Morgunblaðið - Sunnudagur - 30.08.2015, Side 26

Matur
og drykkir *Lárpera, oft kölluð avókadó, er stútfull af vít-amínum, trefjum og steinefnum. Einnig máfinna í lárperunni kalíum, andoxunarefni ogholla fitu. Þessi efni geta virkað sem forvörngegn hjartasjúkdómum og lækkað blóðþrýst-ing og eru talin góð fyrir augun. Vinsælastirétturinn úr lárperu er guacamole en einnig
er gott að borða hana með smá salti og
sítrónusafa. Frábært hollmeti í nestisboxið.
Lárperan ljúffeng og holl
I
lmandi matarlykt lagði um götuna í Áslandinu í Hafnarfirði þegar
blaðamann bar að garði. Þar voru saman komnar frænkur á öllum
aldri til að smakka á mexíkóskum mat hjá Hafdísi, sem hafði staðið
í ströngu við undirbúning. Systir hennar, Þorgerður, lagði til húsið
og þriðja systirin, Guðrún Halla, mætti með fordrykkinn. Það var kátt
á hjalla þegar þær tíndust inn ein af annarri og karlkyns fjölskyldu-
meðlimir voru sendir á neðri hæðina, enda var þetta dömuboð.
Ranghugmyndir um tortillakökur
Í boði var maíssúpa, heimatilbúnar tortillakökur, svartar baunir, guaca-
mole, salsa, grjón og hægeldaður svínabógur. Hafdís er mikill matgæð-
ingur en hún er heimavinnandi húsmóðir með tvær stelpur, 6 ára og 6
mánaða. Eiginmaður hennar er liðsforingi í bandaríska hernum. „Mað-
urinn minn ólst upp við mexíkóskan mat og okkur finnst hann svo góð-
ur að við eldum hann oft,“ segir Hafdís. Hún segir að það séu rang-
hugmyndir í gangi varðandi tortillakökurnar, þær séu frekar hafðar
sem meðlæti með ýmsum mat fremur en það þurfi endilega að vefja
þeim utan um matinn. Í eftirrétt er kirsjuberjabaka í Suðurríkjastíl, en
Hafdís segir að mexíkóskur eftirmatur sé ekki í uppáhaldi.
Skógarbjörn í bakgarðinum
Fjölskyldan flytur á tveggja til þriggja ára fresti og ráða þau engu um
áfangastaðina. Þau hafa búið víða um Bandaríkin og eru alsæl í Alaska.
„Það er æðislegt. Það er mjög líkt Íslandi, en fleiri tré. Svolítið ógn-
vekjandi að hafa skógarbirni og elgi, en svo áttar maður sig á því að
þetta er bara hluti af umhverfinu,“ segir Hafdís, en hún hefur rekist á
skógarbjörn í bakgarðinum að róta í ruslinu hjá sér.
Fjóla Rún Þorleifsdóttir, Ingibjörg Karlsdóttir, Elsa Jóns-
dóttir, Maríanna Finnbogadóttir, Þorgerður Guðmunds-
dóttir, Hafdís Miller Hafsteinsdóttir, Elfa Björg Aradóttir,
Þorgerður Hafsteinsdóttir og Birna Þórhallsdóttir.
FRÆNKUBOÐ Í HAFNARFIRÐI
Eldar mexíkóskt í Alaska
HAFDÍS MILLER HAFSTEINSDÓTTIR ER STÖDD Á LANDINU Í SUMARFRÍI EN HÚN BÝR Í ALASKA ÞAR SEM SKÓGARBIRNIR OG ELGIR HEIMSÆKJA HANA
REGLULEGA. MATREIÐSLA ER HENNAR ÁSTRÍÐA OG ELSKAR HÚN AÐ ELDA MEXÍKÓSKAN MAT. BANDARÍSKUR EIGINMAÐUR HENNAR ER MEÐ MEXÍ-
KÓSKT BLÓÐ Í ÆÐUM OG LÆRÐI HAFDÍS TÖKIN HJÁ TENGDAMÖMMU. HÚN BAUÐ FRÆNKUM SÍNUM Í VEISLU ÁÐUR EN HÚN HÉLT AF LANDINU.
Myndir og texti: Ásdís Ásgeirsdóttir asdis@mbl.is
Hafdís gerir tortillakökurnar frá grunni.
1 cl Bacardi razz
Cherry 7up (fæst í
Kosti)
Blandið saman rommi
og Cherry 7up og
hellið í glös með klök-
um. Skreytið með
smá lime.
Kirsjuberjafordrykkur