Þjóðmál - 01.09.2013, Side 21

20 Þjóðmál haust 2013
og fjölbreytni þess náms sem ungu fólki er
boðið . Að stytta nám og ná þannig fram
einhverjum sparnaði, getur ekki verið
markmið í sjálfu sér . Markmiðið er að auka
gæði námsins, undirbúa nemendur betur
undir lífið og gefa þeim fleiri möguleika til
menntunar og starfa . Í þessu er fólgin besti
sparnaðurinn og mesta arðsemin .
Ekkert tryggir gæði betur en samkeppni .
Þess vegna á það að vera meginmarkmið að
auka samkeppni á milli menntastofnana á
öllum skólastigum, allt frá grunnskólum til
háskóla . Þar getum við m .a . sótt í smiðju
Svía sem hafa innleitt ávísanakerfi og aukið
þar með valmöguleika nemenda í námi .
Samkeppni í grunnskólum í Svíþjóð hefur
aukið gæði námsins, búið nemendur betur
undir frekara nám og hækkað laun kenn­
ara .
Lækkun skulda skilar mestu
Lækkun skulda ríkissjóðs mun skila meiri árangri en flest annað . Vaxtagjöld
ríkissjóðs á liðnu ári námu liðlega 83
milljörðum króna eða 13,9% af útgjöldum .
Þetta jafngildir liðlega einni milljón króna
á hverja fjögurra manna fjölskyldu . Að
óbreyttu má segja að ríkið muni greiða ígildi
tveggja herbergja íbúðar á næstu 25 árum
fyrir hverja einustu fjölskyldu landsins . Alls
um 81 þúsund íbúðir.
Lækkun skulda ríkisins og þar með
lækkun vaxtagreiðslna ræður miklu um
hvort hagræðingarnefndin nær markmiði
sínu . Lækkun skulda næst aðeins fram með
tvennum hætti; annars vegar með því að
góður og stöðugur afgangur sé hjá ríkis­
sjóði og hins vegar með sölu eigna, þar
sem tryggt er að sölutekjur séu nýttar til að
greiða niður skuldir .
Vegna þessa kemst hagræðingarnefndin
ekki hjá því að horfa til þess hvort, hvaða
og með hvaða hætti einstakar eignir ríkisins
séu seldar .
Sala ríkiseigna —
bandamenn einkavæðingar
Leiða má rök að því að með markvissri og skynsamlegri sölu ríkiseigna sé
hægt að lækka vaxtagreiðslur ríkisins á
kjörtímabilinu um allt að 35–40 milljarða
króna og er þá ekki tekið tillit til þess að
lánshæfismat ríkissjóðs styrkist verulega
sem aftur tryggir enn lægri vaxtakostnað .
Takist hagræðingarnefndinni að búa svo
um hnútana að tryggt sé að allar tekjur af sölu
ríkiseigna renni til að greiða niður skuldir
ríkisins og stórlækka þar með vaxtakostnað,
mun mikill meirihluti landsmanna styðja
umfangsmikla einkavæðingu . Þegar valið
stendur á milli þess að eiga ríkisbanka eða
auka möguleika ríkisins til að standa undir
öflugu velferðar­ og menntakerfi, er auðvelt
að komast að niðurstöðu .
Fyrir ungt fólk, sem horfir á að óhófleg
skuldasöfnun rýrir lífskjör þess í framtíð­
inni, er það ekki eftirsóknarvert að eiga hlut
í banka eða öðrum fyrirtækjum í gegnum
sameiginlegt eignarhald ríkisins . Ungt fólk,
Hagræðingarnefndin getur eignast öfluga bandamenn
meðal yngri kynslóðarinnar en
alls eru liðlega 92 þúsund
Íslendingar á aldrinum 16 til
35 ára . Með stuðningi tuga
þúsunda getur hagræðingar­
nefndin lagt fram róttækar
tillögur um sölu ríkiseigna og
niðurgreiðslu skulda .