Morgunblaðið - Sunnudagur - 30.08.2015, Blaðsíða 16

Heilsa og
hreyfing
Rakinn komi innanfrá
Getty Images
*Margir kannast við það að húðin þorni úrhófi fram þegar hausta tekur. Nærtækt er aðgrípa til feitra krema og veita húðinni þannigraka utanfrá. En ekki má gleyma því heldur aðnæra húðina innanfrá og koma þannig í vegfyrir óþægindi vegna húðþurrks. Olíur ogholl fita í fæðu hjálpar til við að viðhalda raka
í húðinni. Svo skiptir alltaf máli að drekka nóg
vatn, líka á haustin þegar fer að kólna.
A
ndrea situr ekki auðum höndum þessa dagana en hún var að byrja
í Versló, er á leiðinni til Finnlands um næstu helgi að keppa á
Norðurlandamóti U20 og er nýbúin að taka þátt í 10 kílómetra
hlaupi í Reykjavíkurmaraþoni sem fór fram um síðustu helgi. Þar
kom hún í mark á undir fjörtíu mínútum og var fyrst íslenskra kvenna en á
öðrum besta tímanum á eftir hinni bandarísku Söruh Lannom. Munaði aðeins
ellefu sekúndum á þeim stöllum. Einnig var hún stigahæsta konan í Powe-
rade-sumarhlaupunum og er alveg ljóst að hér er efnileg hlaupakona á ferð.
Dregur pabba með í hlaup þegar hún er erlendis
Andrea segist alltaf hafa verið í íþróttum en heillaðist af hlaupum fyrir um
tveimur árum þegar hún var 14 ára og byrjaði þá að æfa einu sinni í viku.
„Það er eiginlega tennisþjálfaranum mínum, henni Carolu, að þakka. Hún
vildi að allir tækju þátt í 5 km hlaupi og þá var ekki aftur snúið. Ég fann að
þetta var eitthvað sem að mig langaði að gera. Carola þekkti þjálfara hjá ÍR
og þannig byrjaði ég að æfa hlaup hjá Gunnari Páli,“ segir Andrea. Nefna
má að Gunnar Páll Jóakimsson hefur þjálfað lang- og millivegalengdahlaup-
ara hjá ÍR um árabil og er þjálfari Anítu Hinriksdóttur.
Andrea æfir nú hlaup fjórum sinnum í viku og tennis þrisvar í viku og seg-
ist hlaupa í kringum 30 km á viku. Þegar hún fer til útlanda finnst henni
skemmtilegt að hlaupa og skoða sig um í leiðinni. „Það góða við hlaup er að
það er hægt að hlaupa hvar sem er. Þegar ég fer til útlanda finnst mér mjög
gaman að skokka um á óþekktum slóðum og dreg þá pabba með svo að ég
villist ekki,“ segir hún.
Byrjaði á gönguskíðum tveggja ára
Hún hefur áhuga á nánast öllum íþróttum en á sér einnig önnur áhugamál.
„Ég er farin að sakna þess að spila fótbolta en ég hætti í því fyrir ári þar
sem æfingarnar voru allar á sama tíma. Mér finnst líka mjög gaman að elda
og elda stundum kvöldmat fyrir fjölskylduna. Allt sem tengist fjöllum hljóm-
ar líka alltaf vel, hvort sem það er fjallganga, útilega, skíði, bretti eða göngu-
skíði. Ég átti heima í Noregi í fimm ár og byrjaði þar á gönguskíðum í leik-
skólanum þegar ég var tveggja ára,“ segir Andrea.
Sjúk í súrdeigsbrauð og hnetusmjör
Andrea hugsar mikið um heilbrigt líferni. „Já, ég hugsa mikið um það, bæði
hvað varðar svefn og mataræði. Ég reyni alltaf að sofa í níu tíma og svo er
ég mikið í heilsufæðinu eins og chiafræum, kínóa, skyri og fleiru. Annars
borða ég bara fjölbreyttan og hollan mat, kjöt, fisk, ávexti, grænmeti og
spara ekki holla fitu. Nýjasta æðið hjá mér er ommeletta en ég elda mér
slíka nánast á hverjum degi. Svo er ég sjúk í súrdeigsbrauð og hnetusmjör.
Ég alltaf með hnetupoka á mér til öryggis ef ég verð svöng. Ég vinn líka hjá
Lifandi markaði og þar fæ ég rosa góðan og hollan mat. Annars er mamma
besti kokkurinn. Og auðvitað leyfi ég mér pizzu og köku inn á milli og í af-
mælum,“ segir hún.
Margt að hugsa á hlaupum
Að hlaupa langar vegalengdir getur tekið á andlega og líkamlega og margt
fer í gegnum hugann á meðan. „Það fer eftir því hvaða vegalengd ég er að
hlaupa hvað ég er að hugsa. Í 100 metra spretthlaupi hugsar maður ekkert
um annað en að hlaupa eins hratt og maður getur. En í rólegu langhlaupi
getur maður hugsað um allt milli himins og jarðar, allt frá því að hugsa um
það hvað verður í prófinu á morgun út í það að sjá eftir því að hafa ekki
keypt flottu skyrtuna fyrir ári,“ segir hún.
Andrea segir besta ráðið fyrir þá sem eru að byrja að hlaupa sé að finna
sér hlaupafélaga eða hlaupahóp. „Það er svo miklu skemmtilegra að hlaupa
með einhverjum heldur en einn. Í öðru lagi að fá sér góða hlaupaskó en
varðandi hlaupaprógramm mæli ég með að tala við reyndari hlaupara, því ég
er bara 16 ára,“ segir hún að lokum. Blaðamaður spyr hvort hún eigi erfitt
með að standast einhverjar freistingar. Það stendur ekki á svarinu. „Súkku-
laði!“Morgunblaðið/Eggert
NÝ HLAUPASTJARNA
Hægt að
hlaupa hvar
sem er
ANDREA KOLBEINSDÓTTIR ER 16 ÁRA VERSLÓMÆR
SEM HLEYPUR EINS OG VINDURINN. HÚN KOM FYRST
ÍSLENSKRA KVENNA Í MARK Í REYKJAVÍKURMARAÞONI Í
10 KM HLAUPI Á TÍMANUM 00.39.17.
Ásdís Ásgeirsdóttir asdis@mbl.is
Andrea Kolbeinsdóttir þakkar
tennisþjálfaranum sínum fyrir
það að hún fór að æfa hlaup. Nú
æfir hún hlaup fjórum sinnum í
viku og tennis þrisvar í viku.