Dagblaðið Vísir - DV - 10.10.2014, Blaðsíða 12

12 Fréttir Helgarblað 10.–13. október 2014
Þ
að hefur nú ekki verið vilji
hans að leggja fram ein­
hverja kæru,“ segir Hreiðar
Eiríksson, lögmaður
Chaplas Menka, erlends
ríkisborgara sem þurfti að leita á
sjúkrahús vegna djúpra skurða sem
lögreglumenn á lögreglustöðinni
við Hverfisgötu veittu honum með
eggvopni þann 10. september. „En
þetta er allt í vinnslu og við eigum
von á því að setjast niður með full­
trúa lögreglustjóra mjög fljótlega til
að fara yfir málið,“ segir Hreiðar enn
fremur í samtali við DV. Fréttastofa
Stöðvar 2 greindi fyrst frá málinu
þann 23. september síðastliðinn
en þar var haft eftir Menka að hon­
um hefði hvorki verið tilkynnt um
ástæðu handtöku né gefið færi á að
hafa samband við lögmann.
Þetta er ekki í fyrsta skipti sem
erlendir ríkisborgarar lýsa sam­
skiptum sínum við lögregluna með
þessum hætti. Þannig sögðu hæl­
isleitendur sem handteknir voru
í aðgerð lögreglunnar á höfuð­
borgarsvæðinu og sérsveitar ríkis­
lögreglustjóra í Auðbrekku í sept­
ember í fyrra að þeim hefði ekki
verið gerð grein fyrir ástæðu hand­
tökunnar. Þá hafi þeim einnig verið
meinað að hafa samband við lög­
fræðing. Afganskur maður hafði
sömu sögu að segja af handtöku
sinni í desember. Í báðum tilvik­
um voru málin kærð til ríkissak­
sóknara en látin niður falla. „Það
skiptir miklu máli að þeir sem eru
sviptir frelsi njóti réttinda sinna,“
segir lögmaður Menka sem vinn­
ur nú að því að fá fund með full­
trúa lögreglustjóra vegna málsins.
„Við ætlum að reyna að vinna þetta
í sameiningu, lögreglustjóri og við,
þannig að maðurinn fái sinn hlut
réttan.“
„Hnífur í fangaklefa?“
Fréttastofa Stöðvar 2 greindi fyrst
frá málinu þann 23. september síð­
astliðinn. Þar kom fram að Menka
hefði verið að safna dósum í mið­
borg Reykjavíkur þegar lögreglu­
menn tóku hann tali og báðu hann
hann um að koma með sér upp á
lögreglustöð. Menka var tjáð að
þeir þyrftu að afhenda honum bréf
frá Útlendingastofnun þess efnis að
hann hefði dvalið ólöglega í landinu
um sjö mánaða skeið. Menka sam­
þykkti þetta en þegar á lögreglu­
stöðina var komið var honum til­
kynnt að hann væri handtekinn.
„Maður þarf að fá að vita ástæðu
handtöku. Ég fékk aldrei að vita
hana. Ég þarf að geta hringt í lög­
mann minn eða fjölskyldu til að láta
vita að ég sé á þessari lögreglustöð.
Mér var neitað um þetta. Þeir ýttu
mér bara inn,“ sagði Menka í sam­
tali við Stöð 2. Lögreglumaður hafi
reynt að ýta honum inn í fangaklefa
og meðal annars lamið hann með
kylfu áður en hann kallaði á fleiri.
