Skólavarðan - 01.02.2008, Blaðsíða 20

20
SKÓLAVARÐAN 1.TBL. 8. ÁRG. 2008
ungbarnadeildarinnar. Verkefnið fjallar um
opnun ungbarnadeildar í leikskólanum
Stekkjarási í Hafnarfirði. Þær kynntu aðferðir
sem innleiddar hafa verið undanfarna
mánuði og eru í anda leikskólastarfs Reggio
Emilia á Norður-Ítalíu. Þessar aðferðir
leggja grunn að þróun, símenntun og mati.
Þær sögðu frá því hvernig leikskólinn getur
komið til móts við námsþarfir ungra barna.
Hvernig kennarar hafa markvisst nýtt sér
uppeldislega skráningu til að efla sig í starfi
og til að breyta leikskólastarfinu og þróa
það. Í verkefninu voru enn fremur skoðaðar
leiðir til að auka tengsl heimilis og leikskóla
en deildarstjóri heimsækir foreldra og börn
áður en börnin hefja leikskólagöngu sína.
Segja sem oftast já:
Sigríður Jónsdóttir leikskólastjóri í leik-
skólanum Funaborg ræddi um mikilvægi
þess að börn mæti jákvæðni í orði og
æði kennara. Rétt barna að vera fólk sem
hlustað er á og fólk sem hefur áhrif á tilveru
sína og hve mikilvægt er að áhugi barna og
hugmyndir þeirra séu virtar. Hún sagði einnig
frá virkri aðferð sem starfsmenn leikskólans
Funaborgar nýta sér og felst í að segja „já“
í 99% tilfella. Gengið er út frá tvíþættri
notkun jásins. Annar vegar til að vinna eftir
hugmyndafræði leikskólans sem segir að
„..barnið eigi að skapa sína eigin þekkingu
en ekki vera óvirkur viðtakandi...“ og „..að
veita börnunum tækifæri til að velja sér
viðfangsefni og grípa hugmyndir þeirra og
vinna út frá þeim.“ Eins og segir í ársáætlun
Funaborgar 2007-2008. Hins vegar til að
gera samskipti milli barna og fullorðinna
átakaminni þó svo að ekki sé hægt að
uppfylla óskir barnsins. „Má ég keyra bílinn
þinn?“ „Já, þegar þú verður 17 ára“ í stað
„Nei, þú ert of lítill.“ „Já í 99% tilfella“
er eitt af fleiri verkfærum í starfsháttum
Funaborgar sem auðveldar kennurum að
vinna eftir hugmyndafræði leikskólans.
Verkfærin minna eldri kennara á og hjálpa
þeim yngri að tileinka sér vinnubrögð sem
efla gott námsumhverfi barna. Sjá heimasíðu
Funaborgar www.funaborg.is
Ígrundun skráninga með börnum:
Guðrún Alda Harðardóttir dósent við
Háskólann á Akureyri og leikskólaráðgjafi
hjá Reykjavíkurborg hóf fyrirlestur sinn á
innleggi um hinar ýmsu leiðir sem notaðar
eru við uppeldislegar skráningar með
börnum í leikskólastarfi í anda Reggio
Emilia. Hún fjallaði um aðferð skráninga
og ígrundun kennara og barna á þeim.
Eftir innleggið var þátttakendum skipt upp
í litla hópa og þeim gert að bera fram tvær
spurningar um efni sem þau vildu að fjallað
yrði um. Guðrún Alda spann svo fyrirlestur
sinn út frá spurningum hópsins í samvinnu
við þátttakendur í sal þannig að fyrirlesturinn
varð til hér og nú.
