Morgunblaðið - Sunnudagur - 30.08.2015, Blaðsíða 42
Viðtal
42 MORGUNBLAÐIÐ SUNNUDAGUR 30.8. 2015
bara að mig langaði að vera í kringum fólk
sem væri skapandi og í leiklist.“
Emily Fletcher, kennari hans þar, hafði
líka mikil áhrif á hann, en hún er einnig
þekkt fyrir að kenna hugleiðslu.
Var fólk hissa á bakgrunni þínum?
„Fólk var mjög hissa á því að ég skyldi
vera læknir og þar að auki kominn alla leið
frá Íslandi í gegnum Svíþjóð til að prófa
leiklist þarna.“
Þegar heim var komið fór hann í leik-
listartíma hjá Studio Meisner í Stokkhólmi.
Hann fór síðan til Los Angeles í þrjá mán-
uði haustið 2013 og hélt áfram námi sínu
hjá Anthony Meindl.
Síðasta árið hefur hann verið í leikhópi
og tímum í International Theater Stock-
holm, en þar er unnið með spuna. „Það
myndaðist mikið traust og djúp vinátta í
hópnum og það var erfitt að kveðja þau.
Það er mjög mikið Josh Lenn að þakka að
ég dreif mig út í leiklistarnám. Hann er
einn af þeim kennurum sem ég get ekki
þakkað nógu mikið. Þvílík trú á nemend-
unum og eldmóður að koma okkur á svið.
Alveg einstakur maður.“
Vann samhliða leiklistinni á
sjúkrahúsinu
Samhliða leiklistarnáminu vann hann á
HNE og var þetta því annasamur tími.
Hann fékk mikinn stuðning frá yfirmönnum
sínum og samstarfsfólki á sjúkrahúsinu.
„Þeim fannst bara frábært að ég væri að
gera þetta. Leiðbeinandinn minn og yf-
irlæknirinn voru mjög sveigjanlegir og ég
er þeim mjög þakklátur fyrir að hafa ekki
afskrifað mig sem klikkaðan,“ segir hann
og hlær. Jens var leystur út með gjöfum
og saknaðarkveðjum þegar hann hætti, en
hann kláraði sérnámið þó að það hafi dreg-
ist um tvö ár vegna anna við leiklistina.
Leiklistarnámið hafði líka jákvæð áhrif á
vinnuna hans á sjúkrahúsinu.
„Eftir því sem ég lærði meira í leiklist-
inni og fann leiðir til að gera sjálfan mig
hamingjusaman fór ég að njóta þess að
vera í vinnunni líka og
nota það sem ég lærði í
leiklistinni, að hlusta á
fólk og vera opinn. Ef
ég þurfti að segja ein-
hverjum slæmar fréttir
var ég fullkomlega til
staðar. Fólk var mjög
þakklátt fyrir það að
vera ekki skilið eftir
eitt með slæmar frétt-
ir.“
Mætti þessi mannlegi
þáttur og tjáning koma
sterkar inn í námið í
læknisfræðinni?
„Ég held að það
mætti koma meira inn í
skóla almennt að fara á
svið og tjá sig. Þetta þarf ekki að vera
flókið. Við erum öll skapandi verur innst
inni og þessi þáttur þarf líka að blómstra.“
Hann minnist á að hann hafi lært allt
um líkamann í læknisfræðinni en samt ekki
lært að hlusta á eigin líkama.
Hann segir að í starfi sínu sem læknir,
m.a. þegar hann hafi leyst af á heilsugæslu,
hafi hann bent fólki á að huga að andlegu
hliðinni þegar það hafi átt við. „Ég fylgi
auðvitað læknisfræðilegum prinsippum en
hef aðeins beint fólki inn á andlega braut.
Einföld hugleiðslutækni eins og að fylgjast
með önduninni breytir ótrúlega miklu. Ef
líkaminn er kyrr fylgir hugurinn á eftir.“
Sjálfur fór hann sumarið 2013 á tíu daga
hugleiðslunámskeið þar sem kennd var
vipassana-hugleiðslutækni. „Það var ekkert
talað á fyrstu níu dögum námskeiðsins
nema við kennarann og einn umsjón-
armann. Þetta var hugleiðsla í tíu tíma í
dag,“ segir Jens og bætir við að þetta hafi
verið „svakaleg lífsreynsla“.
