Tölvumál - 01.11.2005, Blaðsíða 3

Tímarit Skýrslutæknifélags Íslands
TÖLVUMÁL
Tölvumál 3
• E • F • N • I •
Faghópur UT-kvenna stofnaður
ÁSRÚN MATTHÍASDÓTTIR 6
Um fjórðu útgáfu Tölvuorðasafns
SIGRÚN HELGADÓTTIR 7
Ísland hefur kjöraðstæður til að vera
þróunarland fyrir upplýsingatækni í
heilbrigðisþjónustu
VIÐTAL VIÐ VALGERÐI GUNNARSDÓTTUR 10
Hver er konan? 12
Minning Jón Zophoníasson
JÓHANN GUNNARSSON
ÓTTAR KJARTANSSON 13
BlackBerry tæknin
GREIPUR GÍSLI SIGURÐSSON 16
Minn Garðabær
GUÐFINNA B. KRISTJÁNSDÓTTIR 19
Tölvusaga Íslands rituð af reynsluboltum
upplýsingatækninnar
VIÐTAL VIÐ JÓHANN GUNNARSSON 22
Engin sérstök fjárveiting til
rafrænnar útgáfu
VIÐTAL VIÐ HILDIGUNNI HALLDÓRSDÓTTUR 24
Samþætting upplýsingakerfa
BJARNI BIRGISSON 26
EVE Online
HILMAR V. PÉTURSSON 30
EMCO með 3000 viðskiptavini í
70 löndum
VIÐTAL VIÐ ÞÓRARINN ÓSKARSSON 36
Betri staða sprotafyrirtækja í
hugbúnaðarþróun
VIÐTAL VIÐ JÓN HELGA EGILSSON 39
GoPro á alþjóðamarkaði
ÁKI G. KARLSSON 41
Öflug útrás TM Software á heil-
brigðissviði í Evrópu
AXEL ÓMARSSON 44
IISSN-NÚMER:I
1021-724X
Eftir að hafa umgengist tölvur í næstum þrjá áratugi þarf nokkuð
sterkan skammt til að maður verði gáttaður. Það gerðist þó þegar
forritið Google Earth var sett í gang í fyrsta sinn. Google Earth er
enn eitt útspilið frá þessu hraðskreiða fyrirtæki og er þannig að
maður getur farið þvert og endilangt um heiminn og virt fyrir sér
með gervihnattaljósmyndum, valið sjónarhorn og hækkað og lækk-
að flugið og margt fleira. Það er bara smá ræma af Reykjanesi og
Borgarfirði komin í mynd en þar sem ég er kunnugur fyrir vestan er
alveg makalaust að geta „flogið” lágt yfir sveitavegunum sem mað-
ur keyrir venjulega og fundið slóða og staði sem maður þekkti ekki.
Það má rétt ímynda sér gagnsemi tækninnar þegar hægt verður að
„keyra” eftir fjallvegum og skipuleggja ferðalög með aðstoð raun-
verulegra loftmynda. Alveg lygilegt.
Annars má segja að þegar upp verður staðið verður hægt að
kalla 2005 Ár myndarinnar því fyrir utan Google Earth er fjölda-
margt í deiglunni sem undirstrikar þær miklu breytingar sem eru að
verða í myndrænni miðlun og úrvinnslu. Í upplýsingatækninni er
myndmiðlun beitt í meira mæli en áður og er það að þakka aukinni
bandbreidd sem almenningi býðst og betri kótunartækni til að
minnka umfang efnisins án þess að ganga á gæði. Gott dæmi þar
um eru fyrirlestrar í fjarnámi sem ganga langt til að vega upp fjar-
lægð milli nemenda og kennara. Ekki þarf að fjölyrða um spreng-
inguna í notkun stafrænna myndavéla og móttaka á stafrænu sjón-
varpi í símum er alveg á næsta leyti.
Eftirlitsmyndavélar eru einnig stöðugt í umræðunni og atburðirnir
í London í sumar sýndu hvernig þéttriðið net þeirra er notað til að
finna glæpamenn, og með ólíkindum að það skuli ekki hafa tekið
lengri tími en raun var á í svona stórri borg.
Fyrstu þreifingar hér á landi í myndveitum eða „video-on-dem-
and” gefa tóninn um það sem koma skal og þó eitthvað sé litið á
slíka tækni sem þróun frá myndbandaleigunum er þetta þó annað
og meira þar sem tæknin getur bæði komið lagi á það sem ekki
virkar í dag en líka opnað fyrir alveg nýjar leiðir í að dreifa og að
nálgast jaðarefni, og þá ekki bara staðbundið heldur á landsvísu
eða þvert um heiminn. Sumar myndabandaleigur landsins eru stórar
og hýsa þúsundir titla en efnið er flokkað að því er virðist tilviljana-
kennt og viðskiptavinir hafa bara óbeinan aðgang að gagnagrunn-
um leiganna. Semsagt, nánast glundroði og óhjákvæmilega margt
sem fer forgörðum. Ef allt þetta efni væri sett á stafrænt form mætti
halda utan það með viðamiklum gagnagrunni og nota gervigreind
sem styddi við val viðskiptavinarins. Líklega má skírskota til notenda-
skilanna í iTunes frá Apple, sem sýnir hvað má gera til að leita að
og sækja tónlist og hvernig Gegnir er notaður við skipulag og leit í
öllum bókasöfnum en einnig til þess sem Amazon gerir, sem er að
koma með uppástungur um efni sem er í ætt við það sem hefur ver-
ið keypt eða leitað eftir. Til að nefna dæmi mætti hugsa sér að sá
sem myndi leigja „Titanic” fengi uppástungu um að kíkja á „A night
to remember” eða „Raise the Titanic”, hvort tveggja áhugaverðar
myndir sem fjalla um skipið. Sá sem beinlínis vissi ekki fyrirfram um
þessar myndir myndi ekki finna þær með núverandi fyrirkomulagi,
sem er að fletta endalaust í kössum. Kannski að stóri þröskuldurinn
núna séu höfundarréttarmál en ef þau eru tryggð ætti leiðin að vera
greið inn í framtíðina.
Einar H. Reynis