Ljós og skuggi:
Kristín Dýrfjörð lektor við Háskólann á Akur-
eyri setti upp vísindasmiðju með margskonar
viðfangsefnum. Meðal þeirra var að leika
sér með fjölbreyttan efnivið á ljósaborði,
nota myndvarpa og „slides“ sýningarvél í
byggingarleiki, sem gefur einnig möguleika
á vinnu með skuggaleikhús, og gera tilraunir
með rafmagn. Þátttakendum bar að nýta
hugmyndaflug sitt til að skapa með aðstoð
ljóss og skugga. Meðal þess sem Kristín
gerði voru ýmsar æfingar með spegla og
gegnsæjan efnivið. Hún byggði draumahallir
og ævintýraheima. Þátttakendur skoðuðu
og veltu fyrir sér ýmsum leiðum sem færar
eru, með slíkan efnivið, í starfi með börnum.
Einnig skoðuðu þátttakendur ýmsar bækur
sem gáfu hugmyndir að vísindasmiðju.
Þátttakendur héldu til síns heima með fulla
skjóður af fróðleik og þekkingu sem á eftir
að nýtast þeim í starfi með börnum. Að mati
undirritaðra var fyrsti skólaþróunardagur
SARE eitt af því skemmtilegra sem við
höfum tekið þátt í. Skipulagningin ein
og sér var gefandi og ögrandi en síðast
en ekki síst þótti okkur frábært að allir
fyrirlesarar í málstofum fyrir hádegið komu
úr hópi kennara sem starfa með börnunum.
Akademísk fræði og vísindi þeirra Guðrúnar
og Kristínar var snilldarblanda við það sem
fyrirlesarar í málstofum morgunsins höfðu
fram að færa.
Vísindasmiðja og ReMida ráðstefna
Dagana 8. og 9. febrúar stóðu Þjónustumið-
stöð Miðborgar og Hlíða og HA leikskólabraut
sameiginlega að vísindasmiðju í anda
Reggio um ljós og skugga við byggingar.
Vísindasmiðjan var fyrir börn jafnt sem
fullorðna og þær Guðrún Alda og Kristín
voru tengiliðir hvorrar stofnunar um sig og
unnu saman að skipulagningu smiðjunnar
og framkvæmd. Byggt var úr fjölbreyttum
efniviði, gagnsæjum og ógagnsæjum,
og gaumur gefinn að því hvernig ljós og
skuggi geta auðgað byggingarleik þar sem
ímyndunaraflið fær notið sín Að lokum viljum
við nefna að kraftmiklu starfi SARE verður
haldið áfram því dagana 27. og 28. maí nk.
halda samtökin ráðstefnu og námskeið í
Reykjavík um ReMidu (skapandi efnisveitu)
fyrir starfsfólk leikskóla. Nánari upplýsingar
er hægt að nálgast á heimasíðu KI, www.
ki.is/?PageID=1517.
Edda Valsdóttir leikskólastjóri í leikskólanum
Fögrubrekku í Kópavogi
Hólmfríður K. Sigmarsdóttir leikskólastjóri í
leikskólanum Marbakka í Kópavogi
Mikilvægi þess að byrja á „já“:
Má ég keyra bílinn þinn ?
Já, þegar þú verður sautján frekar en
Nei, þú er svo lítill
Má ég fá mjólk ?
Já, þegar þú er búin að borða fjóra bita
frekar en Nei, þú er ekki búin að borða
nóg
Barn á auðveldara með að yfirfæra félagsfærni á aðrar aðstæður
þegar það hefur haft tækifæri til að þjálfa hana með jafningjum sem
það er öruggt með. Börn finna til umhyggju og samkenndar með
félögunum, þau verða að mörgu leyti eins og systkini, þau þora að
segja sína skoðun, virða hvert annað og vinna á ágreiningsmálum
sín á milli án aðstoðar fullorðinna.
REGGIO EMILIA
Meðal þess sem Kristín gerði voru ýmsar
æfingar með spegla og gegnsæjan
efnivið. Hún byggði draumahallir og
ævintýraheima. Þátttakendur skoðuðu
og veltu fyrir sér ýmsum leiðum sem
færar eru, með slíkan efnivið, í starfi
með börnum.