Dagblaðið Vísir - DV - 10.10.2014, Blaðsíða 54

Helgarblað 10.–13. október 201454 Fólk
H
ópur kvenna sem eiga það
sameiginlegt að vera plötu-
snúðar stofnaði nýverið hags-
munasamtök fyrir konur í
faginu. Þær standa fyrir vikulegum
viðburðum, stefna á útvarpsþátt auk
þess sem þær gæta hagsmuna hver
annarrar í karllægum heimi plötu-
snúðsins.
Blaðamaður hitti nokkrar þeirra
og forvitnaðist um tilurð samtakanna.
„Þetta byrjaði á Húrra. Við ætluðum
að koma saman á einu kvöldi til þess
að vekja athygli á öllum þeim stelp-
um sem eru að spila. Það vatt svo upp
á sig,“ útskýrir Anna Rakel.
Samtökin, sem hafa aðeins ver-
ið til í skamma stund, standa nú
þegar fyrir vikulegum viðburðum á
skemmtistaðnum Boston. Kvöldin
kalla þær „Affair“ og eru þau gerð til
þess að gefa kvenkyns plötusnúðum
tækifæri til að spila opinberlega og
koma sér á frekara framfæri. Í kvöld,
föstudagskvöld halda þær svo risa-
stórt fjáröflunarkvöld fyrir samtökin á
Húrra þar sem fram koma ellefu kon-
ur yfir nóttina.
Konurnar eru allar sammála um
að bransinn sé fremur hallur undir
karla.
„Þetta samt er ekki svona „stelp-
ur gegn strákum“-barátta. Það er þó
ekki hægt að neita því að þeir hafa sitt
í hendi og hafa haft lengi. Við viljum
bara fá að vera með á réttum forsend-
um,“ segir Natalie og Rósa tekur í
sama streng. „Þetta er ekki kynja-
stríð.“
Spurðar út í launamuninn segja
konurnar hann ekki svo áberandi
hjá skemmtistöðunum en þar er iðu-
lega fast verð. „Ég vil því sjá staðina
í Reykjavík taka sig á og bóka okkur
jafnt á við strákana. Skortur á tæki-
færum er frekar vandamálið,“ seg-
ir Natalie. Þó þekkja þær dæmi þess
að konum sé mismunað í einkaverk-
efnum og þeim boðin lægri greiðsla
en körlunum. Þær passi því vel upp á
hver aðra og þær reyndari leiðbeina
þeim sem stíga sín fyrstu skref.
„Þetta er svona DJ-útgáfan af
saumaklúbbi,“ segir Rósa kímin og
uppsker hlátur hinna. Natalie er þó
ekki sammála þessari greiningu. „Ég
er samt ósammála því að kalla okk-
ur saumaklúbb, þetta er ekki hobbí.
Oft virðist nefnilega það loða við að
ef að stelpur eru að gera hlutina þá er
það ekki tekið jafn alvarlega. Svona er
þetta líka erlendis. Það er stórt vanda-
mál með öll festivölin að konur eru
bókaðar í miklu lægra hlutfalli, þær
eru ekki teknar alvarlega. Hlutirn-
ir hafa því miður ekki tilhneigingu til
þess að breytast, nema við breytum
þeim sjálfar og það er það sem við
ætlum að gera núna.“ n maria@dv.is
Snúa bökum saman: „Viljum sömu tækifæri“
Nýstofnuð hagsmunasamtök kvenkyns plötusnúða ætla að beita sér fyrir bættum kjörum starfssystra sinna
Góður hópur: Konur geta haldið
alveg jafn góð partí. Mynd siGtryGGur ari
Björgólfur á
von á barni
Knattspyrnumaðurinn Björgólf-
ur Takefusa á von á barni með
kærustu sinni og lögfræðinem-
anum Magneu Ólafsdóttur.
Björgólfur byrjaði atvinnufer-
il sinn í fótbolta árið 1998 með
Þrótti og hefur spilað með öllum
helstu knattspyrnuliðum Íslands
síðan. Hefur hann til að mynda
leikið með Vali, Fram, KR og
Fylki en síðasta sumar fór hann
aftur yfir til Þróttar. Þangað fór
hann á lánssamningi frá Fram.
Hann lék með íslenska lands-
liðinu í knattspyrnu í sex ár, eða
frá 2003–2009.
Unnu plötu
með upptöku-
stjóra Lou Reed
Hljómsveitin Ylja gaf nýlega frá
sér þrjú ný lög af væntanlegri
plötu, Commotion, sem kemur
út hinn 30. október næstkom-
andi. Þetta er önnur plata Ylju
en sú fyrri vakti töluverða athygli
og var hljómsveitin tilnefnd sem
bjartasta vonin á Íslensku tón-
listarverðlaununum. Samkvæmt
upplýsingum frá sveitinni eru
nýju lögin nokkuð frábrugðin
fyrra efni en bandið hefur feng-
ið til liðs við sig þau Örn Eldjárn,
Magga Magg og Ingibjörgu Elsu.
