Iðjuþjálfinn - 01.11.1994, Blaðsíða 46
__________________44__________________
OCCUPA TIONAL THERAPY SKILLS FOR
PHYSICAL DYSFUNCTION:
Pedretti, Lorraine Williams, Zoltan, Barbara;
3rd ed. 1990 The C.V. Mosby Company
Eins og nafnið gefur til kynna er þetta
bók um meðferð iðjuþjálfa á sjúkling-
um með líkamlegar fatlanir. Hún er
skrifuð sem kennslubók fyrir nemend-
ur á BS stigi og þá sem eru í grunn-
iðjuþjálfanámi á MS stigi. Nauðsynlegt
er, til að hafa not af bókinni, að hafa
þekkingu á grunnfögum s.s. almennri
sálarfræði, líffærafræði, lífeðlisfræði,
taugalíffræði, taugalífeðlisfræði,
hreyfifræði o.fl.
Fyrsti hluti bókarinnar fjallar um
grunninn fyrir meðferð: þ.m.t. hug-
myndafræði, viðmiðanir ("frames of
reference"), sálfélagslega hluta líkam-
legrar fötlunar, meðferðaráætlanir og
skráningu.
Annar hluti bókarinnar er um þau
möt og meðferðir sem almennt eru
notaðar í iðjuþjálfun. Sagt er frá
aðferðum til að mæla hreyfiferla,
kraft, vöðvaspennu (tonus), skynjun
o.s.frv. Mikið er af myndum og einnig
eru ýmis matseyðublöð sýnd. Farið er
yfir aðferðir/meðferð, athafnir þar á
meðal, markvissar æfingar, ADL,
vinnuherðingu (work hardening),
fjórar mismunandi aðferðir í sensory
motor meðferð og taugalífeðlisfræði-
legan grunn þeirra o.fl.
í síðasta hluta er fjallað um mat og
meðferð við sérstaka sjúkdóma, s.s.
stúfhögg, bruna, gigt, handarslys/mein,
hjartasjúkdóma, bakveiki, helftar-
lamanir, mænuskaða o.fl.
í lok hvers kafla eru spurningar úr
efni kaflans. Einnig eru "Case studies"
í hverjum kafla í þriðja hluta bókar-
innar. Fjöldi mynda er í bókinni þar
sem sýnd eru ýmis einkenni, prófanir
t.d. hvernig staðan á að vera við mis-
munandi vöðvastyrksmælingar, með-
ferðaraðstæður, þ.e. hvernig hægt er
að stilla upp fyrir meðferð, einnig eru
margar myndir af matseyðublöðum og
meðferðaráætlunum, sem geta gefið
hugmyndir um hvernig matseyðublöð
og viðmiðunarprógröm geta litið út.
SAMANTEKT: Þessi bók er mjög
góð grunnkennslubók í iðjuþjálfun
*
fyrir líkamlegar fatlanir. I henni eru
sýnd eyðublöð fyrir mat, meðferðar-
áætlanir sem gætu verið verð þess að
skoða við gerð viðmiðunarprógrama
og meðferðaráætlana. Þetta er gott
uppflettirit fyrir starfandi iðjuþjálfa
Lilja Ingvarsson iðjuþjálfi.