Morgunblaðið - Sunnudagur - 09.08.2015, Qupperneq 8

8 MORGUNBLAÐIÐ SUNNUDAGUR 9.8. 2015
Á dögunum skaut bandarískur tannlæknirljón í Simbabve. Þetta var vinsælt ljón ogekki farið að reglum við drápið. Síðan hef-
ur tannlæknirinn ekki átt sjö dagana sæla enda
með dýraverndunarsamtök heimsins á bakinu.
Málið hefur vakið umræðu sem spunnist hefur í
margar áttir. Þar á meðal hefur verið fjallað um
réttmæti sportveiðimennsku.
Á Íslandi skemmta menn sér við veiðar. Þeir
eltast við rjúpu á haustin, skjóta hreindýr og gæs,
að ógleymdum laxinum og silungnum sem margir
veiða sér til ánægju. Svo er það sjóstangaveiðin.
Sjálfur þekki ég ánægjuna af henni. Bæði við að
draga þann gula úr sjó í góðum félagsskap undir
íslenskum bláhimni og síðan að neyta hans, helst
með heimaræktuðum kartöflum og salati.
Himneskt.
Það er óneitanlega eitthvað sérstakt við þetta.
Fiskinn, salatið og kartöflurnar er vissulega hægt
að kaupa úti í búð og spara sér mikla fyrirhöfn.
En það er ekki það sama. Það er nefnilega sam-
hengið allt sem þarf að horfa til.
Veiðimennirnir láta sér ekki nægja soðna villi-
bráðina. Þeir grafa og reykja og síðan er smakkað
og kjamsað og spjallað. Er betra að reykja silung-
inn svona en ekki hinsegin? Mörgum finnst jólin
ósköp rýr án rjúpna. Allt er þetta spurning um
hefðirnar sem við erum alin upp við.
Í seinni tíð hefur verið gerð mikil tilraun sem
gengur út á að skapa nýjan sið í veiðimennskunni;
innleiða þá hefð að veiða sér aðeins til skemmt-
unar, ekki til matar. Þannig er það í mörgum lax-
veiðiám að veiðimanninum er gert að sleppa þeim
fiski sem bítur á agnið.
Þetta er gert að sögn til að vernda laxastofninn.
Það er gott og göfugt markmið. En einhvern veg-
inn finnst mér við þarna komin út á ranga braut.
Skemmtunin er þá bara að fanga bráðina. Blá-
himinninn er vissulega enn til staðar og félags-
skapurinn við náttúruna og vinina. En síðan ekki
söguna meir.
Er virkilega í lagi að setja öngul í lax og þreyta
hann þar til hann er örmagna og nær dauða en lífi;
láta hann síðan lausan til þess eins að bíða eftir
næsta sportveiðimanni sem endurtekur leikinn?
Ég spurði eitt sinn einn kunnasta baráttumann
Íslands fyrir viðgangi laxastofnsins og þá jafn-
framt gegn ofveiði í hafi úti og í laxveiðiánum.
Fyndist honum þetta vera í lagi; að veiða ein-
göngu sér til skemmtunar en ekki til matar. Væri
þetta góð meðferð á dýrum?
„Hefurðu spurt laxinn?“ svaraði hann að
bragði. „Ég held að hann vilji frekar láta sleppa
sér en drepa sig.“
Ég sannfærðist ekki.
Hefurðu spurt laxinn?
* Er virkilega í lagi aðsetja öngul í lax ogþreyta hann þar til hann er
örmagna og nær dauða en lífi;
láta hann síðan lausan til
þess eins að bíða eftir næsta
sportveiðimanni sem endur-
tekur leikinn?
ÚR ÓLÍKUM ÁTTUM
Ögmundur Jónasson
ogmundur@althingi.is
Það hefur varla farið framhjá nein-
um, fátið í kringum veitingastaðinn
Dunkin’ Donuts sem var opnaður
á Laugaveginum í vikunni. Yfir tvö
hundruð manns biðu við dyrnar
þegar staðurinn var opnaður kl. 9
um morgun á miðvikudaginn síð-
asta. Röðin myndaðist síðan áfram
dag eftir dag og margir virtust
sólgnir í kleinuhringi. Samfélags-
miðlar loguðu eins og gefur að
skilja og notuðu margir kassa-
merkið #röðin.
Þorsteinn Guðmundsson
leikari tísti um
kleinuhringina þó
að hann hafi
smakkað á öðru-
vísi tegund af
kleinuhringjum.
