Skólavarðan - 01.02.2008, Blaðsíða 4

4
LEIÐARI
Forsíðumynd: Forsíðan er tekin í Laufásborg á Öskudaginn.
Auglýsingar: Stella Kristinsdóttir
stella@ki.is / sími 595 1142 eða 867-8959
Prentun: Svansprent
Skólavarðan, s. 595 1120 (Kristín)
Laufásvegi 81, 101 Reykjavík
EFNISYFIRLIT
Formannspistill: Á ári nýrrar lagasetningar um menntamál
og nýrra kjarasamninga 3
Leiðari: Kennarar gerist Kínverjar 4
Gestaskrif: Þú ert að verða of seinn í skólann 5
Kjaramál: Yfirvinna stjórnenda 8
KÍ: Þingið að skella á og aðalfundir flestra aðildarfélaga á næsta leyti 10
Bók: Almenningsfræðsla, tilboð til kennara 12
Frétt: Kennarar eiga að fá meiri völd 12
Styrkir: Verkefna- og námsstyrkjasjóðir FG og SÍ 12
Kennaramenntun: Með því stysta sem þekkist í Evrópu 14
Frétt: ASÍ á móti menntun, KÍ fagnar menntafrumvörpum 14
Ráðstefna: Tengsl kennaramenntunar og skólaþróunar 15
Dagur leikskólans: Haldinn hátíðlegur í fyrsta sinn 16
Mannvinur: Morris á Öskudagsráðstefnu í Reykjavík 22
Fyrirlestur: Unglingsárin, tímabil uppgötvana og átaka 24
Fjölmenning: Allir með – nýr fjölmenningarvefur leikskóla 24
Netla: Fimm nýjar greinar 26
Comeníusarverkefni: Friður í gegnum leik og list 26
Námsgögn: Rósa Eggertsdóttir með ný lestrargögn á DVD 28
Smiðshöggið: Eilífðarglíma við tíma 29
Rannsókn: TALIS – auðveld og eftirsóknarverð 30
Ritstjóri: Kristín Elfa Guðnadóttir kristin@ki.is
Ábyrgðarmaður: Eiríkur Jónsson eirikur@ki.is
Umsjónarmaður félagatals: Sigríður Sveinsdóttir
sigridur@ki.is / sími 595 1115
Hönnun: Zetor ehf.
Ljósmyndir: Jón Svavarsson, nema annars sé getið
Kristín Elfa Guðnadóttir
Lj
ós
m
yn
d
:
K
ri
st
já
n
Va
ld
im
ar
ss
on
SKÓLAVARÐAN 1.TBL. 8. ÁRG. 2008
kennari • skólaliði • aðstoðarleikskólastjóri • forvarnafulltrúi • matráður
• deildarstjóri • mamma • skólastjóri • námsráðgjafi • leiðbeinandi •
fagstjóri • stuðningsfulltrúi • fjármálastjóri • félagslífsfulltrúi • skólaritari •
yfirþroskaþjálfi • nemandi • pabbi • yfirmaður mötuneytis • fjarvistafulltrúi
• áfangastjóri • gangavörður • vefstjóri • starfsmaður • leikskólastjóri
• húsvörður • netstjóri • sérkennari • fulltrúi • hjúkrunarfræðingur •
listmeðferðarfræðingur • afi • skólasálfræðingur • tölvuumsjónarmaður
• þjónustuliði • amma • aðstoðarskólastjóri • leikskólaliði • gæðastjóri
• sérkennslustjóri • skólameistari • afleysing • aðstoðarskólameistari •
danskennari • bókasafnsfræðingur • þjónustuliði • skrifstofustjóri
Ísland er fjölmenningarsamfélag. Hér býr fólk frá mörgum löndum,
vonandi sem oftast í sátt og samlyndi. En fólk býr þó ekki beinlínis
saman heldur í aðskildum hópum. Ef til vill er fjölmenning samtímans
í besta falli fólgin í afskiptaleysi. Allir hafa mikið að gera og nóg með
sig, við höfum ekki tíma til að kynnast.
Í morgun hitti ég fjögur börn, tvo stráka og tvær stelpur. Stelpurnar
eru að tefla og strákarnir að fylgjast með skákinni. Þau eru sjö, átta
og tíu ára þessi börn. Þau tala íslensku hvert við annað og strákarnir
gefa stelpunum stöku sinnum ráð um næsta leik. Allt í mesta bróðerni.