„Ég hélt um dyrakarminn svo þeir
gátu ekki ýtt mér inn. Lögreglumað­
urinn notaði hníf til að skera í fótinn
á mér.“ Lögmaður Menka spurði af
þessu tilefni: „Hvernig má það vera
að það sé dreginn upp hnífur inni í
fangaklefa?“
Hörður Jóhannesson aðstoðar­
lögreglustjóri staðfesti í samtali við
Stöð 2 að atburðarásin sem Menka
lýsti væri í meginatriðum rétt en
tók fram að um „slys“ hefði verið
að ræða. Hann sagði ekki liggja fyrir
upplýsingar um hvort Menka hefði
verið neitað um lögfræðiaðstoð eða
hvort honum hafi ekki verið gerð
grein fyrir því hvers vegna verið
væri að handtaka hann. „Þeir hafa í
sjálfu sér ekki viðurkennt það opin­
berlega,“ segir lögmaður Menka
aðspurður hvort lögreglan hafi nú
staðfest þennan hluta frásagnar
Menka. Hann segir þetta vera eitt af
þeim atriðum sem þurfi að fá botn í.
Endurtekið efni
Málið er ekki einsdæmi. DV hefur
fjallað ítarlega um aðgerð lög­
reglunnar á höfuðborgarsvæðinu
og sérsveitar ríkislögreglustjóra á
heimili hælisleitenda í Auðbrekku
í Kópavogi þann 26. september síð­
astliðið haust. Aðgerðin var mjög
umfangsmikil en tugir lögreglu­
manna tóku þátt í henni, og notuð­
ust þeir meðal annars við fíkniefna­
hunda. Þá voru dyr að herbergjum
hússins brotnar upp að næturlagi,
menn handteknir á nærfötunum,
og færðir þannig í einangrun.
Mennirnir sögðust ekki hafa fengið
að tala við lögmenn sína þrátt fyrir
ítrekaðar beiðnir þess efnis og að
þeim hefði ekki verið gerð grein
fyrir ástæðu handtökunnar. Enginn
mannanna var ákærður fyrir
nokkuð saknæmt.
Yusuf Mahdavi frá Afganistan
var handtekinn á heimili sínu í
desember þegar lögreglan leitaði
að Tony Omos, hælisleitanda frá
Nígeríu. Í samtali við DV sagði hann
lögreglu hvorki hafa gert grein fyrir
handtökunni né gefið honum færi
á að tala við lögfræðing. Þá sagðist
hana hafa fengið eftirfarandi skila­
boð frá einni lögreglukonunni:
„Farðu heim til þín, þú tilheyrir ekki
þessum stað.“ Sem fyrr segir voru
bæði málin kærð til ríkissaksóknara
en látin niður falla á grundvelli 145.
greinar laga um meðferð sakamála
sem kveður á um að ef gögn máls
séu ekki nægileg eða líkleg til sak­
fellis sé málið látið niður falla án
ákæru. n
Útlendingar kvarta
undan lögreglunni
n Vita ekki um ástæðu handtöku n Einn skorinn í fótinn og heimili lagt í rúst
Í leit að dósum Chaplas
Menka var að tína dósir í
miðborg Reykjavíkur þegar
lögreglumenn tóku hann tali.
Lögreglumenn veittu honum
síðar skurði á fæti í fangaklefa.
Mynd SkjáSkot úr frétt Stöðvar 2
„Slys“ Hörður Jóhannesson
aðstoðarlögreglustjóri stað-
festi í samtali við Stöð 2 að
atburðarásin sem Menka lýsti
væri í meginatriðum rétt en
tók fram að um „slys“ hefði
verið að ræða.
Svipaðar lýsingar DV hefur síðustu mánuði rætt við útlendinga sem segjast hvorki hafa
fengið að vita um ástæður handtöku sinnar né fengið tækifæri til þess að hafa samband við
lögfræðing.
„Það skiptir miklu
máli að þeir sem
eru sviptir frelsi njóti
réttinda sinna.
jón Bjarki Magnússon
jonbjarki@dv.is
Ætla í verkfall
Yfir 80 prósent af atkvæðisbær­
um læknum á Íslandi tóku þátt
í kosningum um verkfall hjá
Lækna félagi Íslands. Yfir 95 pró­
sent þeirra samþykktu fyrirhug­
aðar verkfallsaðgerðir. Náist ekki
samningar má gera ráð fyrir því að
verkfall hefjist þann 27. október
næstkomandi.
