Dagblaðið Vísir - DV - 05.12.2014, Blaðsíða 36

Helgarblað 5.–8. desember 201436 Skrýtið
Biður látið fólk afsökunar
Systir Pablos Escobar biður fórnarlömb hans fyrirgefningar, en segir hann hafa verið misskilinn
T
uttugu og eitt ár er liðið frá
því að eiturlyfjabaróninn
Pablo Escobar var tekinn af
lífi. Pablo Escobar var einn
umsvifamestu glæpamanna
síðustu aldar. Hann var umsvifamik-
ill fíkniefnasali og bar ábyrgð á fjölda
morða og mannrána. Hann varð ung-
ur stórtækur kókaínsali, varð í kjölfar-
ið einn valdamesti maður Kólumbíu
og einn ríkasti maður heims á sama
tíma. Systir hans, Luiz Maria Escobar,
vill reyna að bæta fyrir gjörðir bróð-
ur síns og fer nú á milli kirkjugarða
og skilur eftir lítil bréf með afsökunar-
beiðni á leiðum þeirra sem létust af
völdum hans. „Ég hugsa til fólksins
alla daga – allra þeirra sem þjáðust
vegna bróður míns, vegna þessa stríðs
sem hann háði,“ segir Luz Maria.
Deildu og drottnuðu
Á árunum 1980–1993 voru Escobar og
liðsmenn hans í Medellin-samtökun-
um stórtækir. Þeir deildu og drottn-
uðu með harðri hendi og myrtu þá
sem stóðu í vegi fyrir þeim. Árið 1991
var morðtíðnin slík í Kólumbíu að af
hverjum 100 þúsund íbúum hafði 381
verið myrtur og um 7.500 manns voru
myrtir í borginni Medellin árið 1991.
Escobar lét til skarar skríða gegn
stjórnmálamönnum, blaðamönnum,
lögreglumönnum, sérsveitarmönn-
um, lögmönnum, saksóknurum og
dómurum. Hann háði hálfgert stríð
gegn ríkinu til að koma í veg fyrir að
lög yrðu sett sem heimiluðu fram-
sal á glæpamönnum frá Kólumbíu til
Bandaríkjanna. Liðsmenn hans létu
ekkert stöðva sig, komu fyrir bíla-
sprengjum, rændu fólki, pyntuðu og
tóku miskunnarlaust af lífi. Escob-
ar reyndi meðal annars að taka for-
setaframbjóðanda af lífi árið 1989.
Sá, Cesar Gaviria, varð síðar forseti
Kólum bíu árið 1990. Hundrað féllu í
morðtilræðinu.
Vægðarlaus
Escobar var vægðarlaus glæpamaður
og framganga hans reyndi mikið á
fjölskyldu hans. Framan af ferli hans
var þeim þó ekki kunnugt um glæp-
astarfsemina. Ekki fyrr en hann til-
kynnti þeim á níunda áratugnum að
hann hefði gert erfðaskrá. „Móðir
mín komst í mikið uppnám og spurði
hann hvers vegna hann væri að gera
þetta,“ segir Luz Maria. „Hún spurði
hann hvort hann væri með banvænan
sjúkdóm.“ Escobar var fljótur til svars.
„Ég er í mafíunni. Þeir sem eru í mafí-
unni deyja aldrei af veikindum eða
eðlilegum orsökum. Mafíósar deyja af
skotsárum.“ Luz María segist ekki hafa
haft hugmynd um hvað mafían var.
„Þessa nótt drógum við mæðgurnar
fram orðabók. Orðið var ekki að finna
í henni,“ segir hún.
Hræðilegur dagur
Þegar Escobar lét taka dómsmálaráð-
herra Kólumbíu af lífi árið 1984 átt-
aði fjölskyldan sig á stöðunni. „Þetta
var hræðilegur dagur. Ég skildi allt í
einu í hvað hann var flæktur og hvers
hann var megnugur,“ segir hún. Fjöl-
skyldan reyndi að koma í veg fyr-
ir glæpi hans en ekkert gekk. Stund-
um fóru þær mæðgurnar að leita að
honum. „Við ræddum við hann þegar
það voru miklar blóðsúthellingar, öll
þessi morð. En hann gat alltaf sann-
fært okkur um að rétturinn væri hans
megin. Þegar föður mínum var rænt
árið 1985 sagði Pablo við mig: „Það
eru við eða þeir“.“
Á þeim tíma var Escobar ávallt
vopnaður til að vernda sig og fjöl-
skyldu sína. „Ég hefði aldrei trúað því
þá að hann myndi skilja eftir sig svo
sorglegan og sársaukafullan blett á
mannkynssögunni,“ segir Luz Maria.
