Félagsbréf - 01.12.1960, Page 50

48
félagsbrí:f
rétta þeim höfundum hjálparhönd, sem eiga getu og vilja í þessum efnutn.
Það er skylda leikhúsmanna og gagnrýnenda að styðja af alefli að því, að
þessi bókmenntaþjóð eignist nú nýjar leikbókmenntir, sem ekki standa að
baki því, er annars staðar þekkist. Við getum ekki lengur lifað á nöfnum
eins og Jóhanni Sigurjónssyni, Guðmundi Kamban, Indriða Einarssyni og
Einari H. Kvaran. Það er tími til þess kominn, að við eignumst vevðuga
eftirmenn þessa frumherja. Ef ekki tekst að fylla þau skörð, sem þeir skvldu
eftir sig, þá höfum við til lítils eignast Þjóðleikhús.