgöngutíma vanti fulla þrjá mánuði.
Þennan vitnisburð staðfestir svo prófastur og segir sig „mis-
gruna því síður hans inntak, nefnilega um tólf vikna mun frá
venjulegasta fósturfæðingatíma, sem hálærðir physici og medici
anatomi ex professo um skylt efni greinilega skrifað hafa.“
Sem sagt, þetta gat staðist eftir dómi hinna lærðustu lækna
og líffærafræðinga. Ofan á þetta allt saman er svo svili biskups,
einn hinna grunuðu, sjálfur Skúli Magnússon, fenginn til að
skrifa. „Nær- og yfirverandi var eg, Skúli Magnússon, sýslu-
maður Hegranessýslu."
Þetta er næstum því storkandi, enda var lengi óblítt með þeim
svilunum, en hins vegar lét einn af sonum biskups heita eftir
Skúla. Engin vottorð finnast um þá sögu, að Margrét Halldórs-
dóttir hafi verið ein mörk (250 grömm) þá er hún fæddist með
litlu lífsmarki skemmstan daginn á Hólastað. Stakk Lárus
Zophoníasson amtsbókavörður upp á því við mig, að hún hefði
verið vegin á „innvog" Hofsóskaupmanna, en ekki á þá reislu
sem þungi erlendrar vöru var prófaður á við sölu. Hvað um það.
Margrét hafði alla tíð viðurnefnið mörk. Hún komst til aldurs
og þroska, giftist virðulegum prófasti, Gísla Snorrasyni í Odda,
og þótti sóma sér vel. Meira um hana síðar.
Var frú Þóra Björnsdóttir orðin sek um hórdóm í fæðingu
Margrétar? Ekki þarf það að vera. Halldór biskup tók land á
Snæfellsnesi 19- júlí. Margrét fæddist 27. desember. I Heims-
metabók Guinness er dæmi um konu, er ól lifandi barn, svo að
128 daga skorti á eðlilegan meðgöngutíma. Mér telst svo til að
Þóru hafi ekki skort nema svo sem 117.
VII
Nú verður að nefna nýjan mann til þessarar sögu, sr. Jón Stein-
grímsson, sem síðari menn hafa nefnt eldprestinn. Roskinn að
204