Iðjuþjálfinn - 01.11.1993, Side 37

Elías Valgeirsson
35
HUGLEIÐIN GAR Á EFRI ÁRUM
Hugleiðingar mínar um efri árin eru
einstaklingsbundnar. Eg hef verið
heilsugóður, lifað hófsömu lífi í mat
og drykk. Þrátt fyrir það var gerð á
mér hjarta og kransæðaaðgerð fyrir
tveimur árum á Landspítalanum sem
tókst vel.
Það fer ekki á milli mála að fólk sem
komið er á minn aldur, ber saman
þann tíma er maður var á unglings-
aldri, tímabilið eftir fyrra stríð og til
1940 og virti fyrir sér fólk milli 50-60
ára og fannst það vera orðið gamalt
og þá tíma sem við lifum við í dag
hvað hús og önnur lífsviðurværi varð-
ar.
Þegar ég varð 70 ára 1982, hafði ég
unnið við rafvirkjastörf í Reykjavík og
víða um landið frá 1929, eða frá því
er ég hóf nám í rafvirkjun hér í
Reykjavík. Á uppvaxtarárum mínum
hafði ég fengið mikla verklega yfirsýn
um alls konar störf sem ég nýtti mér
eftir að ég hætti störfum hjá Raf-
magnsveitu Ríkisins, þar sem að ég
starfaði í 34 ár.
Við hjónin áttum lítið hús við Skipa-
sund í Reykjavík, þar voru mörg
verkefni fyrir mig, bílskúr byggður og
íbúðin stækkuð með hjálp barna og
barnabarna.
Ég hef alla tíð notið þess að vera
þátttakandi og áhorfandi í íþróttum,
og fylgist náið með öllum íþróttavið-
burðum. Ég er að verða 82 ára og fer
í sund svo til daglega, afklæði mig úti
í sólskýli, sumar sem vetur. Þar er líka
góð aðstaða til líkamsæfinga.
Ég nýt þess að hlusta á tónlist og hef
starfað í lúðrasveit og kórum ýmis
konar. Nú er ég í kór Rafmagnsveitu
ríkisins "Rarikkórnum", ég hef verið
með frá því að hann var stofnaður
fyrir 13 árum af starfsfólki Rarik.
Kórinn hefur heimsótt starfshópa víða
á landinu og farið í söngferðalög til
Norðurlanda í boði Rafveitusamtaka.
í sumar fór kórinn í skoðunarferð til
Finnlands og sungum við víða í heim-
sóknum hjá finnska rafvirkja-
sambandinu.
í dag njótum við hjónin þess að búa
hér í sambýli við félagsmiðstöð Reykj-
avíkurborgar í Árbænum. Hér eru
ýmsir möguleikar fyrir eldra fólk í
Árbæjarhverfi og nágrenni. Hérna
getur fólk valið sér tómstundir eftir
sínum áhuga, svo sem gönguferðir um
nágrennið, margs konar handavinnu,
bókband o.fl. Hér er líka boðið upp á
dans og leikfimi.
Ég hef notið góðs heimilislífs um
dagana. Við höfum þau félagslegu
réttindi sem áunnist hafa fyrir baráttu
verkalýðsfélaga. Ég nýt lífeyrisréttinda
og ellitryggingar sem vonandi verða
áfram veitt til stuðnings sjúklingum,
öldruðum og einstæðum mæðrum. Til
staðfestingar á þessari ósk minni vil
ég um það segja að faðir minn fórst á
sjó er ég var 5 ára, elstur af mínum
systkinum. Móðir mín var ein með
okkur þrjú systkinin án nokkurrar
aðstoðar.