Tölvumál - 01.11.2005, Síða 35

Tölvuleikir
Tölvumál 35
að verkum að hægt er að ná fram mikilli
hraðaaukningu á þrívíddarhröðlum sem
hafa innbyggða vörpun og lýsingu (e.
hardware T&L). Hægt er að geyma form
hluta á kortinu sjálfu og því þarf ekki að
senda alla þríhyrninga senunnar yfir stýri-
brautir tölvunnar fyrir hvern ramma. Þetta
þarf yfirleitt að gera ef notuð eru form
sem krefjast þess að lögun breytist, nema
nýtt sé vélbúnaðarþríhyrningablöndun
sem er til staðar á sumum kortum. Hlutir í
geimnum eru hins vegar þess eðlis að ekki
er nauðsynlegt að beita þríhyrningablönd-
un og því ákvað CCP að nýta sér þennan
möguleika til hraðaaukningar.
Þrívíddarvél CCP er skrifuð ofan á
Direct3D. Direct3D var valið fram yfir
OpenGL sökum þess að frá og með
DirectX 8.0 er mun auðveldara að halda
utan um form hluta sem geymdir eru á
kortinu sjálfu en OpenGL býður upp á.
OpenGL býður að vísu upp á svipaða
möguleika með því að ákveðnir korta-
framleiðendur hafa útfært útvíkkanir á
OpenGL sem bæta þessum möguleika við.
Þessi möguleiki ásamt öðrum nýjungum í
Direct3D og þeirri staðreynd að EVE
kemur aðeins út fyrir tölvur búnar
Microsoft-stýrikerfum leiddi til þess að
Direct3D varð fyrir valinu.
Mikill áhugi var einnig á því innan CCP
að hafa þrívíddarvélina sem aðgengileg-
asta úr Python. Með því að gera þrívíddar-
vélina aðgengilega hafa listamenn CCP
fengið í hendurnar tól sem gefur þeim
möguleika á að prófa ýmsar aðferðir til að
ná fram grafískum sjónhverfingum án
þess að þurfa að hafa forritara sér við hlið.
Þetta hefur leitt til þess að margar grafísk-
ar sjónhverfingar sem notaðar eru í EVE
eru gerðar með aðferðum sem forriturum
hefði ekki dottið í hug að nota sökum þess
hve óhefðbundnar þær eru. Þetta leiðir oft
til þess að tekst að gera mjög áhrifaríka
hluti á mun ódýrari hátt (útreikningslega
séð) en gert hefur verið hingað til.
Framundan
EVE Online er í dag með um 80.000
áskrifendur og hefur verið í stöðugum
vexti frá því að leikurinn kom út í maí
2003. CCP hyggur nú á útrás til Asíu með
EVE enda er þar langstærsti markaðurinn
fyrir fjöldaþáttökuleiki. Jafnframt þessu
standa yfir stöðugar endurbætur á leikn-
um, þar sem að CCP lítur meira á EVE
sem þjónustu en vöru og því mikilvægt að
vera stöðugt að efla þjónustuna.
Hjá CCP starfa nú nær 60 manns og auk
þess eru um 20 stöðugildi hjá Símanum,
aðal samstarfsaðila CCP, sem að vinna
eingöngu við rekstur og þjónustu EVE.
Hillmar V. Pétursson er
framkvæmdastjóri CCP hf.