Þetta er í fyrsta sinn sem lækn­
ar boða til verkfalls og yrðu verk­
fallsaðgerðir sem hér segir:
n 1. Frá miðnætti aðfaranótt
mánudagsins 27. október til mið­
nættis þriðjudaginn 28. október
2014 (2 sólarhringar) og frá mið­
nætti aðfaranótt mánudagsins 17.
nóvember til miðnættis þriðju­
daginn 18. nóvember 2014 (2 sól­
arhringar) á eftirtöldum heil­
brigðisstofnunum/sjúkrahúsum
eða sviðum sjúkrahúss:
a. Heilsugæsla höfuðborgarsvæðisins
b. Heilbrigðisstofnun Vesturlands
c. Heilbrigðisstofnun Vestfjarða
d. Heilbrigðisstofnun Norðurlands
e. Heilbrigðisstofnun Austurlands
f. Heilbrigðisstofnun Suðurlands
g. Heilbrigðisstofnun Suðurnesja
h. Rannsóknarsvið Landspítala
i. Kvenna- og barnasvið Landspítala
n 2. Frá miðnætti aðfaranótt mið­
vikudagsins 29. október til mið­
nættis fimmtudaginn 30. október
2014 (2 sólarhringar) og frá mið­
nætti aðfaranótt miðvikudags­
ins 19. nóvember til miðnættis
fimmtudaginn 20. nóvember 2014
(2 sólarhringar) á eftirtöldum
heilbrigðisstofnunum/sjúkrahús­
um eða sviðum sjúkrahúss:
a. Sjúkrahúsið á Akureyri
b. Lyflækningasvið Landspítala
n 3. Frá miðnætti aðfaranótt
mánudagsins 3. nóvember til
miðnættis þriðjudaginn 4. nóv­
ember 2014 (2 sólarhringar) og frá
miðnætti aðfaranótt mánudags­
ins 24. nóvember til miðnættis
þriðjudaginn 25. nóvember 2014
(2 sólarhringar) á eftirtöldum
heilbrigðisstofnunum/sjúkrahús­
um eða sviðum sjúkrahúss:
a. Aðgerðarsvið Landspítala
b. Flæðisvið Landspítala
n 4. Frá miðnætti aðfaranótt mið­
vikudagsins 5. nóvember til mið­
nættis fimmtudaginn 6. nóvember
2014 (2 sólarhringar) og frá mið­
nætti aðfaranótt miðvikudags­
ins 26. nóvember til miðnættis
fimmtudaginn 27. nóvember 2014
(2 sólarhringar) á eftirtöldum
heilbrigðisstofnunum/sjúkrahús­
um eða sviðum sjúkrahúss:
a. Geðsvið Landspítala
b. Skurðlækningasvið Landspítala
n 5. Frá miðnætti aðfaranótt
mánudagsins 8. desember til
miðnættis þriðjudaginn 9. des­
ember 2014 (2 sólarhringar) á
eftirtöldum heilbrigðisstofnun­
um/sjúkrahúsum eða sviðum
sjúkrahúss.
a. Heilsugæsla höfuðborgarsvæðisins
b. Heilbrigðisstofnun Vesturlands
c. Heilbrigðisstofnun Vestfjarða
d. Heilbrigðisstofnun Norðurlands
e. Heilbrigðisstofnun Austurlands
f. Heilbrigðisstofnun Suðurlands
g. Heilbrigðisstofnun Suðurnesja
h. Rannsóknarsvið Landspítala
i. Kvenna- og barnasvið Landspítala
j. Aðgerðarsvið Landspítala
n 6. Frá miðnætti aðfaranótt
miðvikudagsins 10. desember
til miðnættis fimmtudaginn 11.
desember 2014 (2 sólarhringar)
á eftirtöldum heilbrigðisstofn­
unum/sjúkrahúsum eða sviðum
sjúkrahúss:
a. Sjúkrahúsið á Akureyri
b. Flæðissvið Landspítala
c. Lyflækningasvið Landspítala
d. Geðsvið Landspítala
e. Skurðlækningasvið Landspítala