Dagblaðið Vísir - DV - 30.12.2014, Blaðsíða 48

Áramótablað 30. desember 201448 Skrýtið
Nemum í alþjóðlegum fagháskólum gefst
einstakt tækifæri til að kynnast suðupotti
hugmynda, með stefnum og straumum
víða að úr heiminum. Nám erlendis opnar
einnig möguleika á að hitta „rétta“ fólkið
og komast áfram á alþjóðlegum markaði.
Furðulegar fréttamyndir
Í myndabanka Reuters-
fréttastofunnar kennir
ýmissa grasa. Þangað rata inn myndir frá ýmsum
merkisatburðum hvaðanæva úr heiminum, en einnig
slæðast þangað inn stórfurðulegar ljósmyndir sem
varpa ljósi á hversu skrýtin, hugvitssöm og fjölbreytt
mannskepnan er. DV tók saman nokkrar skemmtilegar
furðumyndir úr myndabanka Reuters frá árinu 2014.
 Segulmagnaður Hinn
56 ára gamli segulmagnaði Bosníumaður
Muhibija Buljubasic segist vera gæddur þeim
hæfileikum að málmhlutir festist við hann.
Buljubasic segist geta fest nánast hvaða hlut
sem er við líkama sinn með hjálp einhvers
konar „orku“, en vísindamenn hafa þó ekki
enn sannreynt þessar fullyrðingar hans. Til að
sýna fram á þessa hæfileika sína sat hann fyrir
hjá ljósmyndara Reuters með ýmsa hluti fasta
við sig, þar á meðal snjallsíma og hnífapör.
 Allt á hvolfi á þessu heimili Í maí reistu hugvitssamir einstak-
lingar einbýlishús í Sjanghaí í Kína, sem væri ekki frásögur færandi nema fyrir þá staðreynd
að ólíkt flestum öðrum húsum, sem byggð eru upp frá grunni, var byrjað á þakinu í þetta
skiptið. Þetta þriggja herbergja einbýlishús er byggt á hvolfi og einnig eru allir innanstokks-
munir þess festir upp á hvolfi, þannig að þeir sem líta inn fyrir verða líklega heldur ringlaðir.
Ekki er þó búið í húsinu heldur er það ætlað sem aðdráttarafl fyrir ferðamenn.
 Þakinn býflugnabóndi Í apríl síðastliðnum spreyttu margir, bæði
hugrakkir og fífldjarfir, sig á ýmsum misgáfulegum afrekum í þeim tilgangi að komast í
heimsmetabók Guinness. Menn geta sett heimsmet í ýmsu, en hinn 34 ára gamli Kínverji
She Ping ákvað að setja heimsmet í því að hafa sem flestar býflugur á sér í einu. Ping, sem
er býflugnabóndi, tókst ætlunarverk sitt eftir að hafa þakið líkama sinn með yfir 460.000
býflugum. Flugurnar vógu samtals 45 kíló.
 Glæfraakstur í Sádi-Arabíu Í Sádi-
Arabíu hefur heldur glæfralegt æði gripið um sig meðal ungra bíl stjóra,
en það gengur út á að keyra bifreiðum á tveimur hjólum og stinga
höfðinu út um gluggann. Svo virðist sem það tíðkist einnig að ganga
eins langt og hægt er í þessu æði, en margir bæta um betur til dæmis
með því að setjast utan á bílana eða gera armbeygjur ofan á þeim.
 Í kröppum snúningi
Vetrarólympíuleikarnir fóru fram í borginni
Sochi í Rússlandi dagana 7.–23. febrúar.
Leikarnir fóru fram í skugga mikillar gagnrýni
á rússnesk stjórnvöld, en þau voru meðal
annars gagnrýnd fyrir að brjóta á mann-
réttindum samkynhneigðra. Ljósmyndari
Reuters náði þessari skemmtilegu mynd af
rússneska listskautaranum Evgeny Plyus-
hchenko þar sem hann var í miðjum snúningi.
 Pulsaði sig 113-falt upp Takeru Kobayashi
er einna þekktastur fyrir að geta gleypt í sig mat á mettíma, en
hann hefur sett nokkur heimsmet í kappáti á síðustu árum. Í ár
keppti hann í fyrstu heimsmeistarakeppninni í brauðlausu pulsu-
kappáti og bar sigur úr býtum eftir að hafa hámað í sig 113 stykki.
Kobayashi hefur áður sett met meðal annars með því að gleypa í sig
93 hamborgara á átta mínútum og 337 kjúklingavængi á hálftíma.
 Jesús
slakar
línunni
Heimsmeistara-
keppnin í fótbolta fór
fram í Brasilíu í sumar.
Flestir beindu lins-
unum að vellinum en
fréttastofa Reuters
hvatti sína ljós-
myndara til að taka
einnig skemmtilegar
og öðruvísi myndir af
því sem gekk á. Hér
má sjá mynd sem
ljósmyndari náði af
verkamanni sem
hékk í línu sem búið
var að festa við stytt-
una af Jesú Kristi sem
gnæfir yfir borgina
Ríó. Styttan er 30
metrar að hæð og
var byggð á árunum
1922–1931.
 Í klóm tígursins Fjöl-
margir fylgdust með af skelfingu þegar
kínverskur maður tók sig til og stökk inn í
gryfju tveggja hvítra bengaltígra í dýragarði
í borginni Chengdu í febrúar síðastliðnum.
Maðurinn slasaðist þó sem betur fer aðeins
lítillega, en starfsmenn dýragarðsins náðu
að bjarga honum úr gryfjunni eftir að hafa
skotið deyfipílum í tígrana.
Árið 2014