Félagsbréf - 01.12.1960, Blaðsíða 24

22
FÉLAGSBRÉF
Nú vorum við komin inn í borgina, og vagninn stanzaði hvað eftir annað
með nokkurra skrefa millibili, að mér fannst, og bílar tróðust áfram báð-
um megin við okkur, og strætið var krökkt af fólki alls staðar að þennan
dag, svo að mér var um megn að skilja, að nokkur manneskja skyldi vera
eftir í öllu Missisippi til að selja mér farmiða, hvað þá taka af mér skýrslu.
Svo stoppaði vagninn. Þarna var önnur stoppstöð, miklu stærri en í Jeffer-
son. Og ég sagði: „Jæja. Hvar er það sem maður gengur í lierinn?“
„Hvað?“ sagði maðurinn með vagninn.
Og ég sagði aftur: „Hvar gengur maður í herinn?“
„Nú-ú,“ sagði hann, og sagði mér þá, hvernig ég færi að komast þangað.
Ég var fyrst í stað hræddur um, að ég kæmist ekki upp á lag með að rafa
í jafnstórri borg og Memphis. En ég komst upp á lagið. Ég þurfti ekki að
spyrja nema tvisvar aftur. Þá var ég kominn þar, og ég var fjandans
glaður að komast burt frá öllum þessum æðandi bílum og hrindingunum
í fólkinu og öllum hávaðanum í bili, og ég hugsaði með mér: nú stendur
ekki á löngu, og hugsaði með mér, að ef það væri nú ös þarna líka .if
fólki, sem væri komið í herinn, myndi Pétur líklega sjá mig fyrst. Svo
labbaði ég inn. En Pétur var þar ekki.
Hann var ekki einu sinni þar. Það var þarna hermaður með stóran
örvarodd á erminni og var að skrifa og það stóðu tveir hermenn yfir honum.
og það voru fleiri þarna, held ég. Mig minnir, að ég sæi fleiri þarna.
Ég gekk upp að borðinu, þar sem hermaðurinn var að skrifa og sagði:
„Hvar er Pétur,“ og hann leit upp, og ég sagði: „Bróðir minn. Pétur Grier.
Hvar er hann?“
„Hvað,“ sagði hermaðurinn „Hver?“
Og ég sagði honum það aftur: „Hann gekk í herinn í gær. Hann ætlar
til Pearl Harbor. Og ég líka. Ég þarf að ná í hann. Hvar hefirðu hann?"
Nú voru þeir allir farnir að horfa á mig. „Svona“, sagði ég. „Hvar er
hann?“
Hermaðurinn var hættur að skrifa. Hann flatti hendurnar á borðinu.
„Nú,“ sagði hann. „Og þú ætlar líka?“
„Já,“ sagði ég. „Þeir þurfa að hafa eldivið og vatn. Ég get klofið í
eldinn og sótt vatn. Svona. Hvar er Pétur?“
Hermaðurinn stóð á fætur: „Hver hleypti þér inn hér?“ sagði hann.
„Komdu þér út. Hypjaðu þig.“
„Fjandinn,“ sagði ég. „Segðu mér, hvar Pétur....“