Morgunblaðið - 12.09.2015, Blaðsíða 14

14
MORGUNBLAÐIÐ LAUGARDAGUR 12. SEPTEMBER 2015
Bændasamtök Íslands, Búnaðarstofa, auglýsir eftir umsækjendum um stuðning til söfnunar ullar.
Er þetta gert samkvæmt 3. gr. verklagsreglna um ráðstöfun fjár vegna ullarnýtingar í VIÐAUKA I
í reglugerð nr. 1100/2014 (verklagsreglur um ráðstöfun fjár vegna ullarnýtingar).
Umsóknarfrestur er til 25. september næstkomandi.
Nánari upplýsingar veitir Búnaðarstofa í síma 563 0300 og á gss@bondi.is
Stuðningur
til söfnunar ullar
- auglýst eftir umsækjendum
„Lömbin eru þokkalega góð, betri
en í fyrra,“ segir Steinar Hall-
dórsson, bóndi í Auðsholti í Hruna-
mannahreppi og fjallkóngur
Hrunamanna. Réttað var í Hruna-
rétt í gær. Bjarni Valur Guð-
mundsson, bóndi í Skipholti 3,
hafði svipaða sýn á málið: „Þau eru
ekki lakari en í fyrra en meiri
breidd.“
Lömbin voru ekkert sérstaklega
væn á Suðurlandi í fyrrahaust
enda erfitt tíðarfar. Nú var vorið
kalt og blautt. Bjarni telur að það
sé skýringin á því hversu misjöfn
lömbin eru, mörg þrælvæn en rusl
með. „Ég tel að það sé vegna þess
hvernig menn höndluðu erfiðleik-
ana í vor. Það hafði því áhrif hvað
menn áttu af fóðri og hvað þeir
gerðu vel við féð í vor,“ segir
hann.
Hugsa betur um féð
Steinar segir það vera vegna
þess hversu seint menn gátu sett út
lambféð í vor. „Menn hugsa betur
um féð ef vorið er vont. Við sjáum
árangurinn af því núna.“
Féð hefur verið í nýgræðingi í
allt sumar. Steinar segir að snjór-
inn hafi farið seint og gróðurinn
komið undan eins og græn tún.
Steinar og Bjarni Valur voru í
miklum önnum með sínu fólki að
draga fé í dilka. Báðir eiga von á
mörg hundruð hausum í réttunum.
Réttastörfin voru komin vel af
stað, þegar þeir gáfu sér tíma til
að ræða við blaðamann. Steinar
sagðist þó hættur að draga sjálfur,
hann nýttist betur við að standa í
hliðinu á Auðsholtsdilknum til að
lesa á mörkin og tryggja að þang-
að fari einungis fé sem þangað á
að fara.
Steinar telur að vel hafi smalast.
Þó megi búast við að ívið meira
hafi orðið eftir en í fyrra. „Það var
10-14 stiga hiti á hálendinu og féð
er uppi um öll fjöll. Fénu líkar vel
að vera þarna og vill síður heim.“
Nefnir hann sem dæmi að uppi á
fjalli þar sem venjulega eru 20
kindur hafi nú verið 80.
Steinar og Bjarni Valur telja að
heldur færra fé sé í Hrunaréttum
en undanfarin ár. Bændur hafi
haldið fleiri kindum heima vegna
tíðarfarsins í vor. Steinar á von á
fækkun á næstu árum. „Það eru
alltaf sveiflur í þessu. Mér heyrist
að margir ætli að hætta eða fækka
við sig vegna tíðarfarsins í vor.“
Eggert Jóhannesson, ljósmynd-
ari Morgunblaðsins, fór í Hruna-
réttir og Skaftholtsréttir í Gnúp-
verjahreppi og fangaði mannlíf og
réttastörf með ljósmyndavélina að
vopni. helgi@mbl.is
Lömbin heldur
betri en í fyrra
Fjölskrúðugt mannlíf í réttum á Suðurlandi