Félagsbréf - 01.10.1960, Page 38

36
FÉLAGSBRÉF
skáldskap. Með bókmenntum á ég þannig við þann hluta allan af andlegu
Iífi þjóðarinnar, skapandi mætti hennar, rannsóknum og uppgötvunum, sem
tjáður er og ger opinber með því að setja hann á bækur. Þennan þátt í
menningarlífi þjóðarinnar tel ég svo mikils verðan, að hann megi með engu
móti vanrækja, og jafnframt að styrkur og þol menningar vorrar byggist
á því, hve ríka og lifandi aðild hver einstakur þegn á í þessum sameiginlega
fjársjóði. Ég tel að blöðin geti þar stórmiklu til leiðar komið og megi með
engu móti leggjast það undir höfuð. Það er því ekki sem beisk umvöndun
um það, sem vangert er, heldur bróðurleg eggjun til þess, sem gera skal,
sem ég hef vakið þetta mál.
Holti 23.—25. sept. 1960.