Dagblaðið Vísir - DV - 10.10.2014, Blaðsíða 42
Helgarblað 10.–13. október 201442 Sport
L
ettland og Ísland mætast í
kvöld í undankeppni EM í
knattspyrnu. Með sigri get-
ur íslenska liðið haldið topp-
sæti sínu í A-riðli sem yrði
frábært veganesti fyrir leikinn gegn
Hollendingum sem hirtu bronsið á
HM í Brasilíu í sumar en sá leikur
fer fram á Laugardalsvelli á mánu-
dagskvöld. DV ræddi við þá Rúnar
Kristinsson, þjálfara KR, og Magnús
Gylfason, fyrrverandi þjálfara Vals,
um leikinn gegn Lettum í kvöld.
Líklega sama byrjunarlið
Ekki er ólíklegt að þeir Lars Lag-
erbäck og Heimir Hallgrímsson,
landsliðsþjálfarar Íslands, stilli upp
sama liði og rúllaði yfir Tyrki þann
9. september síðastliðinn, 3–0. Þá
var Theódór Elmar Bjarnason í
hægri bakverði og Jón Daði Böðv-
arsson byrjaði í fremstu víglínu
með Kolbeini Sigþórssyni. Báð-
ir áttu frábæran leik og voru í hópi
bestu manna vallarins. Mögulega
munu þeir Heimir og Lars freistast
til að láta Alfreð Finnbogason byrja
leikinn í stað Jóns Daða en það
verður þó að teljast ólíklegt í ljósi
frammistöðu Jóns Daða gegn Tyrkj-
um og þeirrar staðreyndar að Al-
freð er nýstiginn upp úr meiðslum
og enn að finna taktinn hjá nýju liði
sínu á Spáni, Real Sociedad. Birk-
ir Már Sævarsson eignaði sér stöðu
hægri bakvarðar í undankeppni
HM en líklegt verður að teljast að
Theódór Elmar haldi hægri bak-
varðarstöðunni gegn Lettum. Í aðr-
ar stöður á vellinum er nánast sjálf-
valið en þó skyldi enginn útiloka
að Heimir og Lars hræri í byrjun-
arliðinu líkt og þeir gerðu fyrir leik-
inn gegn Tyrkjum. Líklegt byrjun-
arlið íslenska liðsins má sjá hér til
hliðar.
Verða að fara varlega
Lettar sitja í 99. sæti styrkleika-
lista FIFA á meðan Íslendingar
eru í 34. sæti. Sé litið á mun þjóð-
anna á styrkleikalistanum ættu Ís-
lendingar að leggja Letta að velli,
eða hvað? Rúnar Kristinsson, þjálf-
ari bikarmeistara KR í knattspyrnu,
er því ósammála. „Mér finnst alltaf
rangt að tala þannig. Menn verða
að fara varlega inn í svona leik og
Kýpurleikurinn í undankeppni
HM hefur verið í umræðunni fyr-
ir þennan leik,“ segir Rúnar og vís-
ar til 1–0 taps Íslands gegn Kýpur í
undankeppni HM nokkrum dög-
um eftir að Íslendingar höfðu lagt
Norðmenn að velli, 2–0, í fyrsta leik.
„Það er ekki sjálfsagður hlutur að
fara til annars lands og búast við
sigri. Við erum ekki orðnir það góð-
ir í fótbolta. Lettar geta auðveldlega
gert okkur erfitt fyrir og þeir gera
sér grein fyrir þeim árangri sem ís-
lenska liðið hefur náð undanfar-
in misseri.“ Magnús Gylfason tek-
ur undir með Rúnari og segir að
best sé að stilla öllum væntingum
í hóf. Hann segir samt að íslenska
liðið sé það sterkt að eðlilegt sé að
gera kröfu um árangur gegn Lett-
um. „Þetta gæti orðið hættuleg-
ur leikur fyrir íslenska landsliðið,
þegar við eigum að vinna og eig-
um að stjórna leiknum. Lettarnir
eru sterkir varnarlega og verða lík-
lega mjög aftarlega á vellinum. Við
eigum samt marga frábæra fram-
herja – það er barist um stöðurnar
þar – og eins er Gylfi Þór Sigurðs-
son í frábæru formi þessa dagana.
Þannig að ég held að við eigum að
hafa þetta,“ segir Magnús.
