Þjóðmál - 01.09.2013, Blaðsíða 15

14 Þjóðmál haust 2013
prósentustigi meira eða minna í sinn hlut .
Framkoma Steingríms J . Sigfússonar í
garð Færeyinga vegna síldveiðanna er enn
eitt dæmið um hve honum voru mislagðar
hendur í samskiptum við aðrar þjóðir .
Annars vegar beygði hann sig í duftið fyrir
Alþjóðagjaldeyrissjóðnum og Bretum og
Hollendingum og síðan vildi hann ekki
taka slaginn við ESB með Færeyingum
vegna deilunnar um síldveiðar .
Ríkisstjórn Sigmundar Davíðs rak af sér
slyðru orðið gagnvart Færeyingum með
yfir lýsingu sem hún sendi frá sér 16 . ágúst
2013 þar sem sagði meðal annars:
Ríkisstjórn Íslands mótmælir því harð lega að
ESB grípi til hótana um að beita þving unar­
aðgerðum gegn Íslandi og Fær eyjum sem
leið til að leysa deilur um stjórn un veiða úr
sameiginlegum fiski stofn um . Ríkisstjórnin
krefst þess að ESB dragi hótanir sínar til
baka og virði þannig skuldbindingar sínar
samkvæmt þjóða rétti .
IV .
Í stefnuyfirlýsingu ríkisstjórnarinnar seg­ir: „Ríkisstjórnin mun vinna að því að
Ísland verði leiðandi afl á norðurslóðum og
virkur þátttakandi í vestnorrænu starfi .“
Íslendingar og Færeyingar eru banda­
menn í makríldeilunni . ESB og Norðmenn
héldu þeim frá viðræðum um árabil af því
að þjóðirnar væru ekki strandþjóðir . Makríll
væri ekki þeirra mál . ESB og Norðmenn
ráða ekkert yfir makrílnum og hann fer
sínar eigin leiðir . Stofninn margfaldast í
íslenskri og færeyskri lögsögu og makríllinn
sækir vestar inn í lögsögu Grænlendinga .
Íslensk stjórnvöld viðurkenna Græn lend­
inga ekki alfarið sem strandþjóð . Árið 2012
var bannað að landa makríl úr grænlenskri
lögsögu á Íslandi og sumarið 2013 hefur
verið staðið álappalega að framgöngu gagn­
vart Grænlendingum í makrílmálinu .
Grænlensk stjórnvöld ákveða veiðikvóta
á makríl einhliða í lögsögu sinni eins og
Íslendingar og Færeyingar . Grænlenskar
útgerðir ráða ekki yfir nægum flota til að
veiða allan makríl sem veiða má við Græn­
land auk þess sem það tekur fimm daga að
sigla með makríl frá austurströnd Græn­
lands til vinnslu á vesturströnd landsins .
Hagkvæmt er að stofna til náins samstarfs
íslenskra og grænlenskra stjórnvalda um
nýtingu þessa afla . Í stað þess að gera
það draga íslensk stjórnvöld lappirnar og
Grænlendingar heimila kínverskum og
rússneskum verksmiðjuskipum að veiða í
lögsögu sinni auk þess sem skip á vegum
ESB frá Eistlandi veiðir 1 .400 tonn .
Þegar Íslendingar hófu makrílveiðar var
ráðist á þá í ESB­ríkjum fyrir að veiða til
bræðslu en ekki til manneldis . Nú sæta
Grænlendingar slíkum árásum . Þær koma
úr hörðustu átt, frá Íslandi . Sé bannað að
landa makríl frá Grænlandsmiðum á Íslandi
aukast líkur á að hann fari í bræðslu .
Framkoma Steingríms J . Sigfússonar í garð Færeyinga
vegna síldveiðanna er enn eitt
dæmið um hve honum voru
mislagðar hendur í samskiptum
við aðrar þjóðir . Annars vegar
beygði hann sig í duftið fyrir
Alþjóðagjaldeyrissjóðnum og
Bretum og Hollendingum og
síðan vildi hann ekki taka slaginn
við ESB með Færeyingum vegna
deilunnar um síldveiðar .