Þá var platan unnin í samstarfi
við tónlistarmanninn og upp-
tökustjórann Shahzad Ismaily
en Shahzad hefur unnið með
tónlistarfólki á borð við Laurie
Anderson og Lou Reed, Tom
Waits, Jolie Holland, Laura Veirs,
Bonnie Prince Billy og Will Old-
ham svo einhverjir séu nefndir.
BerSt gegn
fordómum
steinunn Ása Þorvaldsdóttir hefur hafið störf á mannréttindaskrifstofu Reykjavíkur
f
atlað fólk á rétt á góðri vinnu.
Þá á ekki að útiloka okk-
ur frá samfélaginu. Við höf-
um rétt á að vera með í ráð-
um og ákvörðunum,“ segir
Steinunn Ása Þorvaldsdóttir sem
nýverið hóf störf á mannréttinda-
skrifstofu Reykjavíkurborgar.
Steinunn Ása hefur verið áber-
andi í réttindabaráttu fatlaðs fólks
um árabil. Steinunn, sem er einn
þáttastjórnenda þáttaraðarinnar
„Með okkar augum“ og forsvars-
kona kaffihússins GÆS er einnig
stundakennari við starfsbraut fatl-
aðra í Háskóla Íslands. Hún segist
þrátt fyrir miklar annir afskaplega
spennt að takast á við nýtt verkefni.
Ætlar að uppræta fordóma
„Ég er mjög ánægð með þetta starf.
Það er líka mikilvæg og góð leið til
að koma í veg fyrir fordóma gagn-
vart fötlunum að hafa þá með í því
sem skiptir máli,“ útskýrir Steinunn
og segist ekki munu líða að litið
verði á fatlaða sem vandamál eða
byrði á samfélaginu. Hún seg-
ir jafnframt að mikilvægt sé fyrir
fatlaða sem annað fólk að hafa sér
fyrirmyndir sýnilegar á sem flest-
um stöðum og þar sé hún sterkur
kandídat. „Við erum ekki vanda-
mál. Við eigum rétt á að vera með
í samfélaginu. Ég tel sjálfa mig því
góða fyrirmynd fyrir annað fatlað
fólk.“ Steinunn hyggst nota alla sína
krafta til þess að uppræta fordóma
í samfélaginu hvort sem það bein-
ist gegn kynþætti, trúabrögðum
eða líkamlegu atgervi. „Ég er svo
fordómalaus sjálf og ég reyni alltaf
að stöðva annað fólk í að tala for-
dómafullt þegar ég heyri það,“ út-
skýrir Steinunn.
Heilsa og ástvinir í fyrsta sæti
Líkt og kemur fram hér að ofan
virðist Steinunn hafa yfirdrifið nóg
fyrir stafni. Hún segist þó ekki leyfa
neinu verkefni að koma í veg fyr-
ir dýrmætar stundir með vinum og
fjölskyldu. „Ég elska að vera upp-
tekin,“ segir Steinunn og tekur fram
að sér finnist lítið mál að vaða úr
einu verkefninu í annað og vera á
stöðugu flakki um borgina. „Ég gef
mér samt alltaf tíma til að hitta fjöl-
skyldu og vini. Það er mikilvægast,
já og að huga að heilsunni.“ n
María Lilja Þrastardóttir
maria@dv.is
Hvað er mannréttinda-
skrifstofa Reykjavíkur?
Helstu verkefni mannréttindaskrifstofu eru margs konar. Skrifstofan vinnur í nánu
samstarfi við mannréttindaráð borgarinnar sem sett er kjörnum fulltrúum. Hlutverk
skrifstofunnar er að fylgja eftir ákvörðunum mannréttindaráðs með því að efla sam-
ráð innan borgarinnar í þeim málum sem stefnan nær til. Þá eiga þau í samvinnu við
félagasamtök og önnur sveitarfélög. Mannréttindaskrifstofan hefur einnig frumkvæði
að verkefnum. Þau standa jafnframt vörð um að borgarbúum sé ekki mismunað vegna
uppruna, litarháttar, trúarbragða, aldurs, stjórnmálaskoðana, kynferðis, kynhneigðar,
efnahags, ætternis, fötlunar, heilsufars eða annarrar stöðu. Hægt er að leita til mann-
réttindaskrifstofu og fá samtal við ráðgjafa sé réttur manns brotinn eða fyrir annars
konar aðstoð. Best er að senda þeim póst á veffangið mannrettindi@reykjavik.is
eða hringja í síma 411 4153.
Baráttukona Steinunn Ása er með mörg
járn í eldinum en segir þó mikilvægast að
huga að ástvinum. Mynd diLjÁ ÁMundadóttir
Með borgarstjóra
Steinunn mun starfa með
borgarstjóra að bættum
mannréttindum.