Dagblaðið Vísir - DV - 05.12.2014, Blaðsíða 23

Umræða 23Helgarblað 5.–8. desember 2014
Ekkert jólafrí hjá
mér
Ég ætla ekki að tjá migÞetta er hefnigirni
Vilborg Arna undirbýr sig fyrir Everest. – DV Fyrrverandi kærasti setti nektarmynd á netið. – DV
Í fjötrum andlegrar fátæktar
É
g get svo sem reynt að telja, en
ég get ekki gert mér grein fyrir
því hversu oft ég hef rekist á
skrif sem boða okkur betra líf
og betri heim. En það eina sem við
þurfum að gera í framhaldi af lestri
slíkra orða, er að sýna öðru fólki
sanngirni og sanngirnin sú arna
byggist á því að við sýnum orðunum
sem við lesum ögn af virðingu. Og
það sem er skemmtilegast við þessa
staðreynd er, að þessi virðing kostar
akkúrat ekkert.
Daglega getum við fundið ný skrif
sem benda íslenskri þjóð á leiðir til
að jafna kjör, losa fólk úr fjötrum fá-
tæktar og yfirleitt hlúa að öllu sam-
félaginu; þeim sem minna mega sín
og öllum hinum. Raunhæfar leiðir
sem segja okkur að arður útgerðar-
innar ætti að renna til allra en ekki
einungis í örfáa, útvalda vasa, kröfur
um að embættismenn og yfirmenn
ríkisstofnana hafi aldrei leyfi til að
gefa vinum sínum eigur ríkisins,
kröfur um að ríkisvaldið hámarki
sameiginlegan hagnað þjóðarinn-
ar af öllu sem hugsanlega má flokka
sem þjóðareign. Að hætta að gefa
útgerðinni fiskinn og að hætta að
gefa álrisum rafmagn, er krafa sem
er raunhæf. En svo kemur að því
að við sýnum þessum hugmyndum
virðingu, þá festumst við í þeirri
andlegu fátækt, að leyfa hugmynd-
unum að lifa og gera akkúrat ekkert
til að veita þeim brautargengi. Eitt
er að vera umburðarlyndur – annað
að vera undirgefinn. Umburðarlyndi
okkar gagnvart kröfum um rétt-
læti, verður þannig að undirgefni;
við ákveðum að best sé að gera ekk-
ert, að okkur farnist best ef við rugg-
um ekki bátnum, að best sé styggja
ekki þá sem í strengina toga. Þannig
að öll skrif um sanngirni, verða að
þreytandi tuggum sem við umber-
um nánast ekki, þegar öllu er á botn-
inn hvolft.
Ef við sýnum hugmyndum
virðingu – í einlægni – þá ætti það
að hvetja okkur til athafna; við ætt-
um þá að læra að gefa þeim byr und-
ir báða vængi.
Hin andlega fátækt okkar Ís-
lendinga felst í því, að við sýnum
þeim virðingu sem við ættum ekki
að sýna minnsta vott af slíku. En við
leyfum sinnuleysi að fela það sem
við ættum virkilaga að hugsa um.
Hér er ríkidæmi staðreynd; fólk
sem veit ekki aura sinna tal. Og það
er í góðu lagi. En hér er einnig til fá-
tækt fólk; fólk sem á ekki fyrir mat,
fólk sem getur ekki veitt börnum
sínum helstu nauðsynjar og hér er
til fólk sem ekki fær bót meina sinna;
fatlað fólk sem ekki fær þá aðstoð
sem sanngjarnt samfélag ætti þó
ætíð að veita skjólstæðingum sín-
um.
Andleg fátækt leyfir fólki að sitja
úti í horni og gapa af hrifningu yfir
auðæfum og smekkvísi auðkýfinga,
og smartleika og hrukkuleysi fótó-
sjoppaðra tildurdrósa, á meðan fjöl-
skylda í næsta húsi á ekki fyrir nauð-
þurftum. n
Hjá lindum fjallsins sólin sest
og sál með gæsku stillist,
þar ræktar þekking blómin best
er bikar lífsins fyllist.
