Dagblaðið Vísir - DV - 10.10.2014, Blaðsíða 39

Helgarblað 10.–13. október 2014 Lífsstíll 39
10 leiðir til að auka gáfurnar
n Það þarf ekki að kosta neitt að auka þekkingu sína n Talaðu við gáfað fólk og lærðu tungumál
A
ð öðlast meiri þekkingu
og auka gáfur sínar þarf
hvorki að kosta mikla fyrir­
höfn né peninga. Stundum
þarf kannski bara örlítið
að breyta út af vananum, eins og til
dæmis að skipta út hálftíma á Face­
book fyrir hálftíma á vefsíðunni ted.
com og hlusta á áhugaverða fyrir­
lestra. Að grípa í bók fyrir svefninn
getur líka verið gulls ígildi, þrátt fyrir
að þú lesir ekki nema í tíu mínútur.
Hér á eftir koma tíu leiðir til að
auka við þekkingu sína á ein­
faldan hátt.
1 Notaðu internetið betur
Nýttu þann frímtíma sem
gefst, til dæmis í vinnunni eða
á kvöldin í eitthvað annað en
að skoða samfélagsmiðla á netinu,
eða myndbönd af krúttlegum dýr­
um. Netið er endalaus uppspretta
fróðleiks sem auðvelt er að sækja
sér. Horfðu til dæmis á fræðslufyr­
irlestra á Ted eða taktu námskeið á
netinu.
2 Skrifaðu niður fróð-leik Að skrifa niður það sem
þú lærir er góð regla. Bæði er það
góð leikfimi fyrir heilann að rifja
upp nýjar upplýsingar, til dæmis
í lok dags, og það eykur líkurnar á
að þú munir þennan nýja fróðleik.
Hafðu það til dæmis fyrir reglu að
skrifa niður 400 til 500 orð af nýjum
fróðleik á hverju kvöldi.
3 Sjálfsöryggi og hamingja Sjálfsöryggi og
hamingja skiptir miklu máli þegar
kemur að greind. Til að auka bæði
sjálfsöryggið og hamingjuna er því
gott að gera lista yfir hluti sem þú
hefur áorkað í lífinu. Ekki einblína á
allt það sem þér finnst þú eiga eftir
að gera. Reyndu frekar að
nýta það sem þú
hefur gert til að
fleyta þér áfram.
4 Spil-aðu spil
Spilaðu borð­
spil og leystu gát­
ur. Hvort tveggja er
auðvitað hin besta skemmtun en
einnig frábær hugarleikfimi. Spil á
borð við skrafl (e. scrabble), bridds,
skál, battleship og fleira eru góð
dæmi um spil sem efla lausnamið­
aða hugsun. Reyndu svo að spila
skrafl án þess að nýta þér bækur og
ábendingar, það er auka áskorun.
5 Finndu þér gáfaða vini Reyndu að umgangast gáfað og
vel upplýst fólk. Helst fólk sem þú tel­
ur gáfaðra en þú. Það getur vissulega
haft slæm áhrif á sjálftraustið að
finnast allir í kringum sig vita meira
en það er samt ein auðveldasta
leiðin til að fræðast. Vertu auðmjúk/
ur og opin/n fyrir því að læra nýja
hluti af vinum og kunningjum.
6 Lestu mikið Flestir vita að lestur eykur orðaforða, en
einnig virkni heilans. Auðvitað væri
æskilegast að lesa fræðibækur
allan liðlangan daginn, en það
er þó ekki nauðsynlegt. Allur
lestur hefur góð áhrif. Best er
þó að lesa fræðsluefni í bland
við skáld­ og ástarsögur. Lykil­
atriðið er að gefa sér reglulega
tíma til að lesa.
7 Útskýrðu fyrir öðrum Vertu duglegur að útskýra fyr­
ir öðrum og miðla fróðleik. Þú get­
ur nefnilega ekki gert það nema
þú skiljir sjálf/ur fullkomlega út á
hvað hlutirnir ganga. Það að vera
viljugur til að útskýra og miðla hef­
ur því sjálfkrafa þau áhrif á þú lærir
hlutina betur. Það er nefnilega ekki
alveg það sama að læra eitthvað
nýtt og að vera tilbúin/n til að miðla
þekkingunni áfram.
8 Prófaðu nýja hluti Vertu dugleg/ur að prófa
nýja hluti og fara út fyrir þæginda­
rammann. Það er yfirleitt jákvætt að
upplifa eitthvað nýtt. Þú veist í raun
aldrei hvort eða hvenær sú upplif­
un, eða vitneskjan sem þú tileinkar
þér, mun nýtast þér í lífinu.
9 Lærðu nýtt tungumál Þú þarft ekki að taka tungu­
málanámið með trompi og ferðast
heimshorna á milli eða eyða fúlg­
um fjár í að ná fullum tökum á nýju
tungumáli. Þú getur einfaldlega lært
nýtt tungumál í rólegheitunum fyrir
framan tölvuna heima hjá þér. Það
eru til vefsíður á netinu sem bjóða
upp á tungumálanám án endur­
gjalds og um að gera að
nýta sér það.
10 Kúplaðu þig frá Gefðu
þér tíma til að hugsa
um sjálfa/n þig og
jafnvel hugleiða. Það er
gott að kúpla sig reglu­
lega frá amstri dagsins, setj­
ast niður í ró og næði, helst í algjörri
þögn og tæma hugann. Þá er einnig
gott að gefa sér tíma til að hugsa.
Einbeita sér að því að hugsa um eitt­
hvað ákveðið, en ekki flækja mörg­
um hugsunum saman.
Góðir vinir Safnaðu
í kringum þig gáfuðu
fólki og reyndu að
drekka í þig fróðleik.
Sólrún Lilja Ragnarsdóttir
solrun@dv.is
Velkomin í stórglæsilegan sýningarsal
okkar að Draghálsi 14-16.