Skagfirðingabók - 01.01.1999, Page 215
ÞÁTTUR AF HERRA HALLDÓRI BISKUPI OG FRÚ ÞÓRU
manni, Eiríki Eiríksyni, er sig nefndi Laxdal. Hann var skóla-
genginn og setti saman bækur, nokkuð óralegar. Barneign hans
með biskupsdóttur var höfð í flimtingum:
Gæfan Eiríks gerðist sljó,
gutlaðist upp úr skelinni.
Af ógætni barn til bjó
með biskupsdóttur Elinni.
Þetta bam dó ungt. Eiríkur Laxdal giftist annarri konu, hrakt-
ist með henni um hríð og dó flakkari á Stokkahlöðum í Eyja-
firði. Elín dó hins vegar ógift, en átti aftur lausleiksbarn með
Jóni nokkrum Bergssyni, en ekki veit ég hvort ættir verða rakt-
ar til hennar.
4) Gróa. Um hana var slúðrið, að hún væri ekki rétt mæðruð.
Hún dó ógift 1766, rúmlega þrítug, en hafði átt tvö börn í
lausaleik. Þau dóu ung.
5) Margrét. Hennar er nokkuð getið áður og alls þess fjaðra-
foks sem fæðing hennar olli. Hún varð síðari kona ágæts manns,
sr. Gfsla Snorrasonar í Odda. Hann var vel lærður og skáld
gott, en heilsuveill. Þau eignuðust ekki börn. Margrét dó 21.
mars 1779 á fertugsaldri.
6) Páll. Hann er talinn hafa verið tiltakanlega ófríður, eins og
Gróa systir hans. Hann var heiðarlegur, duglegur og dverghag-
ur. Páll giftist Þórunni Pálsdóttur prests á Ufsum á Ufsaströnd.
Hún var systir Bjarna landlæknis, tengdasonar Skúla fógeta, og
sr. Gunnars sem Harboe setti yfir Hólaskóla til að lyfta honum
úr lægingu eftir vanstjórn Islandströllsins. Páll átti heima í
Skagafirði og Húnaþingi. Þau Þórunn bjuggu við góðan efna-
hag, en eignuðust ekki afkomendur.
7) Snœbjörn. Hann fæddist 1742, varð stúdent frá Hólum
1765, barnaði konuefni sitt of snemma, en fékk fyrirgefningu
og var vígður prestur á Þönglabakka í Fjörðum 1767, en fékk
síðar sjálfa Möðruvelli í Hörgárdal og loks Grímstungur, en
213