Þegar ég fer að spjalla við þau kemst ég að því að eitt barnanna er
frá Marokkó og hin þrjú frá Póllandi. Krakkarnir eru komnir í skólann
um klukkustund áður en hann hefst og hafa þar af leiðandi tíma og
tækifæri til að kynnast. Starfsmenn skóla og frístundaheimilis (sem
er innan veggja skólans) hafa líka tíma til að kynnast. Sem foreldri
í skólanum sýnist mér þó starfsmannahópurinn skiptast í tvennt:
Starfsmenn frístundaheimilis og starfsmenn grunnskóla. Það dylst
ekki stopulum gestum eins og foreldrum að frístundaheimili og skóli
eru aðskildir heimar. Samt búa þeir í sömu byggingu.
Nokkrir starfsmanna eru „go-between“ milli heimanna, túlkar og
milligöngumenn. Þeir eru bæði skólaliðar og frístundaleiðbeinendur
eða vinna á mörkum heimanna, til dæmis í mötuneytinu. Ég hef
heyrt því fleygt að fólk gæti alveg hugsað sér alvöru sambúð en ekki
bara plat. Mjög ung börn leika sér hlið við hlið, hvert í sínu. Þegar
þau eldast og þroskast leika þau sér saman í raun og veru, með allri
þeirri angist og gleði sem því fylgir.
Starfsmenn frístundaheimilisins og skólans sem um getur eru
mikið ágætis fólk; gott, skynsamt og skemmtilegt. En hóparnir
tveir umgangast ekki mikið. Við búum ekki á Gaza svæðinu en mér
skilst að víða á kennarastofum séu líka dregnar línur sem sjaldan er
klofað yfir. Margir hafa orðið til að benda á vaxandi stéttskiptingu í
samfélaginu. Hennar gætir líka í skólasamfélaginu, bæði í nemenda-
og starfsmannahópum. Ísland er ekki bara fjölmenningarsamfélag,
það er líka fjölstéttasamfélag.
Samfélagið er ekki fyrir gamlingja
Hvert er ég að fara með þessu? Einfaldlega það að ef við ætlum
að efla skóla og menntun, bæta hag nemenda, kennara og foreldra
og stuðla að góðum samskiptum í umhverfi okkar verðum við að
byrja á okkur sjálfum. Heimurinn er flókinn og „no country for old
men“ (heiti á nýjustu bíómynd Cohen bræðra) og eiginlega ekki fyrir
neinn, hvorki ungan né aldraðan, nema við breytum því verulega.
Urgur og surgur milli mannhópa eykst í svona flóknum heimi, að
hluta til vegna þess að þegar lífið er flókið er aðkallandi að fóta sig
og finna sér samastað á einum afmörkuðum bletti, helst þar sem
þeim einum er hleypt inn sem maður skilur. Fimmtán ár eða meira
eru liðin síðan fræðimenn fóru að spá því að flokkadrættir 21. aldar
færu eftir trúarbrögðum: múslímar öðrum megin og kristnir hinum
megin. Þetta hefur síðan sannast en veruleikinn er margfalt flóknari
en nokkurn óraði fyrir. Hverjum datt til dæmis í hug að Kínverjar
myndu „ræna“ Afríku frá evrópsku nýlenduherrunum, þjóðum sem
töldu sig hafa þar tögl og hagldir um alla framtíð hvort heldur væri
í krafti viðskipta eða mannúðar? Það vill bara svo til að Kínverjar
telja sig ekki bundna af þessari sögulegu hefð. Þeir eru í óða önn að
mynda og treysta efnahagsmunabönd við Angólu, Eþíópíu, Zambíu,
Gabon og fleiri lönd.
Ég legg því til að kennarar gerist Kínverjar, myndi nýjar tengingar
rétt eins og taugabrautir verða til á milli heilahvela og gerist
boðberar þess að breyttir tímar bjóði upp á nýja samvinnu. Gerumst
afskiptasöm. Treystum böndin við skólaliða, frístundaráðgjafa,
nemendur, votta jehóva, foreldra, sjoppueigendur, skólastjóra,
ofurbloggara hverfisins og stjúpforeldra og rennum stoðum undir
skólann sem sterkt og mótandi framfaraafl.
Kristín Elfa Guðnadóttir
Kennarar gerist Kínverjar