Iðjuþjálfinn - 01.11.1994, Blaðsíða 45
43
ÉG LAS BÓK
ÚTBRUNNINN
FARÐU BETUR MEÐ ÞIG
Eftir: Barbro Bronsberg og Nina Væstlund
í þýðingu Olafs G. Kristjánssonar
Þessi bók bjallar um fyrirbærið "út-
brunninn" eða kulnun, en ekki bara
um það þegar ekkert er eftir nema
brenndar skófir heldur einnig og ekki
síst um ferlið sem á sér stað í átt að
kulnun. Fyrst er fyrirbærið kulnun
skilgreint en það er endapunktur á
ferli sem hefur staðið yfir í einhvern
tíma. Það er þegar fólk brotnar niður
líkamlega og andlega, verður að vera
frá vinnu einhvern tíma, færa sig í
önnur störf. Höfundar hafa komist að
þeirri niðurstöðu að "eldhugarnir
einir geta brunnið út", þ.e. eldhugi/-
fullhugi er skapandi manneskja sem
vill láta eitthvað gott af sér leiða í
lífinu. Ahættuhópar eru þeir sem
sinna einstaklingum sem eiga við
vandamál að stríða t.d. félagsráð-
gjafar, læknar, lögregluþjónar og hér
vil ég bæta við iðjuþjálfum.
Bókin fjallar síðan um streitu, hvernig
maður lærir að skilja og meðhöndla
hana. Síðan er fjallað um hina ýmsu
þætti sem valda streitu, s.s. skortur á
reglubundinni hvíld, of miklar kröfur
til sjálfs sín og annarra, markmiðsleysi
manns sjálfs og stofnunarinnar, léleg
yfirsýn yfir starfið, ónóg andleg nær-
ing, of mikil ábyrgð, úrræðaleysi og
að stinga eigin dómgreind undir stól.
Að lokum er þeirri spurningu varpað
fram hvort maður sé á rangri hillu í
lífinu. Ef maður kemst að þeirri nið-
urstöðu að maður sé á réttri hillu er
stungið upp á úrræðum, s.s. að læra
að segja nei, kynnast takmörkum
sínum og bent á ýmsar hollar venjur
sem geta hjálpað til við að koma í veg
fyrir kulnun.
Þessi bók er fyrst og fremst sjálfs-
hjálparbók og í hverjum kafla eru
millikaflar sem gefa ráð og mögulegar
lausnir á vandanum sem fjallað er um
í kaflanum.
Mér fannst þessi bók mjög góð og
eiga erindi til mín þó svo að ég telji
mig langt frá því að vera útbrunnin en
að sjálfsögðu er ég eins og margir
aðrir, stödd einhvers staðar á ferlinu
sem leiðir að útbruna. Spurningin er
hvað gerir maður til að varna því að
brenna út og hvernig snýr maður
ferlinu við.
Lilja Ingvarsson iðjuþjálfi.