Tímarit hjúkrunarfræðinga - 01.02.2011, Blaðsíða 28

Tímarit hjúkrunarfræ›inga – 1. tbl. 87. árg. 201124
Heilbrigðis- og tryggingamálaráðuneytið
gaf 2001 út ritið „Heilbrigðisáætlun
til ársins 2010: Langtímamarkmið í
heilbrigðismálum“. Alþingi Íslendinga
tók áætlunina upp á sína arma með
þingsályktun sama ár. Í áætluninni var
farið yfir forgangsverkefni á sjö sviðum og
sett samtals átján markmið um heilbrigði
Íslendinga 2010.
Í heilbrigðisáætluninni var að auki sett
fram 21 markmið á 6 sviðum undir heitinu
meginþættir. Mörg þessara markmiða eru
almenns eðlis og fjalla ekki beint um heilsu
landsmanna. Fyrsta markmiðið var að
Ísland yrði ávallt meðal þeirra fimm þjóða
sem búa við bestu heilbrigðisþjónustu í
heiminum. Ekki verður frekar fjallað um
þessi markmið hér heldur einungis farið
yfir forgangsverkefnin.
Hjúkrunarþing Félags íslenskra hjúkrunar-
fræðinga, sem haldið var í nóvember 2002,
fjallaði um heilbrigðis áætlunina. Yfirskriftin
var „Þáttur hjúkrunarfræðinga til eflingar
heilbrigði“. Ekki var rætt um markmiðin sem
slík heldur um hvað hjúkrunarfræðingar
geta gert til þess að framfylgja þeim og um
leið styrkja stöðu sína í heilbrigðiskerfinu.
Ljóst er að hjúkrunarfræðingar hafa stóru
hlutverki að gegna bæði hvað varðar
að taka þátt í markmiðasetningu og í
því að fræða og leiðbeina sjúklingum og
almenningi um heilsueflingu.
Í heilbrigðisráðuneytinu hefur verið fylgst
með þróun mála og var 2007 gefin út
skýrsla þar sem lagt var mat á árangurinn og
markmiðin endurskoðuð. Sú skýrsla heitir
„Staða og endurskoðun meginmarkmiða
heilbrigðisáætlunar til ársins 2010“. Í
samantekt hér í greininni á bls. 26 eru
Christer Magnusson, christer@hjukrun.is
HEILBRIGÐISÁÆTLUN TIL ÁRSINS 2010 – HVERNIG TÓKST TIL?
Heilbrigðisáætlun til ársins 2010 var samþykkt á Alþingi 20. maí 2001. Nú er
2010 liðið og kominn tími til að meta stöðuna. Tímarit hjúkrunarfræðinga spurði
nokkra sérfræðinga á ýmsum sviðum.