Kristján Hreinsson
Skáldið
skrifar
1 Komnar til Íslands Aðalsteina Líf Kjartansdóttir
og Gunnhildur Svava Guðmundsdóttir
eru sagðar komnar til Íslands og munu
afplána hér á landi dóm sem þær fengu
fyrir kókaínsmygl í Tékklandi í fyrra.
Íslensk stjórnvöld hafa unnið að því síð-
astliðna mánuði að fá þær framseldar til
Íslands en það ferli hófst formlega í apríl
síðastliðnum.
Lesið: 41.646
2 „Þar fékk ég tölvu Öldu lánaða“ Tilkynningin sem
stjórn Lögreglustjórafélags Íslands
sendi á fjölmiðla til varnar Sigríði Björk
Guðjónsdóttur, lögreglustjóra á höfuð-
borgarsvæðinu, var samin í vinnutölvu
nánasta samstarfsmanns hennar, Öldu
Hrannar Jóhannsdóttur, setts aðstoðar-
lögreglustjóra á höfuðborgarsvæðinu.
Þetta sést þegar aukaupplýsingar inni í
skjalinu sjálfu eru skoðaðar.
Lesið: 28.363
3 „Fór af stað atburðarás sem ég hefði aldrei
sjálfur getað trúað“ Lögmað-
urinn Sævar Þór Jónsson gagnrýnir
störf Hæstaréttar í máli þar sem 85 ára
gömul kona missti aleiguna.
Lesið: 27.013
4 Hafnar því að eiga bankamann sem
elskhuga Forsetafrúin Dorrit
Moussaieff er á forsíðu jólablaðs MAN
og var meðal annars spurð út í sögu-
sagnir þess efnis að þau forsetahjónin
væru skilin. „Hvaðan koma þessar
sögusagnir? Þetta er hrein vitleysa. En
þessi kjaftagangur truflar mig svo sem
ekki enda hef ég alltaf heyrt sögur um
sjálfa mig – stundum væri gaman ef þær
væru sannar,“ segir hún.
Lesið: 22.572
5 Miklar sviptingar á Eyjafréttum í kjölfar
kynferðisbrots Miklar sviptingar
hafa orðið á Eyjafréttum í kjölfar dóms
sem féll í Héraðs-
dómi Suðurlands
fyrir skemmstu.
Þar var karlmaður
á fertugsaldri
dæmdur til
sex mánaða
fangelsisvistar
fyrir kynferðisbrot
og brot gegn barnaverndarlögum með
því að hafa átt ítrekað í samskiptum við
stúlku og áreitt hana með kynferðislegu
orðbragði. Hann var ritstjóri Eyjafrétta
en hefur nú látið af störfum.
Lesið: 20.935
Mest lesið
á DV.is
F
járhagsáætlun Reykjavíkur-
borgar fyrir árið 2015 hefur nú
verið samþykkt. Hún endur-
speglar pólitískar áherslur
og forgangsröðun meirihluta
borgarstjórnar í öllum málaflokk-
um. Við megum vera stolt af áætlun-
inni og þeim ríku áherslum sem þar
koma fram á mannréttindi, velferð,
umhverfi og réttlátara samfélag al-
mennt.
Velferð
Fjölmörg verkefni eru fyrirhuguð til
að stuðla að bættri velferðarþjón-
ustu. Þar vegur þyngst áætlun um
að fjölga félagslegum leiguíbúðum
um 500 á næstu árum, nokkuð sem
við Vinstri græn höfum talað fyrir
lengi. Samhliða því verður unnið
að uppbyggingu búsetuúrræða fyrir
fatlað fólk og eflingu þjónustu utan
kjarna fyrir þann hóp. Stórbætt þjón-
usta ferðaþjónustu fatlaðra á að
verða að veruleika og samþætting
heimahjúkrunar og heimaþjónustu í
öllum hverfum mun leiða til betri og
heildstæðari þjónustu.
