Skólavarðan - 01.05.2007, Síða 5

5
SKÓLAVARÐAN 4.TBL. 7. ÁRG. 2007
GESTASKRIF
Í apríl var mér, sem mannréttindafræð-
ingi og framkvæmdastjóra Mannrétt-
indaskrifstofu Íslands, boðið að taka
þátt í ráðstefnu í Doha í Katar. Fyrir þá
sem eru ekki sleipir í landafræði er Katar
lítið land á Arabíuskaga í Persaflóa.
Landið er eitt það ríkasta í heimi, íbúar
þess eru um sjö hundruð þúsund en
þar af eiga aðeins hundrað og fimmtíu
þúsund ættir sínar að rekja til Katar.
Ráðstefnan fjallaði um mannréttindi barna
með fötlun og var haldin af Shafallah
skólanum í Doha. Þetta er í annað sinn
sem skólinn stendur fyrir þingi af þessu
tagi en viðfangsefnið í ár var að ræða
hvernig nota má fjölmiðla til að berjast
gegn fordómum í garð fólks með fötlun.
Ráðstefnuna sóttu sérfræðingar, kennarar,
fjölmiðlafólk og mannréttindafrömuðir
alls staðar að úr heiminum og var hún afar
áhugaverð.
Skólinn sjálfur, Shafallah skólinn, er þó
enn áhugaverðari.
Shafallah skólinn var stofnsettur fyrir
um tíu árum en flutti í fyrra í nýtt húsnæði
í útjaðri höfuðborgarinnar Doha. Verndari
skólans og einn stofnenda er hennar
hátign Sheika Mozah Bint Nasser Bin
Abdullah Al-Missned, félagsfræðingur og
þriðja eiginkona emírsins af Katar. Hún
er formaður fjölskyldumálaráðs Katar
og sendifulltrúi UNESCO á vettvangi
menntunar. Hún hefur beitt sér fyrir
réttindum kvenna og barna í Katar og
unnið mikið og merkt starf í þágu barna
með sérþarfir.
Shafallah skólinn dregur nafn sitt af
eyðimerkurblómi sem ber sérstök, smágerð
hvít og bleik blóm en nafnið á að gefa
til kynna að nemendur skólans eru allir
einstakir og geta blómstrað hver á sinn
hátt. Skólinn veitir börnum og ungmennum
með sérþarfir, á aldrinum 3-21 árs, og
fjölskyldum þeirra heildstæða þjónustu.
Hann vinnur einnig gegn fordómum
og reynir að stuðla að umburðarlyndi
í Katar með fræðslu um réttindi og
málefni fólks með fötlun. Skólinn starfar
á grundvelli fimm meginmarkmiða: 1) að
tryggja börnum með sérþarfir menntun,
þjálfun, endurhæfingu og félagsstarf, 2)
að veita fjölskyldum barna með sérþarfir
félagsráðgjöf og sálfræðiþjónustu, 3)
að veita fræðslu úti í samfélaginu til að
auka skilning á eðli fötlunar og koma í
veg fyrir fordóma, 4) að þjálfa starfsfólk
annarra stofnana og auka þekkingu í
fötlunarfræðum í Katar, og 5) að vera
stjórnvöldum til ráðgjafar þegar unnið
er að stefnumótun er tengist málefnum
barna með sérþarfir.
Starfsfólk skólans kemur alls staðar að
úr heiminum og úr fjölda greina, m.a.
sálfræðingur frá Bandaríkjunum, tónlistar-
þerapisti frá Hollandi, þroskaþjálfi frá
Íran og almennir kennarar frá fjölda
Arabalanda. Starfsfólkið sér börnunum
fyrir menntun sem skipulögð er út frá
þörfum og getu hvers og eins þeirra.
Sum barnanna eru í endurhæfingu, öll
fá þjónustu geðlækna, sálfræðinga og
félagsráðgjafa, skólinn býður t.d. upp
á greindarmat og atferlisgreiningu
en einnig er þar að finna fullkomna
rannsóknastofu á sviði genarannsókna. Í
skólanum er alltaf barnalæknir á vakt, þar
fer fram tónlistarmeðferð, ýmsar íþróttir
eru stundaðar og börnin fá sérstaka
þjálfun sem er ætlað að tryggja þeim eins
mikið sjálfstæði og unnt er þegar þau
Shafallah skólinn
í Doha í Katar
Shafallah skólinn dregur nafn sitt af eyðimerkurblómi sem
ber sérstök, smágerð hvít og bleik blóm en nafnið á að gefa
til kynna að nemendur skólans eru allir einstakir og geta
blómstrað hver á sinn hátt.
Guðrún D. Guðmundsdóttir L
jó
sm
y
n
d
ir
f
rá
h
ö
fu
n
d
i