„Sem offitusjúklingur mun ég, í til-
efni dagsins, gæða mér á kleinu-
hringjum sem ég klippi út úr harð-
fisk.“
Baggalúturinn og annar um-
sjónarmanna sjón-
varpsþáttarins
Orðbragðs, Bragi
Valdimar Skúla-
son, talaði um
annars konar rað-
ir: „Besta #röðin mín:
1) Kandífloss, EuroDisney
2) Whitesnake, Reiðhöllin
3) Klóið, Kaffibarinn
4) Þeytivindan, Hveragerði
5) Sýslumaðurinn, KÓP.“ Einnig
tísti hann smá leyndarmáli um sjálf-
an sig: „Tíhíhí, enginn veit að ég er í
röðinni haganlega dulbúinn sem
bleikur bekkur. #röðin.“
Nanna Elísa Snædal blaða-
maður velti fyrir sér hvort ástina
væri að finna í umræddri kleinu-
hringjaröð. „„Maður var því alveg
að kynnast fólki með sömu ást á
kleinuhringjum.“ Og ég er að leita
að ástinni á djamminu?! #röðin.“
Atli Fannar Bjarkason, rit-
stjóri Nútímans,
var auðmjúkur í
garð þeirra sem
fóru í röð til að fá
kleinuhring. „Ber
ómælda virðingu
fyrir fólkinu í #röðin. Gæfi mikið
fyrir að vera svona ónæmur fyrir
áliti annarra. Án gríns.“
AF NETINU
Laugardaginn 8. ágúst og sunnudaginn 9.
ágúst, klukkan 20.00, snýr leikhópur Patriciu
Pardo aftur í Frystiklefann með sýningu sína
Marx the Fandango. Sirkús, fimleikar, trúð-
leikur og tónlist blandast saman í fjölskyldu-
vænni skemmtun. Alir eru velkomnir og
áhorfendur ráða miðaverðinu sjálfir.
Leikhópurinn sýndi sýninguna Comissura í
Frystiklefanum í fyrra og hlaut mikið lof fyrir.
Spænsk
leiksýning
Singimar á
sunnudag
Djasstónleikar í Norræna húsinu um helgina.
Sunnudaginn 9. ágúst verða pikknikk tón-
leikar í Norræna húsinu klukkan 15.00.
Ingi Björn Skúlason píanóleikari og Þór
Matthíasson kontrabassaleikari úr djass-
þjóðlagasveitinni Silfurberg spila allt frá
sænskri þjóðlagatónlist til argandi djass-
tónlistar fyrir gesti. Söngkonan Jóhanna
Elísa Skúladóttir er sérstakur gestur.
Vettvangur
Tónlistarmaðurinn Gunnar Birgis hyggst gefa
út sitt þriðja lag á mánudaginn næstkomandi.
„Þetta nýja lag er gjörólíkt því sem hefur
komið frá mér áður og ég er klárlega að fara
nýjar og spennandi leiðir. Helsta breytingin er
sú að lagið er sungið á íslensku, sem er mjög
spennandi,“ segir Gunnar í samtali við Sunnu-
dagsblað Morgunblaðsins.
Nýja lagið ber titilinn „Einfaldlega ást“ og
snúa þeir Gunnar og Örlygur Smári saman bök-
um við vinnslu lagsins, en það var til að mynda
Örlygur sem stakk upp á því að lagið yrði sung-
ið á íslensku. Gunnar semur texta lagsins í sam-
starfi við móður sína.
„Ég er mjög sáttur við útkomuna, til dæmis
hvernig íslenskan kom út, og er mjög spenntur
fyrir þessu,“ segir Gunnar. „Lagið er líka í allt
öðrum dúr en hin tvö og önnur tónlistarstefna í
gangi. Ég var frekar að gera nútíma „R&B
pop“-tónlist en það er meiri svona klassísk dæg-
urlagastemning í þessu nýja lagi, ef svo má
segja,“ segir Gunnar en tekur fram að erfitt sé
að lýsa hinni nýju stefnu með góðu móti. „Ég vil
náttúrulega semja og þróa minn eigin stíl og
þess vegna er erfitt að stimpla lagið á einhverja
eina stefnu. Ég vil bara gera flotta og einlæga
tónlist sem hefur mikla þýðingu fyrir mig.“
Gunnar hefur verið að semja tónlist í tæp þrjú
ár, en auk þess sem hann syngur og semur
stefnir hann á nám í Háskólanum í Reykjavík í
haust. Ástríðuna segir hann hins vegar vera í
tónlist. „Ég er nýr í tónlistinni en stefni á að
halda áfram. Auðvitað stefnir maður að því að
gera það sem maður elskar eins lengi og maður
getur.“
„Einfaldlega ást“ á döfinni
Lagið „Einfaldlega ást“ verður í öðrum dúr en
fyrra efni Gunnars, enda önnur tónlistarstefna.