Vill biðjast afsökunar
Luz Maria vinnur nú að því að reyna
að biðjast afsökunar fyrir hönd bróð-
ur síns. Tuttugu ár voru liðin í fyrra frá
dauða hans og þá hélt hún stóra minn-
ingarathöfn í kirkjugarði í Medellin.
Fyrir utan kapellu í kirkjugarðinum,
í kringum gröf Pablos Escobar, hafði
hún komið fyrir bréfsefni og skrif-
færum. Hún bað fólk um að fyrirgefa
honum og skilja eftir skilaboð þess
efnis. „Sjö eða átta manns komu, fjöl-
skyldumeðlimir fórnarlamba hans,“
segir hún. „Það sem var fallegast við
það, eitthvað sem gerði mig ham-
ingjusama, var að þau föðmuðu mig
og sögðust ekki vera reið eða bitur
í garð hans,“ segir hún. Sjálf ferðast
hún á milli kirkjugarða og kemur fyr-
ir skilaboðum á leiðum fórnarlamba
hans þar sem hún biðst fyrirgefningar.
„Ég biðst afsökunar og bið um fyrir-
gefningu,“ segir hún. Í eitt sinn skildi
hún eftir slík skilaboð á leiði konu sem
hafði misst son sinn í fíkniefnastríði
Escobars. „Ég skrifaði henni og sagði
að hjarta mitt væri fullt af ást og hlýju í
garð fórnarlamba hans,“ segir hún.
Hjartanu blæðir
Hún segist sjálf ekki hafa tekið þátt
í stríði Escobars en segir sögu fjöl-
skyldu sinnar sína sögu. „Þetta mótar
hjarta mans. Pablo var bróðir minn,“
segir hún. Þessi saga fjölskyldunnar er
henni afar erfið segir hún. Luz Maria
segir einnig að bróðir hennar hafi ekki
verið alvondur. Hann hafi reynt að
gefa til fátækra og að honum sé kennt
um hluti sem hann kom aldrei nálægt.
Þessu eru þó aðstandendur fórn-
arlamba hans ekki sammála. Einn
þeirra er Felipe Mejia, en bróðir hans
var aðeins átján ára þegar hann lést,
myrtur af mafíunni. Hann segir að
það sé ágætt að Luz Maria reyni að
biðjast fyrirgefningar en að ef hann
fengi slíkan miða sendan yrði hann
mjög reiður og miðinn myndi enda í
ruslatunnunni. „Þetta er spurning um
réttlæti,“ segir hann og bendir á að
einn þeirra sem bera ábyrgð á dauða
bróður hans sé enn á lífi og gangi laus.
Hann eigi stóra fjölskyldu og sé ham-
ingjusamur. Morðinginn hafi fengið
tækifæri sem bróðir hans fékk aldrei.
Sonur annars fórnarlambs, Luis
Ospina, segir að Pablo Escobar hafi
aldrei verið neitt annað en „brjálæð-
ingur með peninga,“ og að hann hafi
verið siðlaus glæpamaður sem sveifst
einskis. Faðir Luis var þingmaður sem
vildi að hægt væri að framselja glæpa-
menn á milli Bandaríkjanna og Kól-
umbíu. Honum var rænt og hann
myrtur. Til þess að fá lík hans afhent
þurfti fjölskyldan að greiða lausnar-
gjald. n
„Ég er í mafíunni.
Þeir sem eru í
mafíunni deyja aldrei af
veikindum eða eðlilegum
orsökum. Mafíósar deyja
af skotsárum.“
„Ég skrifaði
henni og sagði
að hjarta mitt væri
fullt af ást og hlýju
í garð fórnarlamba
hans.
Sonurinn Sebastian Marroquin, sonur Pablos Escobar, lét hanna fatnað þar sem myndir af föður hans komu fyrir og seldi í Suður-Ameríku.
Sögurnar Sögur af Pablo
Escobar eru nánast eins og
þjóðsögur í Kólumbíu og
eru seldar í litlum heftum.
Nafn Escobars er mikið
notað til markaðssetn-
ingar og ljóst að sögur af
honum seljast vel.
Fra
Hyrjarhöfði 2 - 110, Reykjavík / s: 848 7007 og 776 8600 / www.glerpro.is / glerpro@gmail.com
Allar viðgerðir á framrúðum
eru
bíleiganda að kostnaðarlau
su.
Vinnum fyrir öll tryggingaf
élög.