Tölvumál - 01.11.2005, Blaðsíða 14

Minningarorð
14 Tölvumál
var hann vanur að segja þegar ný úrlausn-
arefni voru borin upp. Skörp greind, yfir-
vegun og rökfesta gerðu hann að þeim
yfirburða starfsmanni sem hann var. Fum-
laus tök á verkefnum, nákvæm greining á
eðli þeirra og tilgangi og skapandi hugsun
einkenndu verk hans og gerðu honum
kleift að standa við kjörorð sín.
Jón var einstakur maður í viðkynningu
og samskiptum, viðmótið vingjarnlegt og
hlýtt og grunnt á græskulausu skopskyni.
Aldrei sást á honum reiði og samferða-
menn telja að neikvæðar tilfinningar hafi
verið honum framandi. Hann hélt þó fast
á sínum málum og sló ekki af þegar fagleg
sjónarmið áttu í hlut. Jón var sannkallaður
uppfræðari. Margar kynslóðir fagmanna á
hans sviði nutu leiðsagnar hans og allt
fram á síðasta starfsdag mátti sjá arftaka í
starfi sitja við fótskör hans og bergja á
brunni þekkingar og reynslu.
Hann var einnig ötull liðsmaður í fé-
lagsstarfi starfsmanna og með sínu yfir-
vegaða fasi vinsæll og hrókur fagnaðar á
góðri stundu. Hann var félagi í Skýrslu-
tæknifélaginu frá stofnun þess til dauða-
dags.
Snemma árs 2004 stóðu nokkrir „öld-
ungar“, þ.e. menn og konur sem starfað
höfðu 25 ár eða lengur á sviði upplýsinga-
tækni, að stofnun faghóps innan vébanda
Skýrslutæknifélags Íslands. Faghópurinn
nefnist öldungadeild og honum stýrir
þriggja manna öldungaráð. Á verksviði
hópsins er meðal annars varðveisla sögu-
legra tækja, gagna og heimilda og að skrá
sögu upplýsingatækni á Íslandi. Í ljós
kom að Jón og annar þeirra er hér rita
(ÓK) voru elstu öldungarnir í hópnum -
höfðu báðir starfað í faginu í liðlega hálfa
öld. Í þessum félagsskap hafði Jón margt
til mála að leggja og þar er nærveru hans
nú saknað - það var svo margt sem átti að
koma í verk. En „öldungarnir“ varðveita
minningu um góðan dreng og félaga.
Jón fæddist í Vestmannaeyjum 15. sept-
ember 1925. Hann lést á gjörgæsludeild
Landspítalans við Hringbraut 16. október
2005. Foreldrar hans voru Zophonías
Jónsson, skrifstofumaður í Reykjavík, f.
18. mars 1897 og Anna Theodórsdóttir,
húsmóðir, f. 29. apríl 1899.
Á unglingsárum vann Jón sem sendill
hjá KRON og stundaði nám í kvöldskóla
KFUM. Sextán ára gamall veiktist hann
af berklum og dvaldist næstu 5 ár á Vífils-
stöðum, Akureyrarspítala og á Reykja-
lundi. Árið 1946 hóf hann nám við Sam-
vinnuskólann og útskrifaðist þaðan 1948.
Jón hóf störf á Skattstofu Reykjavíkur
1947.
Jón kvæntist 12. desember 1957 Heiði
Gestsdóttur teiknikennara, f. 8. maí 1930.
Sonur þeirra er dr. Zophonías Oddur, sam-
eindalíffræðingur. Fósturdætur Jóns og
Heiðar eru Elín Þorgerður Ólafsdóttir
læknir og Jóna Ólafsdóttir hjúkrunarfræð-
ingur. Þrátt fyrir langa starfsæfi og oftar
en ekki langan vinnudag var hann ávallt
reiðubúinn að rétta sínum nánustu hjálpar-
hönd, hvort heldur var við lærdóm eða
handverk af ýmsum toga.
Við viljum votta minningu Jóns Zoph-
oníassonar virðingu og þakka þann drjúga
þátt sem hann átti í þróun upplýsingasam-
félagsins á Íslandi.
Jóhann Gunnarsson
Óttar Kjartansson