Morgunblaðið - Sunnudagur - 30.08.2015, Blaðsíða 31

30.8. 2015 MORGUNBLAÐIÐ SUNNUDAGUR 31
Sveitasöngkonan geðþekka Dolly Parton er eitt af
tólf systkinum. Ekki er þó sama fjörið á heimili
hennar og bónda hennar en þeim hefur ekki orðið
barna auðið.
Á ellefu systkini*Það er ekkert til sem heitir skemmtunfyrir alla fjölskylduna. Jerry Seinfeld
Erna Ómarsdóttir danshöfundur og Valdimar Jóhannsson tónlistarmaður
eiga saman börnin Úlf Óðin og Urði Æsu. Erna er listdansstjóri Íslenska
dansflokksins og eru þau Valdimar
listrænir stjórnendur sviðslistahóps-
ins Shalala.
Hvaða þættir, bíómyndir eða bækur
eru í uppáhaldi hjá
fjölskyldunni?
Okkur finnst mjög gaman að horfa
saman á ýmsar teiknimyndir. Miya-
zaki-teiknimyndirnar Ponyo og My
Neighbor Totoro eru í miklu uppá-
haldi og svo höfum við líka gaman af
litlu gulu skósveinunum sem eru í Aulinn
ég, Múmínálfunum og ofurhetjumyndum
svo eitthvað sé nefnt.
Hver er uppáhaldsmatur
fjölskyldunnar?
Yngri helmingurinn vill einfaldlega ein-
hvern mat með tómatsósu og sá eldri vill
hafa hann með pestó. Uppáhaldsdrykkur
okkar allra er svo ropvatnið.
Hvað er skemmtilegast að gera
saman?
Það er alltaf gott að eiga það notalegt
heima en svo erum við alltaf að leika
okkur saman og spinna alls kyns
dansa, söngva og tónlist þar sem við
glömrum saman á potta og allt sem
gefur frá sér hljóm. Okkur finnst líka
sérstaklega gaman að ferðast um
landið og fara í sumarbústaðinn og tjaldferðalög.
Borðar fjölskyldan morgunmat saman?
Já, við reynum alltaf að borða saman hafragraut á
morgnanna. Með rúsínum og kanil og stundum
bæti ég smá kínóa út í.
Hvað gerði fjölskyldan skemmtilegt í sumar?
Við ferðuðumst mikið í sumarfríinu. Við tjölduðum
úti um allt land, heimsóttum hina yndisfögru Vest-
firði og fórum í sumarbústaðinn okkar í
Mjóafirði. Þar eyddum við dágóðum tíma í
náttúrulauginni sem afi smíðaði og í henni
lærði yngri helmingurinn næstum því að
synda. Þar lagði ég líka fyrir mig sjósund í
um það bil fimm sekúndur.
Á að gera eitthvað skemmtilegt í vetur?
Úlfur er að verða fjögurra ára og ætlar
annaðhvort að prófa fimleika eða dans og
Urður byrjar á leikskóla. Við foreldrarnir verðum á kafi í vinnunni, bæði að
búa til nýjar dans- og leiksýningar fyrir Íslenska dansflokkinn og að vinna í
Excel, eins og gengur og gerist í þessu starfi. Síðan förum við í einhverjar
sýningaferðir erlendis og við munum taka gríslingana með í þær. Þeim finnst
mjög gaman að fljúga og ferðast með öllu frábæra listafólkinu sem við
vinnum með.
EFTIRLÆTI FJÖLSKYLDUNNAR
Ferðast og skapa
Það verður líf og fjör á Árbæjarsafni
sunnudaginn 30. ágúst á milli 13 og
16 þegar starfsfólk safnsins sinnir
hefðbundnum haustverkum eins og
að sjóða og sulta, prjóna og steikja
og ótalmörgu öðru.
Jafnframt verður hægt að fylgjast
með eldsmiði að störfum.
Dagskráin hefst kl. 13, en þá verð-
ur hægt að fá leiðsögn um safnið.
Guðsþjónusta verður í Árbæjar-
safnskirkju kl. 14 og í kjölfarið kl. 15
verður boðið upp á tónleika með
Huga Jónssyni barítón og Kára
Allanssyni orgelleikara.
ÁRBÆJARSAFN
Sultað á safni
UPPELDISRÁÐ STJARNANNA
Gefum okkur tíma
FLEST SEM HREKKUR AF
VÖRUM STÓRSTJARNA Í
HOLLYWOOD ER TALIÐ
SÆTA TÍÐINDUM. ÞAÐ
GETUR ENDA VERIÐ
FÍNASTA DÆGRADVÖL
AÐ KANNA HVAÐ ÞAU
SEM ERU VÖN RAUÐUM
DREGLUM OG GLAMÚR
HAFA AÐ SEGJA UM HEFÐ-
BUNDIÐ FJÖLSKYLDULÍF
OG BARNAUPPELDI. „Ég hef reynt mitt besta til að leggja
símann frá mér frá því að ég sá dótt-
ur mína gera sér það að leik að taka
eitthvað upp úr litlu töskunni sinni
sem hún ákvað að væri síminn sinn
og sagði við mig: „Bíddu aðeins
mamma, ég get ekki talað við þig
núna...ég var að fá tölvupóst.“
Jennifer Garner
„Ef þú ert með börnunum þínum,
vertu þá með þeim. Ekki stelast í sím-
ann eða tölvuna. Slökktu á tækjunum
og leyfðu þér að gleyma þér í veröld
þeirra. Þótt það sé bara í stuttan tíma
mun það skipta máli bæði fyrir þau
og þig.“
Ewan McGregor
„Ég vil ekki vera foreldri sem neyðir
barnið sitt til að vera einhver annar
en það er. Það er bara slæmt uppeldi.
Börn þurfa að fá að tjá sig á þann hátt
sem þeim hentar best án þess að
vera dæmd fyrir. Það er mikilvægur
þáttur í þroskaferli þeirra.“
Angelina Jolie
„Vertu alltaf til staðar fyrir börnin þín
og gefðu þér tíma fyrir þau þegar þau
þurfa. Ekki segja þeim að bíða því þá
hætta þau að vera spennt fyrir að
sýna þér hluti sem þau hafa búið til
og segja þér frá einhverju sem þau
eru spennt fyrir og liggur á hjarta.“
Michael J. Fox
„Maður verður að slaka á og leyfa
þeim að vera til. Heimili mitt er fullt
af lífi, glundroða og hlátri. Í hverjum
matartíma hellist eitthvað niður. Þeg-
ar þau eru komin í skólabúninga á
morgnana og með mat á höndunum
geturðu sagt þeim í hvert sinn að
þurrka ekki í fötin sín ... en þau munu
samt þurrka í fötin sín. Þá er nauð-
synlegt að slaka á. Þau verða að fá að
vera þau sem þau eru.
Heimili mitt á ekki að vera eins og
safn þar sem ekki má snerta hlutina.
Þú sérð alveg að hér búa börn, enda
er þetta þeirra hús jafnmikið og mitt.
Heidi Klum
Ármú la 19 | S: 553-9595 | gahusgogn@gahusgogn. is | www.gahusgogn. is
1975-2015
GÁ húsgögn ehf. er traust fyrirtæki sem hefur verið á íslenskum markaði um árabil. Við
leggjum áherslu á stílhrein, vönduð húsgögn og góða þjónustu.
Við tökum málin þín í okkar hendur
Sérsmíðum fyrir heimili og fyrirtæki
40 ára