Tölvumál - 01.11.2005, Blaðsíða 30

Tölvuleikir
EVE Online
Tölvuleikjafyrirtækið CCP hefur unnið að framleiðslu, rekstri og markaðsetningu
fjölnotendatölvuleiksins EVE. Vinna að undirbúningi leiksins hefur staðið yfir frá
1997, framleiðsla hófst í byrjun árs 2000 og leikurinn kom svo út í maí 2003.
Hilmar V. Pétursson
30 Tölvumál
EVE tilheyrir nýjum hópi svokall-aðra fjölþátttökuleikja sem spilasteingöngu á Netinu og fólk borgar
áskrift til þess að vera með. Í þessum hópi
eru tveir aðrir leikir hvað atkvæðamestir á
Vesturlöndum: World of Warcraft og
EverQuest II. EVE Online er áttundi
stærsti leikurinn á Vesturlöndum með tæp-
lega 80.000 áskrifendur og fer vaxandi.
Það sem aðgreinir þessa tegund leikja frá
öðrum leikjum sem spilaðir eru á Netinu
(svo sem Quake III Arena, Counter-Strike,
WarCraft3) og veftölvuleikjum, er að spil-
arinn borgar gjald mánaðarlega til þess
sem rekur leikinn. Í stað þess sér sá sem
rekur leikinn til þess að leikjapersóna leik-
mannsins sé alltaf til og að heiminum sé
viðhaldið. Þetta form hefur náð töluverð-
um vinsældum og má ætla að um
4.000.000 manns samanlagt séu áskrifend-
ur að slíkum leikjum á Vesturlöndum.
Ástæðan fyrir því að Vesturlönd eru nefnd
sérstaklega er vegna þess að mikill munur
eru á vestrænum leikjum og asískum leikj-
um. Asíski leikjamarkaðurinn er um það
bil tíu sinnum stærri en sá á Vesturlönd-
um. CCP hyggur meðal annars á útrás til
Asíu sökum þessa.
Sögusviðið
Sögusvið EVE er framtíðin. Eftir nokkur
hundruð ár frá okkar tíma finna menn
ormagöng nálægt okkar sólkerfi.
Nokkrum áratugum seinna tekst að senda
sérhannað geimskip í gegnum göngin. Til
að gefa venjulegum skipum tækifæri á að
ferðast til hins nýja heims var hafist handa
við að reisa gríðarlegt stökkhlið (e. jump-
gate) sem tengdi saman nýja og gamla
heiminn. Hliðið hlaut nafnið EVE og nýi
heimurinn var yfirleitt kallaður EVE-
heimurinn.
Skyndilega, að því er virtist af engu til-
efni, lokaðist EVE-hliðið aðeins nokkrum
áratugum eftir að það var tekið í notkun.
Þúsundir nýlenda í nýja heiminum misstu
öll tengsl við gamla heiminn. Þar sem ný-
lendurnar voru háðar nauðsynjum frá