Iðjuþjálfinn - 01.11.1994, Blaðsíða 40

38
sem að róla fram og til baka og snúa
sér í hringi. Þeir fóru þó fljótlega yfir
í að þróa ýmis afbrigði, þar sem fleiri
skyn- og hreyfiþættir blönduðust inn
í jafnvægisskynsörvunina. Sum tækj-
anna voru einnig þannig uppbyggð að
þeir urðu að hjálpa hver öðrum við að
komast í þau og þannig voru þau
hvati að jákvæðum samskiptum; að
hjálpa og þiggja hjálp.
Strax varð vart jákvæðra breytinga og
voru áhrifin mjög greinileg þær sex
vikur sem meðferðin varði. I upphafi
voru strákarnir þróttlausir og daprir
þegar þeir mættu í æfingatíma, en
fljótlega byrjuðu þeir að flissa, voru
virkir í að kanna áhrif hinna ýmsu
skynhrifa og spreyttu sig á þeim lík-
amlegu áskorunum, sem tækin buðu
uppá.
Breytt geðslag og betra úthald voru
einnig áberandi í hóptímunum, sem
þeir fóru í strax á eftir skyn- og
hreyfileikjunum. Þeir voru ræðnari,
virkari þátttakendur og samskipti
þeirra tveggja voru jákvæðari. Björn
var ekki jafn stríðinn og studdi Jón í
að bregðast réttar við togstreitu.
Strákarnir fóru einnig að mæta betur.
Þessu meðferðardæmi er á engan hátt
hægt að jafna við staðlaða rannsókn
og aðrir þættir í meðferðinni hafa án
efa einnig haft jákvæð áhrif á líðan
strákanna. Það sem er eftirtektar-
verðast við þessa sögu er, hversu
skjótt Björn og Jón tóku við sér við
jafnvægisskynsörvunina og hve greini-
legt var að þeim gekk betur að nýta
sér þann hluta meðferðarinnar, sem
beindist að atferli og hugsunum; þátt-
um sem voru þeirra stærsta vandamál
í skóla og heima.
Dæmið bendir einnig til þess að hægt
sé að nota leiðir í meðferð, sem ekki
virka ógnandi á einstaklinginn en eru
engu að síður skilvirkar, þegar þarf
með skjótum hætti að draga úr þung-
lyndi og auka virkni barna, sem þjást
af alvarlegu þunglyndi.
HAND REHABILITA TION
A PRACTICAL GUIDE
Edited by: Gayland L. Clark, E.I. Shaw Wilgis,
Bonnie Aiello, Dale Eckhaus og
Lauren Valdate Eddington
Bókin skýrir sig sjálf, handhæg, góð bók sem tekur fyrir prófanir og handmat.
Segir frá sjúkdómum í höndum og öxlum og meðferð sem tilheyrir.
Praktísk og góð bók
Rannveig K. Baldursdóttir