Barnafjölskyldur
Á næsta ári verða stigin skref til að
létta byrðum af barnafjölskyldum í
áætluninni í samræmi við ákvæði í
samstarfssáttmála meirihlutaflokk-
anna. Námsgjöld í leikskóla lækka
um 6%, veittur verður systkinaaf-
sláttur þvert á skólastig og frístunda-
kortið hækkar um 5.000 krónur. Á
næstu árum verða fleiri skref stigin
og þannig munum við, hægt en bít-
andi, vinna að bættum hag barna-
fjölskyldna á kjörtímabilinu. Auk
þess verður farið í fjölmörg verkefni
til að stuðla að enn betra skóla- og
frístundastarfi og til að tryggja að-
gengi og þátttöku allra barna.
Umhverfismál
Á umhverfis- og skipulagssviði
verður áfram unnið að bættum að-
stæðum fyrir hjólandi og gang-
andi og vinnan við hverfisskipulag
mun halda áfram, byggð á nýju að-
alskipulagi. Við erum að taka upp
sjálfsagt og eðlilegt skipulagsgjald á
umhverfis- og skipulagssviði og auka
kostnaðarhlutdeild bifreiðaeigenda
þegar kemur að rekstri bílastæða
í miðborginni. Strætó mun hefja
akstur fyrr á sunnudagsmorgnum
og árskort verða til sölu fyrir börn
og unglinga frá og með áramótum.
Þannig stuðlum við að vistvænni
lifnaðarháttum borgarbúa með ýms-
um hætti, með þéttari byggð, bættri
nærþjónustu, huggulegra borgar-
umhverfi og umhverfisvænni sam-
göngum.
Kvenfrelsi og mannréttindi
Fjölmörg verkefni eru í áætluninni
í þágu mannréttinda, auk þess sem
femínískar áherslur eru mjög ríkj-
andi. Áfram verður unnið að að-
gerðum til að útrýma kynbundnum
launamun, m.a. með endurskoðun
starfsmats borgarinnar og uppsögn
aksturssamninga, en mælingar hafa
sýnt mikinn kynbundinn mun á
akstursgreiðslum. Þá verður farið í
víðtækar aðgerðir gegn heimilisof-
beldi í samstarfi við lögregluna að
fyrirmynd þess sem gert hefur verið
á Suðurnesjum og reynst vel. Unn-
inn verður móttökupakki fyrir nýja
íbúa í Reykjavík með helstu upp-
lýsingum og áfram verður unnið að
því að laða til borgarinnar sem fjöl-
breyttastan hóp fólks. Endurskoðun
mannréttindastefnunnar stendur
svo fyrir dyrum, enda hefur fjölmargt
breyst frá árinu 2006 þegar hún var
fyrst samþykkt.
Gott samstarf – góð áætlun
Meirihluti Samfylkingar, Bjartrar
framtíðar, Vinstri grænna og Pírata
lofar góðu. Þessi fyrsta fjárhagsáætl-
un er vísbending um það sem koma
skal, um að við munum vinna saman
að réttlátari borg, þar sem almanna-
hagsmunir eru hafðir að leiðarljósi
í nútíð og framtíð, þar sem börnin
okkar og umhverfið njóta vafans, þar
sem fjölbreytileikanum er fagnað og
þar sem velferðin er í fyrirrúmi. n
Réttlátari Reykjavík
Sóley Tómasdóttir
forseti borgarstjórnar
Kjallari
Myndin Ríkisráðsfundur Ólöf Nordal tók við embætti innanríkisráðherra á ríkisráðsfundi á Bessastöðum á fimmtudag. Á meðan fundað var bak við luktar dyr sló Örnólfur Thorsson forsetaritari á létta strengi við fjölmiðlafólk, sem beið í forstofunni. Mynd SiGTRyGGUR ARi
Ragnheiður Ríkarðsdóttir óskar Ólöfu Nordal velfarnaðar en tjáir sig ekki um val formannsins. – DV