Morgunblaðið - 08.08.2015, Blaðsíða 10

Seinni hluti myndlistarsýningarinnar Þær, verður opnaður á morgun, sunnu-
daginn 9. ágúst, klukkan 16 í Gallerí Ormi í Sögusetrinu á Hvolsvelli. Sýningin,
sem er í tilefni 100 ára kosningaafmælis kvenna, stendur til 13. september og
er opin alla daga frá 9-18.
Til sýnis verða verk eftir Álfheiði Ólafsdóttur, Guðrúnu le Sage de Fontenay,
Katrínu Jónsdóttur og Katrínu Óskarsdóttur. Eru þær allar bornar og barn-
fæddar í Rangárþingi eystra.
Seinni hluti myndlistarsýningar kvenna opnuð á Hvolsvelli
List Hér gefur að líta nokkur sýnishorn af verkum kvennanna fjögurra,
en þær sækja allar innblástur í sögu og náttúru héraðs síns.
Þær sýna í tilefni 100 ára
kosningaafmælisins
10 DAGLEGT LÍF
MORGUNBLAÐIÐ LAUGARDAGUR 8. ÁGÚST 2015
Laufey Rún Ketilsdóttir
laufey@mbl.is
Það hafa verið töluverðir geð-sjúkdómar í fjölskylduminni sem ég hef upplifaðog það að vera í kringum
slíkt gerir mann vakandi fyrir mik-
ilvægi þess að tala um þetta og láta
sjúkdóminn ekki grassera innra með
manni,“ segir Guðfinnur Sveinsson,
vörustjóri og teymisþjálfi hjá Qui-
zup, sem hleypur 21 kílómetra í
Reykjavíkurmaraþoninu 22. ágúst til
styrktar Geðhjálp, samtökum not-
enda, aðstandenda, fagfólks og
áhugafólks um bættan hag fólks með
geðraskanir og geðfötlun í samfélag-
inu.
Hefur hann ekki sett sér neitt
söfnunarmarkmið en vonast þó til að
sem mest safnist til handa félaginu.
„Ég hef engin háleit markmið en
vona að það safnist eins mikið og
hægt er, eins mikið og fólk vill gefa,“
segir hann léttur í bragði.
„Geðhjálp er eitt af þeim fé-
lögum sem ég lít upp til. Það vinnur
markvisst að því að afnema það að
geðsjúkdómar séu eitthvað tabú sem
ekki má tala um,“ segir hann, en fað-
ir Guðfinns, Sveinn Rúnar Hauksson
læknir, hefur starfað lengi innan
Geðhjálpar og vann að því ötullega
um tíma að rjúfa einangrun geð-
sjúkra á geðdeildum. „Þetta er því
málaflokkur sem stendur mér mjög
nærri, en báðir foreldrar mínir hafa
talað mjög opinskátt um geð-
sjúkdóma sína í gegnum tíðina.“
Sálfræðitíminn eins og nudd
Ekki er langt síðan Guðfinnur
fór að spretta úr spori í maraþon-
keppnum jafnt innan sem utanlands.
„Hlaup varð óvart hluti af lífi mínu
fyrir nokkrum árum og er þetta í
fjórða skiptið sem ég hleyp hálft
maraþon í Reykjavíkurmaraþoninu,“
segir hann, en þegar hann bjó í Hol-
landi um tíma hljóp hann einnig hálft
maraþon þar í landi. Segir hann
hlaupin vera skemmtileg en þau geri
geðheilsunni einnig gott.
„Ég fann sjálfur fyrir þunglyndi
í fyrsta sinn síðasta sumar. Það var
ekki alvarlegt en ég fann að það
hjálpaði mér að tala um það, setja
það í orð og tala við vini mína,“ segir
Guðfinnur og leggur áherslu á að
þegar eitthvað hrjái fólk andlega sé
engin skömm fólgin í því að leita sér
aðstoðar sérfræðings. „Að fara í sál-
fræðitíma ætti að vera eins og að
fara í nudd, í ræktina eða lesa bók.
Maður ætti að leggja það algjörlega
að jöfnu við það að rækta heilsu sína
á alla aðra vegu,“ segir hann, en geð-
heilsan sé þannig ekkert frábrugðin
þeirri líkamlegu. Þá þjóni vinir og
fjölskylda einnig stóru hlutverki ef
eitthvað bjáti á. „Maður á ekki að
hræðast það að tala við fólkið í kring-
um sig. Ástæðan fyrir því að það er í
kringum mann er að því þykir vænt
um mann.“
Hæfileikar í djúpu lauginni
Guðfinnur er landsmönnum
ekki ókunnur því hann tók þátt í
Söngvakeppni sjónvarpsins 2015 þar
sem valið var framlag Íslands til
Eurovision keppninnar sem fram fór
í Austurríki. Þar keppti hann, ásamt
Hildi Kristínu vinkonu sinni, með
Geðsjúkdóm-
ar eiga ekki
að vera tabú
Guðfinnur Sveinsson hleypur hálft maraþon til styrkt-
ar Geðhjálp í Reykjavíkjavíkurmaraþoninu. Sam-
tökin hafa mikla þýðingu fyrir honum, en hann hefur
upplifað áhrif geðsjúkdóma frá fyrstu hendi. Hvetur
hann alla til að tala um það sem þá hrjáir við vini,
vandamenn eða sérfræðinga og rækta geðheilsu sína.
Morgunblaðið/Styrmir
Áhrif Geðheilsa er Guðfinni afar hugleikin, en hann hefur upplifað áhrif geðsjúkdóma í gegnum tíðina.
Mosfellsbær auglýsir lóðir við Þverholt í miðbæ Mosfellsbæjar. Um er að ræða
byggingarrétt fyrir 30 leiguíbúðir og 10 íbúðir til almennrar sölu.
Umsóknarfrestur til 11. september 2015. Umsóknum má skila rafrænt á mos@mos.is
eða í Þjónustuver Mosfellsbæjar, Þverholti 2.
Nánari upplýsingar má finna á heimasíðu Mosfellsbæjar www.mos.is.
www.mos.is
Nýjar lóðir í hjarta
Mosfellsbæjar
Lóðum úthlutað til byggingar leiguíbúða í Mosfellsbæ