Skólavarðan - 01.05.2007, Blaðsíða 13

13
ÍSLENSK MENNTUN, MENNTASTEFNA OG -FRAMKVÆMD 2.GREIN
SKÓLAVARÐAN 4.TBL. 7. ÁRG. 2007
Leikskólinn hefur jákvæða ímynd í
samfélaginu að undanskilinni óánægju
foreldra þegar biðlistar myndast eða
loka þarf deildum og senda nemendur
heim vegna mannfæðar. Slík staða
hefur ítrekað komið upp í tengslum við
hina svokölluðu þenslu og meðfylgjandi
erfiðleika í starfsmannahaldi Staða
leikskólans er þó í heildina sterk og
kennslan stendur styrkum fótum á
grunni samþættingar námsviða, leiks,
skapandi starfs og daglegra athafna sem
megininntaks náms og námsumhverfis.
Að mati margra kennara er engu að síður
þörf á að endurskilgreina skóladaginn
með tilliti til breyttra aðstæðna. Inn í þá
endurskilgreiningu fléttast margir þættir,
svo sem skilgreining á grunntíma, gjaldtaka,
lögverndun starfsheitis og starfsréttinda
leikskólakennara, hækkun launa og aukið
samstarf við foreldra. Björg Bjarnadóttir
formaður FL (Félags leikskólakennara) og
Þröstur Brynjarsson varaformaður, ásamt
öðrum í stjórn FL, eru um þessar mundir
í fundaherferð um landið þar sem þessi
mál eru rædd við kennara. Fundirnir eru
haldnir undir heitinu Frá gæslu til skóla -
hvernig skóla? en þar er vísað að hluta til
samnefndrar bókar Jóns Torfa Jónassonar
um tilurð, þróun og sögu leikskóla á
Íslandi og ríkjandi hugmyndir í íslenskri
leikskólamenntun.
Sex klukkustunda leikskóli?
„Á fundunum ræðum við um skilgreiningu
leikskóladagsins,“ segir Björg. „Í forgrunni
er þessi spurning: Eigum við að segja,
ákveða og framkvæma þá hugsun að í
leikskólum fari fram skipulögð kennsla
eða fræðsla í sex klukkustundir á dag og
hún sé gjaldfrjáls? Það kemur fram hjá
kennurum að þeir telja sex stundir þurfa
til að framfylgja námskrármarkmiðum
og þetta er í samræmi við stefnu Félags
leikskólakennara um sex klst. gjaldfrjálsan
leikskóla. Þá þarf að skilgreina þann
tíma sem út af stendur. Er um að ræða
skipulagða kennslu/fræðslu allan daginn
eða annars konar starf?“ Björg og Þröstur
leggja áherslu á að umræðan eigi að kalla
fram skoðanir félagsmanna til að móta
framtíðarsýn í skólastefnu FL. Tillögur
verða samdar í kjölfar fundanna og lagðar
fyrir aðalfund á næsta ári.
Að sögn Þrastar er mjög brýnt að hafa
skýra stefnu um gjaldtöku og skilgreiningu
skóladagsins, þ.e. að samfélagið komi sér
saman um hvað sé æskilegur lágmarkstími
sem eigi að vera gjaldfrír og hvernig eigi
að verðleggja það sem umfram er. „Á
fundunum hefur meðal annars komið
fram að þegar boðið er upp á gjaldfrjálsan
leikskóla hluta dagsins sækja foreldrar
um lengri viðveru. Þar sem boðið er upp
á fimm gjaldfrjálsar stundir fyrir elstu
nemendur sækja foreldrar, sem áður voru
með börn sín í leikskóla þennan tíma,
um átta klukkutíma. Þar sem leikskólinn
er gjaldfrjáls allan daginn, eða í átta
klukkustundir eru foreldrar í einhverjum
tilfellum farnir að sækja um níu tíma
daglega skóladvöl að sögn kennara.
Hugmyndin um afnám eða lækkun
leikskólagjalda var ekki sett fram í þeim
tilgangi að lengja leikskóladag barnanna,“
segir Þröstur.
Meirihluti kennara vinnur við
kennslu fyrri hluta dags
„Það eru tvær sögulegar skýringar á því
að umræðan um þörfina á skilgrein-
HVER ER VANDINN?
• Mikill kennaraskortur.
• Of lítið rými fyrir nemendur og
kennara.
• Of löng viðvera nemenda með
þegjandi samkomulagi stjórnvalda,
atvinnurekenda og samfélagsins í
heild.
• Vinnuaðstaða er víða slæm.
• Síðustu klukkustundir skóladagsins eru
í mörgum tilfellum án kennara en ekki
skilgreindar sérstaklega.
• Of lítið og illa skilgreint samstarf
við önnur skólastig o.fl. aðila utan
leikskólans.
• Of lítil þátttaka og áhrif foreldra.
• Rýr tækifæri kennara til að stunda
rannsóknir og/eða nám sem miðar að
skólaumbótum.
• Of lítil umræða um inntak, fram-
kvæmd og gildi leikskólastarfs í
samfélaginu.
Hver er staða leikskólans
í samfélaginu?
Vandi og verkefni leikskólans
Ræða þarf í fullri alvöru við aðila vinnumarkaðarins, sveitarfélögin
og framkvæmdavaldið um að gera foreldrum kleift að vera
meira með börnum sínum. Inntak menntunar og skilgreiningu
skólastarfs þurfum við að ræða sem hluta af allri stefnumótun og
framkvæmd.
Lj
ó
sm
y
n
d
ir
:
k
e
g