Spáir 1-0 sigri Íslands
Rúnar er sammála því mati að litl-
ar eða jafnvel engar breytingar verði
gerðar á byrjunarliðinu frá leikn-
um gegn Tyrkjum. „Jón Daði og
Theódór Elmar stóðu sig frábær-
lega í þeim leik. Lars er mjög klók-
ur og taktískur þjálfari og það gæti
vel verið að hann gerði einhverja
taktíska breytingu sem lýtur þá að
uppstillingu Letta. Hann er mjög
klókur og gæti gert breytingar, þó að
ég efist um það.“ Rúnar telur að Al-
freð Finnbogason verði að gera sér
að góðu að sitja á bekknum þó að
hann vissulega vanti mínútur til að
koma sér í leikform. Magnús reikn-
ar einnig með að sama liði verði
stillt upp gegn Lettum og mætti
Tyrkjum. Þó sé spurning hvort Al-
freð fái tækifæri í byrjunarliðinu
á kostnað Jóns Daða. „Ég held að
það sé enginn vafi að Theódór El-
mar byrji leikinn. Eina spurningin
að mínu mati er sú hvort Alfreð fái
tækifæri með Kolbeini. Ég hallast
samt að því að byrjunarliðið verði
óbreytt frá síðasta leik og Jón Daði
byrji. Hann átti það góðan leik gegn
Tyrkjum. Þetta er sterkur strákur og
með hann og Kolbein í framlínunni
verður erfitt fyrir Lettana að verjast
okkur. Ef stefnir í óefni eigum við þá
Alfreð á bekknum og hann er klók-
ari en allir í teignum.“ Rúnar vill
ekki spá fyrir um úrslit leiksins en
segist þó að sjálfsögðu vonast eft-
ir góðum íslenskum sigri. Magnús
spáir því að Ísland vinni 1–0. „Ef við
skorum snemma gæti þetta orðið
markaleikur. Ég held samt að þeir
muni liggja aftarlega og við stjórna
leiknum,“ segir Magnús sem býst
við að sigurmarkið komi um miðjan
síðari hálfleik. n
„Hættulegur leikur
fyrir íslenska liðið“
n Ísland mætir Lettlandi í Riga í kvöld n Ekki sjálfgefið að strákarnir okkar landi sigri
Einar Þór Sigurðsson
einar@dv.is
Næstu leikir í
A-riðli:
Föstudagur
Lettland – Ísland
Holland – Kasakstan
Tyrkland – Tékkland
Mánudagur
Kasakstan – Tékkland
Ísland – Holland
Lettland – Tyrkland
Staðan:
1 Tékkland 1 1 0 0 2:1 3
2 Ísland 1 1 0 0 3:0 3
3 Kasakstan 1 0 1 0 0:0 1
4 Lettland 1 0 1 0 0:0 1
5 Holland 1 0 0 1 1:2 0
6 Tyrkland 1 0 0 1 0:3 0
Ósigraðir í fjórum leikjum
Lettar eru sýnd veiði en ekki gefin
DV fjallaði um gengi lettneska
liðsins í blaði sínu síðastliðinn
þriðjudag. Þar kom meðal annars
fram að Lettar væru ósigraðir í síð-
ustu fjórum landsleikjum sínum en
í þessum leikjum hefur liðið ekki
fengið á sig mark. Síðast gerði liðið
markalaust jafntefli gegn Kasökum
á útivelli þann 9. september í fyrsta
leik sínum í undankeppni EM. Lett-
um gekk herfilega í undankeppni
HM þar sem þeir léku í G-riðli
ásamt Bosníu, Grikklandi, Slóvak-
íu, Litháen og Liechtenstein. Lettar
enduðu í næstneðsta sæti riðils-
ins með 8 stig; þeir unnu tvo leiki,
gerðu tvö jafntefli og töpuðu sex
leikjum. Einu sigrar Letta komu á
heimavelli gegn Liechtenstein og
Litháen. Þá gerðu þeir jafntefli við
Liechtenstein á útivelli og Slóvak-
íu á heimavelli. Allir hinir leikirnir
töpuðust. Liðið fékk á sig 20 mörk í
undankeppninni, tvö mörk í leik að
meðaltali, en skoraði 10, eitt mark
í leik að meðaltali. Marian Pahars,
landsliðsþjálfara Letta, virðist hafa
tekist að stoppa í þau göt sem voru í
varnarleiknum í undankeppni HM.
Sem fyrr segir hafa Lettar haldið
hreinu í síðustu fjórum leikjum sín-
um; gegn Eistum, Litháum, Armen-
um og Kasökum. Sóknarleikurinn
hefur þó gengið álíka brösuglega
og í undankeppninni því í þessum
fjórum leikjum hafa Lettar aðeins
skorað þrjú mörk. Miðað við þetta
er ljóst að íslenska liðið þarf að sýna
þolinmæði gegn lettneska liðinu.
1
22 9
820
23
10
14
17
6
Ari
Freyr
Emil
18
Theódór
Birkir
Hannes
Ragnar
Kolbeinn
Aron
Einar
Jón
Daði
Gylfi
Kári
Líklegt byrjunarlið Íslands:
Gæti orðið markaleikur Magnús vonast
til þess að Ísland skori snemma.
Lettar hættulegir„Menn verða að fara
varlega inn í svona leik,“ segir Rúnar.
Í frábæru formi Gylfi Þór Sigurðsson
hefur verið í ótrúlegu formi á þessu
tímabili. Vonandi nær hann að stríða
varnarmönnum lettneska liðsins.