„Ég sat áfram, eins lengi og ég gat,
lengur og lengur hvern dag þar til ég fann
kyrrð og fókus. Það var engin þörf að
verða eitthvað annað en ég var og óskin
um að vaxa og þroskast var hluti af mér.
Það var eiginlega þá fyrst sem ég fann
fullkomna ró innra með mér. Ég finn að
innst inni er ég rólegur þrátt fyrir að mik-
ið gangi á í einkalífi eða í starfi.“
Hann segir þakklæti líka mikilvæga til-
finningu. „Þakklæti fyrir það sem gengur
okkur í hag er líka lykilatriði. Það er fátt
jafn kraftmikið og aðlaðandi og það hugar-
ástand sem þakklæti gefur okkur. Þess
vegna hvet ég alla, þar með talið skjólstæð-
inga mína sem ganga gegnum erfiða tíma,
til að finna nokkra hluti daglega sem þeir
geta verið þakklátir fyrir.“
Persónulegur þroski í leiklistinni
Hugmyndina að því að fara í Stellu Adler-
skólann í Los Angeles fékk hann frá Hel-
enu Einarsdóttur, framleiðanda hjá Elf
Films, sem gerði heimildarmyndina Höggið.
Hún lét vel af skólanum og hvatti hann til
að sækja um. Í leiklistarkennslunni er sam-
hliða lögð áhersla á persónulegan þroska.
„Það að vinna með sjálfan sig fer al-
gjörlega saman við það að vera góður leik-
ari. Það er þroskandi að fara inn í karakt-
er og skilja hvernig honum líður. Ég ætti
að hafa nóg efni til að byggja karaktera á
eftir að hafa unnið sem læknir. Ég hef séð
svo mikið af skemmtilegu fólki og ólíkum
karakterum.“
Skólinn byrjar á mánudaginn og þá fer
allt á fullt. „Ég fann mig um leið og ég
gekk þar inn,“ segir Jens, sem er fullur
eftirvæntingar fyrir framhaldinu. Inn-
tökuferlið tók tíma og fylla þurfti út ýmsa
pappíra. „Það erfiðasta var innri mótstaða
mín við að fara út í þetta og mín eigin
hræðsla.“
Námið tekur tvö ár og eftir útskrift get-
ur hann unnið í landinu í hálft ár.
„Ég er hamingjusam-
astur þegar ég er sáttur
þar sem ég er en ég
verð að hafa einhver
hærri markmið líka,“
segir Jens og bætir við
að það sé ákveðin and-
stæða í því þegar hann
er spurður hvert hann
stefni.
„Ef maður er opinn
er ótrúlegt hvað getur
gerst.“
Hefur forskot í
læknaþættina
En nú verður blaðamað-
ur að spyrja hinnar
óumflýjanlegu spurn-
ingar: Stefnir Jens á að leika í læknaþætti?
„Ég er opinn fyrir því og vona að það
gerist.“
Hugtökin þvælast að minnsta kosti ekki
fyrir honum og menntunin ætti að gefa
honum forskot í þessu sambandi. Það er í
það minnsta óvenjulegt að læknir gerist
leikari. Leikararnir sem leika lækna eru
umtalsvert fleiri, en læknaþættir hafa lengi
notið mikilla vinsælda.
Hann ætlar sér að nýta staðsetninguna
og fara í áheyrnarpróf í Hollywood. „Þessi
borg er full af tækifærum, maður lætur
ekkert stoppa sig.“
Ertu í góðu sambandi við foreldra þína?
„Já, við erum í mjög góðu sambandi
núna. Við fjarlægðumst svolítið á meðan ég
var í þessum umskiptum fyrir um tveimur,
þremur árum. Það var erfitt fyrir þau að
sjá að ég væri ekki hamingjusamur og að
ég væri svona leitandi.“
* Það er mikil-vægt að hlustaá hið innra og leita
að því sem gefur
manni lífskraft og
hamingju og halda
áfram á þeirri braut.
Maður á alltaf að
vera við stjórnvölinn
í sínu eigin lífi.
Í læknabúningnum á
sjúkrahúsinu.
Jens hefur lokið sér-
námi í háls-, nef- og
eyrnalækningum.