Tölvumál - 01.11.2005, Blaðsíða 27

Samþætting
Tölvumál 27
Kröfur til samþættingar
verða lykilatriði í upp-
byggingu upplýsinga-
kerfa.
Samþætting — hluti af markvissri stefnu
og sýn
Þessi þróun yfir í sífellt fjölbreyttari og sér-
tækari kerfi hefur líka vandamál í för með
sér. Tengja þarf ný kerfi við þau sem fyrir
eru, viðmót kerfanna er mismunandi, forð-
ast þarf margskráningu upplýsinga, rekstrar-
umhverfi verður ekki lengur einsleitt o.s.frv.
Aukin þörf er á að samþætta lausnir við þær
sem fyrir eru án þess að það kalli á um-
fangsmiklar breytingar allra þeirra kerfa
sem tengja þarf saman. Kröfur til samþætt-
ingar verða lykilatriði í uppbyggingu upp-
lýsingakerfa og forsenda fyrir því að hægt
sé að ná árangri með samtengingu sértækra
lausna.
Flestir stjórnendur í upplýsingatækni eru
farnir að gera kröfu til þess að samþætting-
arbúnaður sé hluti af stöðluðu rekstrarum-
hverfi þeirra og jafn sjálfsagður hlutur og
vel skilgreint netumhverfi eða miðlægir
gagnagrunnar.
Samþætting er í sjálfu sér ekkert nýtt í
upplýsingatækni. Flest kerfi tengjast með
einum eða öðrum hætti öðrum kerfum, oft-
ast með rafrænum hætti s.s. skráaflutningi.
Oft er ráðist í slík verkefni af meira kappi
en forsjá og hlutunum reddað með þeim
verkfærum og tækni sem hendi eru næst
hverju sinni en án þess að gaumur sé gefinn
að heildarsýn eða einhverskonar stefnumót-
un í þessum málum. Niðurstaðan er oftar en
ekki illa skilgreind smáforrit, tól og tæki
sem hafa mismunandi uppruna og eru ekki
vel sýnileg í rekstrarumhverfi fyrirtækja.
„Spaghetti“ er orð sem oft er notað til að
lýsa þess konar ástandi. Mynd 1 lýsir
dæmigerðum tengingum milli mismunandi
kerfa.
En hvað er til ráða? Er hægt að tengja
upplýsingakerfi saman með stöðluðum vel
skilgreindum aðferðum. Skoðum skylt
dæmi: Öll þekkjum við gagnabrautir í nú-
tíma tölvum. Gagnabrautir gera okkur
kleift að stinga mismunandi spjöldum í
samband og um leið eru þau tengd öðrum
einingum tölvunnar. Samþætting er ekki
vandamál. Við getum keypt spjöld og íhluti
frá mismunandi framleiðendum án þess að
hafa miklar áhyggur af því hvort viðkom-
andi framleiðandi hafi samþætt vörur sínar
við tölvuna okkar.
Samþætting upplýsingakerfa er í dag
leyst á svipaðan hátt. Með því að skilgreina
gagnabraut innan fyrirtækisins má tengja
upplýsingakerfi saman þannig að einungis
þurfi að tengja hvert kerfi einu sinni við
brautina til að koma á tengingu við önnur
kerfi. Tenging kerfanna við samþættingar-
brautina er framkvæmd með s.k. tengli (e.
Adapter). Tengillinn er eining sem er smíð-
uð fyrir hvert kerfi og gerir því kleift að
skiptast á gögnum við önnur kerfi sem
tengd eru brautinni. Sjá mynd 2.
Mynd 1 lýsir dæmigerðum tengingum milli mismunandi kerfa.