Iðjuþjálfinn - 01.11.1994, Page 31

29
frá fjölbreyttri og oft óhefðbundinni
reynslu sinni sem iðjuþjálfi og Dorph
fræddi okkur hvernig væri að vera
"psykótískur".
Þau sögðu okkur frá fjölskyldustuðn-
ingnum sem þau voru bæði ánægð
með. Þau greindu frá því að eftir að
það fyrirkomulag var tekið upp hafi
dregið mjög úr innlögnum á geð-
deildir og var orðið langt síðan Dorph
hafði þurft að leggjast inn.
í frásögninni sló Dorph gjarnan á
létta strengi: M.a. sagðist hann að
mestu vera hættur að vera psykotísk-
ur, en stundum saknaði hann þess -
það hefði jú verið svo gaman að vera
Jesú Kristur svona öðru hvoru!
Mjög lítið hefur verið um fræðslu-
fundi á vegum IÍ á geðsviðinu. Var
því rennt blint í sjóinn með hverjar
undirtektir yrðu, ekki síst þar sem
sumarleyfi stóðu sem hæst. Það var
því mjög ánægjulegt hversu vel var
mætt á fundinn og áttu margir vinnu-
staðir fulltrúa þar.
Fundur þessi var hinn skemmtilegasti
og fróðlegasti.
Nú nýlega var gefin út í Danmörku
bók eftir Inger Greve: "Sa hjælp os".
Bókin er byggð á samtölum við 16
fjölskyldur (aðallega foreldra) geð-
klofa einstaklinga, sem hafa haft sjúk-
dóminn í lengri tíma. Bókin hefur
vakið athygli og umtal þar í landi.
A fræðslufundinum var ætlunin að
kynna bókina, en ekki vannst tími til
þess nema að litlu leyti þannig að
ástæða þótti til að kynna hana frekar
í blaðinu okkar.
Hvatinn að því að Inger réðst í að
skrifa þessa bók var sú reynsla sem
hún fékk sem fósturmóðir geðklofa
manns; að vera nokkurs konar að-
standandi og því tilfinningalega tengd
einstaklingi með alvarlegan geðsjúk-
dóm. Hún kynntist því persónulega
hversu flókið daglegt líf slíkra einstak-
linga getur verið.
Hún hafði einnig orðið áþreifanlega
vör við þarfir aðstandenda fyrir stuðn-
ing, upplýsingar, ráð, athygli, hvíld
o.fl.
í bókinni er lögð sérstök áhersla á
skoðanir og upplifanir aðstandenda.
Auk þess byggir Inger auðvitað einnig
á langri og fjölbreyttri reynslu sem
geðiðjuþjálfi.
Bókin skiptist upp í frásagnir sjúkl-
inga, beinar tilvitnanir í aðstandendur
og fagfólk, og texta höfundar. Bókin
er skrifuð á góðu aðgengilegu máli,
hún er á köflum ljóðræn og jafnvel
örlar á gamansemi þó viðfangsefnið sé
afar átakanlegt og viðkvæmt.
Þar er fjallað um aðdraganda fyrstu
innlagnar á geðdeild, hvernig foreldrar
og sjúklingar upplifa innlögn og það
sem henni fylgir, sjúkdómsgreining-
una, meðferðina o.fl. Enn fremur er
fjallað um sorgina, hvaða áhrif sjúk-
dómurinn hefur á fjölskylduna í heild,
þörf fyrir upplýsingar og áfallahjálp
(krisehjælp) o.m.fl.